"ထိုက်နဲ့သွန်း"
မုဉ်ဦးကိုတောင်မကျော်သေး အနောက်ကနေခေါ်သံကြားလို့လှည့်ကြည့်လိုက်တော့ သွန်းအချစ်ဆုံးသူငယ်ချင်း မြူ နှင်းသံသာဖြစ်နေ။ မြူ နှင်းက ငယ်ငယ်တည်းက ဆံပင်ရှည်ထားရတာကြိုက်တော့ အခုဆို ဆံပင်က ခါးတောင်ကျော်နေပြီဖြစ်ကာ အရပ်ကလည်း ရှည်တော့ အပျိုကြီးပုံစံတောင်ပေါက်နေပြီဖြစ်သည်။
"မြူနှင်း တစ်ခြားသူတွေရောရောက်နေပြီတဲ့လား"
မြူနှင်းနဲ့တစ်ခြားသူတွေက social network တော်တော်သုံးကြတယ် အဲ့တော့ သူတို့က အမြဲအဆက်အသွယ်မပြတ်ဘူးလေ။ သွန်းကသာ ကမ္ဘာကြီးနဲ့အဆက်သွယ်ပြတ်နေတာမဟုတ်လား ။
"ယံရယ် သူရိန်ရယ်က ရောက်ပြီလို့ပြောတယ် ကန်တင်းမှာတဲ့ဟ။ first day ဆိုတော့ တက်ကြွနေကြတာ အဲ့နှစ်ကောင် "
"ဪ အဲ့တာဆို လူစုံပြီဘဲဟ.. သွားမယ်လေကန်တင်းကို"
ပြောလည်းပြောသွန်းကဦးဆောင်ပြီး မြူ နှင်းလက်ကိုဆွဲကာ ကန်တင်းဆီကိုသွားဖို့ပြင်လိုက်သည်။
"ကိုမိုးရော လိုက်မှာလား"
"လိုက်ခဲ့မယ် ငထိုက်"
"ကိုကြီး အအေးဝယ်တိုက်နော် ညီ့ကို "
"အင်းပါကွာ "
ထုံးစံအတိုင်း ငထိုက်က အကိုကြီးကိုကပ်ချဲွနေပြန်သည်။ သွန်းကိုဆို အကိုတစ်ယောက်လိုအမြဲကာကွယ်တတ်ပင်မယ့် အကိုကြီးကိုဆိုရင် ငထိုက်ကနည်းနည်းဆိုးသည်။ တစ်ဦးတည်းသောသားမို့လို့ အကိုတစ်ယောက်လိုချင်တာလည်းပါမယ်ထင်သည်။
ကန်တင်းရောက်တော့ တိမ်ယံရော သူရိန်ရော မုန့်စားနေကြပြီ
"ရောက်ပြီလားဟ "
"ရောက်လို့ နင်မြင်နေရတာပေါ့ "
တိမ်ယံနဲ့မြူ နှင်းကတော့ တွေ့တာနဲ့ ကိုက်ကြပြီလေ။ တစ်ယောက်နဲ့တစ်ယောက်မခင်ကြတာလည်းမဟုတ်ပဲနဲ့ အမြဲဘုကန့်လန့်ပြောလိုက်ရမှ နှစ်ယောက်လုံးစားဝင်အိပ်ပျော်ကြတဲ့ပုံပင်။
"နင်တို့ကလည်းလေ တွေ့လိုက်တာနဲ့ ကိုက်မယ်ဆိုတာကြီးဘဲ"
"ဟုတ်သားဘဲ ဒီမှာ သွန်း အစ်ကိုလည်းပါတာကို အားနာကြစမ်းပါ"
သွန်းရော ငထိုက်ရောနည်းနည်းဆူလိုက်တော့မှ နှစ်ယောက်လုံးငြိမ်သွားကြသည်။ဒါတောင် တစ်ချက်ချက် လေဆာပစ်နေကြသေးတယ်။
"ဟားဟား ရပါတယ်ကွယ်။ ကလေးတွေပဲဟာ ပျော်သလိုနေကြပါ "
