خاطري نتغير !
خاطري نولي أحسن من هكي ~
عارفة خلاص من كثر ما نسمع بأخبار الموت بديت لما نرقد نقول معاش بنوض
نبي نحافظ على صلاتي في وقتها !
نبي نقرا القرآن كل يوم
معاش نبي نسمع أغاني
ونبي نغير من لبسي ")
نخاف نموت وانا نعصي في ربي ! نموت وذنوبي تقعد حية ><
مافيش حد شجعني كلهم يقولولي إنتِ صغيرة ..
إنتِ ح تغمي روحك هكي وعيشي حياتك !
البنات كلهم يلبسوا ويطرحوا وأغاني وهياجة : v ( إلا من رحم الله )
-
باهي وخيتي الصلاة تذكري الموت بس
تخايلي تموتي وما صليتش صلاة #فرض !
ما سلككم في سقر ؟ قالوا لم نك من المصلين
معقولة النت ولا الهدرزة أهم من رضى ربي ؟
وكان تبي حسنات أكثر صلي الرواتب والنوافل
طيب الأغاني ؟ إنتِ لو تنصب ف ودنك مية مصقعة
تقعد ودنك توجع فيك ودوايات ودنيا : ]
لا بال ينصب في ودنك صديد جهنم ؟ " أعاذنا الله "
كل ما تبي تسمعي أغنية أفتحي القرآن ~
" أتستبدلون الذي هو أدنى بالذي هو خير " ؟
كل يوم ديري وِرد تقري ان شاء الله حتى 4 آيات المهم يوميًا تقري قرآن ()
أما عن اللبس إيي ح يقولولك هللبا كلام ي عزوز ودافنة روحك وو .. ^^
لكن الدين كله يحتاح لصبر : )
عورة المرأة أمام المرأة " مواضع الوضوء " كما ذكرها الشيخ الألباني رحمه الله
وكذلك أمام أبيك وإخوتك ^^
ولبس البنطلون لا يجوز وبعض المشايخ أباحوا لباس البنطلون الواسع
في قفاطين قنينة وقونات وبلايز حلوات : v
إنتِ مش ح تقتلي روحك ولا ح تدفني روحك ع قولتهم بالعكس
تلبسي وتطرحي وأمورك فلَّة ^*
ره الدين مش الإبتعاد عن الحياة !
الدين الإبتعاد عن الحرام ..
-
لو ما شجعكش حد وتبي تتغيري
اعقليها وتوكلي على الله ! قبل ما يجي ابليس اعوذ بالله منه ويوسوس لك -__-
" واستعينوا بالصبر والصلاة " يا طيبة ~
وأسأل الله الهداية والثبات لنا ولكن
أنت تقرأ
.انتقااد/.CRITICISM.
ChickLit- كانت تأتيني في احلامي وهذا شيء كافي.🖤- كنت أتقمص دوماً دور المنقذ في حين أنني لا أستطيع إنقاذ نفسي.
