#حلمي_الأخير 20 ... أجمل مافي الحياة أنك تتزوج حبيبتك البنت اللي تحلم بيها وگلبك يعشگها الحب الأول هيه حبيبتي اللي ماشفت ولا عشگت غيرها رغد أصغر مني بخمس سنوات ومن جانت تروح تتداوم بالاعداديه جانت تنتبه عليه منتبهه من ذاك الوقت انو اني الحگها بالطريق وتعرف أن دربي مو على دربها من تزوجت نشغلت بزواجها ومره رجعت لبيت اهلها جانت مريضه وتراجع طبيبه علمود الحمل شافتني بالشارع عرفت انو اني بعدني الحگها وادور عليها حست برغبه انها تلتقي بيه وتطلب مني اعيش حياتي وماانتظرها بعد مجانت متوقعه اني بعدني منتظرها ولا جانت متوقعه انها راح تتطلگ ويجي اليوم اللي اجي لبيت اهلها والتقي بيها واطلبها من اخوتها ومن اجيت خطبتها مجرد مارفعت راسها وعاينت بعيوني تذكرتني تفاجأت تذكرت الشاب النحيف العشريني اللي جان ملاحگها ومعجب بيها بس مو مثل مااني حبيتها ووفيت لها وماتزوجت ولاصارت عدي رغبه بغيرها يمكن لأن هيه مرَة والمرَة مغلوبه على أمرها بمجتمعنه وشوكت ماتجي قسمتها مجبوره توافق لدرجة مكدرت تكمل دراستها بقينه ايام نتعرف على بعض يعني تقريبا حجتلي كلشي عنها وعن زواجها زوجها جان يخاف من اهلهه وهمه اللي فرضوا عليه يتزوج عليها حتى يصير عده طفل هيه مجانت تحبه حسب كلامها بس لأن زوجها والمطلوب منها تراعي حق الزوج بقه صابر عليها 12 سنه بدون حمل ومن يراجعون الطبيبه النسائيه تكول بيد الله ماكو سبب لعدم الحمل الغريب زوجها صار سنتين من تزوج وهم ماصار عده اطفال لحد الآن وعدتها انو هالشي مستحيل يكون عائق بيننا ولا يهمني وآخر شي افكر بي اهم شي عدي انو هيه تحبني مثل ماحبها ومايجي يوم اللي تندم بي على زواجها مني بقيه الأمور يمكن اضطريت اخفي عنها علاقتي بعذراء محجيت لها بس شغلي وي لطيفه خفت تزعل مني لو تنجرح كل همي ارضيها واتقرب منها واخليها تحبني حبيبتي وزوجتي وام بيتي . . مرت ايام وشهور ورغد عايشه ملكه وياي كلشي تريده انفذه الها حتى من اروح للشغل مااتاخر عليها اشتاقلها بجنون وجبتلها تلفون أرضي بالبيت تتصل بيه بالمحل وعايف العالم وعايش وياهه حب ورومانسيه ولا بالافلام خليتها تتعلق بيه ومتكدر على فراگي لدرجه قبل لاادخل للبيت تتلكاني تحضنني وتبوسني اخوتها أجو زارونه وي عوائلهم البيت صغير اجرتلهم بيت بصفنه وبقوا كم يوم سياحه وتطمنو عليها ورجعوا وبين فترة وفتره يجون تعودوا حياتنه متعه ولذه وحب وعشگ ماينوصف ولاينكتب بكلام ولايتحدد بكتابات بيوم رجعت للبيت فتحت الباب اول مره رغد متتلگاني بالباب نهبطت عليها كلت يمكن بالمطبخ دتحضر العشه صحت .. رغد !! حبيبتي وينج جانت على الجربايه متمدده وتبجي رغد شبيج حبيبتي ركضت شلت راسها ولزمت خدودها وجهها مليان دموع مصطفى أهده حبيبي ماكو شي وج هسه احرگ الدنيا ليش تبجين لعد !! بتسمت ومسحت دموعها مصطفى اني ءء فتحت عيوني ايي !! خذت نفس وتحسرت مصطفى اني يمكن حامل وخرت ايديه عن وجهها ورجعت لوره ممستوعب شدتحجي يمكن مسمعت زين شكالت تقربت مني وحضنتني مصطفى شبيك دا گولك حامل رغد سلامتج حبيبتي يعني شلون اكتشفتي هالشي اني عايفج وحدج بالبيت منو گلج وشلون عرفتي عرفت من كلامها انو اكو شغلات وعلامات المرّة تحس من خلالها انها حامل مادري ليش متشوقت للموضوع زين حبيبتي امشي هسه اخذج للمستشفى لا لا مصطفى ماريد اي ليش ياعيني حبيبي مشتهيه تفاح احمر اويلي هسه اخلقلج التفاح الأحمر گومي بدلي نروح نتعشه بره اي عفيه مصطفى مشتهيه سمج شوي رفعت حواجبي مستغرب سمج مشوي بليل !! شبيك ياعيني نفسي رايحه عليه ديلا كومي غسلي وجهج وبدلي كمت اني هم سبحت وبدلت وطلعنا بسيارتي رغد متوهمه انها حامل وعايشه اللحظه فرحانه كلش بس اني ممرتاح وصيتها تهتم بنفسها زياده حتى اني هم مراعي نفسيتها وماضغطت عليها بالامور الخاصه بين الأزواج خفت عليها كلش هيه هم هالفتره سمنت وجسمها صار مليان بذني الكم يوم واكلها كله خاص وماقصرت وياهه نهائي وبنفس الوقت ترفض تروح للمستشفى لو تراجع دكتوره واني مخليها على هواهه ... يتبع ج//20
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