မိုးတိမ်ဘာရယ် မဟုတ် တိမ်ယံဆိုတဲ့ကောင်လေးကို ကြည့်လိုက်မိတော့ သူ့ညီမသွန်းကိုကြည့်နေတာ မရိုးဘူး....တစ်ရက်တော့ သွန်းကိုမေးကြည့်ရအုန်းမယ်။
"တိမ်လွှာ ကိုသဘောကျနေတဲ့သူကတော့ ရင်ဆိုင်ရမှာ ထိုက်စေတစ်ယောက်ထဲမဟုတ်တော့ဘူး "
ရုတ်တရတ်ထပြောလိုက်တဲ့ တိမ်ယံစကားကြောင့် မိုးတိမ် သံသယပိုကြီးသွားသည်။ ဒီကောင်လေးက ရည်းစားများတယ်လို့ကြားထားတာကို... သွန်းကိုလည်းအပျော်သဘောနဲ့ဆိုရင်တော့..မဖြစ်သေး ထိုက်စေကိုသတိပေးထားမှဖြစ်မည်။
"ထိုက်စေရော ကိုကြီးရော သဘောတူမှမဟုတ်ဘူးနော် မိဘတွေရော သဘောတူမှ တွဲလို့ရမှာ"
တိမ်လွှာကတော့ ဘာကိုမှသတိမထားမိပဲပြောချင်တာတွေကိုပြောနေတော့သည်။ တိမ်ယံအကြည့်တွေကို မိုးတိမ်သိပ်သဘောမကျ ။ သူ့ရဲ့စကားတွေကလည်း တိမ်လွှာအပေါ်မရိုးသားတာ ကျိန်းသေနေသည်။
"ကဲအဲ့တာဆို အကိုကြီး ထမင်းစားချိန်မှ ပြန်ဆုံမယ်နော် သွန်း "
"ဟုတ်အကိုကြီး ..ငါတို့လည်းအတန်းသွားတက်ရအောင်လေဟ "
"နေပါအုန်းဟယ် ငါတို့အခုမှစားနေတုန်းဟာကို "
အစားပုတ်သူရိန်က ထိုင်ရာကနေမထ အစားမသောက်မပြတ်ပြောနေသေးသည်။သူ့အတွက် ကျောင်းလာတာ ကန်တင်းမှာစားဖို့သောက်ဖို့လာတာဖြစ်မည်။
"အိမ်မှာထဲက စားလာပါလား"
"တော်လိုက်တော့ နင်တို့နှစ်ယောက်"
မြူ နှင်းနဲ့ နောက်တစ်ခေါက်စကားများဖို့ လမ်းရောက်နေသည်မို့ ထိုက်စေ အော်လိုက်ရသေးသည်။
နောက်ပြီး တစ်ယောက်နဲ့တစ်ယောက် facebook မှာ block ကြအုန်းမည်။
"အတန်းတက်မယ်ဆိုမှလိုက်ခဲ့တော့ သွားနှင့်ပြီ"
"တူတူသွားမယ်လေ သွန်း"
အကုန်လုံးနှုတ်ဆက်ကြပြီး ကန်တင်းကပြန်ထွက်မယ်အလုပ်....
"ယံ"
YOU ARE READING
အချစ်ဆိုသည်မှာ💗
Fantasyအချစ်ဦးကို မြေးဦးရတဲ့အထိမမေ့နိုင်ဘူးဆိုတဲ့အတိုင်း မင်းကိုလည်းငါမေ့မရခဲ့ဘူး ဟိန်းသစ်ရန် အချစ်ဦးဖြစ်တဲ့မင်းကို ပြန်တွေ့ရင်ချစ်နေမိဦးမယ်လို့မထင်ထားမိဘူး ချစ်မိနေသေးတာဘဲ ကလေး ထိုက်စေတမာန် အရမ်းရှုပ်တဲ့နင့်ကို ငါချစ်မိမှာကြောက်တာ ငါ့အမှားမဟုတ်ဘူးမလား သွန...
