ကကြိုး

ကကြိုး Final

Debut Song ဆိုပြီး ကပြီးလို့ SBS Inkigayo မှ ပြန်လာကြတော့ အပင်ပန်းဆုံးမှာ Jungwoo သာဖြစ်သည်။

Staff များအားလုံး ပင်ပန်းသော်လည်း Jungwoo ကိုမမှီ။

ပထမဆုံး Stage ဖြစ်လို့ စိတ်လှုပ်ရှားမှုကို ထိန်းချုပ်ထားရသည်မှာလည်း ပင်ပန်းလှသည်။

Rehearsal လုပ်ခဲ့ပေမယ့်လည်း ပရိတ်သတ်အများကြီး ရှေ့ထွက်ရသောအခါ စိတ်လှုပ်ရှား ရပြန်သေးသည်။

ဒီလိုနှင့် Dorm ရောက်တော့ Jungwoo တန်းပြီး ရေချိုးကာ အနားယူရန်ပြင်တော့သည်။

သို့သော် ဖုန်းဆက်ခေါ်သော Lucas အမိန့်ကို လွန်ဆန်လို့မရ၍ သွားရပြန်သည်။

Debut ကြောင့် ပင်ပန်းသော်လည်း Lucas ကြောင့် Debut ခဲ့ရသည်ဆိုသော ကျေးဇူးကိုထောက်၍ နှလုံးသားက ဆန္ဒအတိုင်း အချစ်ညကို ဖန်တီးခဲ့ကြသည်။

Debut ပြီးတစ်လအတွင်းတွင် Album ထုတ်ရန် ပြင်တော့သည်။

ညတိုင်း သီချင်းရေးသည်။ Composer များရေးပေးသော သီချင်းများကိုလည်း Recording သွင်းရသည်။

Jungwoo က Vocal ကောင်းတစ်ယောက်ဖြစ်တာကြောင့် အချစ်သီချင်းအပြင် အသည်းကွဲသီချင်းပါထည့်ပေးထားသည်။

ဒီလိုနှင့်တစ်လအတွင်း ပင်ပန်းခဲ့သည်များကို အကောင်အထည်ဖော်ရန် အချိန်ရောက်လာသည်။

Album နာမည်ကိုလည်း Rhythm ဟုသာ ပေးချင်သည်ဆိုသော Jungwoo ဆန္ဒကြောင့် Lucas ခွင့်ပြုခဲ့သည်။

Album တွင် သီချင်းစုစုပေါင်း ရပုဒ်သာ ပါဝင်သည်။

နည်းတယ်ထင်ရသော်လည်း ဒီ ရပုဒ်အတွက် ပြင်ဆင်ခဲ့ရသော အချိန်များမှာ မနည်းပေ။

ပထမဆုံး Album ဖြစ်လို့ 7ပုဒ်လောက်သာ သင့်တော်သည်ဟု Manager အသစ်က ပြောသည်။

Kun အလုပ်ထွက်သွားကတည်းက Jungwoo စိတ်မကောင်းဖြစ်ခဲ့ရသော်လည်း Manager အသစ်ကို Lucas က ရှာပေးနိုင်ခဲ့သည်။

Jungwoo ကြောင့် အလုပ်ထွက်သွားသော Kun သည် ဘယ်ရောက်နေသည်တော့မသိပေမယ့် ဂရုစိုက်ပေးခဲ့ဖူးသော ကျေးဇူးများကိုတော့ တစ်ရက်မှ မမေ့ခဲ့သလို အမှတ်ရနေပါသည်။