اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
. #حلمي_الأخير //13 ... وتمر الشهور والشغل على حاله ماكو شي جديد أحداث هواي تغيرت بالبلد الكل يعرفها بدايه التسعينات احتلال الكويت وتهديدات اميركا وفتره بدايه الحصار وبعدها الغوغاء والانتفاضه وماطولت هواي رئسا سيطرة الحكومه والجيش العراقي على الوضع بالبلد هالفتره لطيفه اطتني مبلغ صفطه من الفلوس ووصتني وأمنتني على البيت وأخذت غراضها وفلتت كالت اني مسافره للشمال حتى ام سميحه ختفت وراهه بقيت بين فتره وفتره اروح لبيت جدي انطي عمتي مصرف واتطمن عليهم وارجع لبيت لطيفه ابات هناك بدلت مدني حتى ملابسي العسكريه تخلصت منها بس السلاح ضميته دفنته بالحديقة يجي وكته والشبابيك غلفتهن بجرايد وخذت احتياطات بالباب ومداير البيت ومالي شغل بأحد اللي عليه احافظ على البيت أمانه برگبتي محد يوصله طول فتره غياب لطيفه لحد ماهدأت الأمور كم شهر رجعت لطيفه تفاجأت شكلها متغير صابغه شعرها اسود وضعفانه شوي وصاير لبسها مستور تلبس جبة اسلاميه بس نتبهت بعدين أنو الشغل صاير قوي ونظامه غير شكل اول مره من أجت تشكرت مني لأن حافظت على بيتها بغيابها بعد التخريب اللي صار بالغوغاء بالمدينه وبفضلي محد وصل ولا أحد دخل بعدين نطتني إكراميه وزودت يوميتي قبلها جنت مقرر اشتري سياره اروح واجي بيها احسن من ما اروح مشي مرات ومرات اصعد عبري وهسه اجه وكتها خذت الفلوس ورحت لجماعه بالسوگ دلوني وخذتلي سياره نص ونص على گد الحال وتعلمت السياقه كم يوم طلعت رخصه من المرور ... مرت الأيام والشغل عد لطيفه صار يخوف جماعت الحزب والأمن يجون بسيارات خاصه يدخلون وينزلون بضاعة بالمخزن ع الأكثر انتبهت سلاح ومرات بطاله شرب بعد ذيج التجاره متصرف لو يمكن قبل جانت جوه الغراض بالسر وهسه صارت بالعلن الله العالم بقيت شهر تقريبا اريد فرصه حتى افتح الموضوع وي لطيفه اترك الشغل استقل عنها وابدي شغل جديد تحججت ببيت جدي يحتاج تعمير وفعلا طلعت عمال بناء يلحضون بي وعمتي وحدهي .. لطيفه مقبلت گالت حتى لو من يخلص العمال بناء نفس اليوم ترجعلي احتاجك ماطلع غيرك حارس ماثق بأحد بلشت وي العمال تلحيضات وترميم بالبيت وبنيت طابق ثاني وانطيت عماتي حصصهن من البيت اشتريتهن وسجلته بسمي بالعقار والحمدالله بقت اشوفلي شغله غير هاي لأن صارت خطره ماعرف شلون اتخلص منها لو يصير شي وابتلي مرت الايام واسمع واشوف أشياء وشغلات بس اسكت مااكدر اسوي شي تحملت على ما الله يفرجها وره كم شهر عبدالله رجع يزور لطيفه ومرات يبات وجان كلش متضايق مني دائما يحاسبني ويتذمر مني ويسمعني حجي حتى لطيفه من هو موجود تتجنب تجي يمي يمكن تخاف منه يحاسبها لو مهددها ماعرف مره جان سكران مترنح ومنتهي وطلع لبرة ورش عليه من البطل وظل يحجي كلام تافه ويغلط ويسب لطيفه تسحل بي وتأشرلي اروح ودخلته للبيت كلش ضايقني هالموقف شكد حاقد عليه!! صار الليل لطيفه اطتني يوميتي وبدون متحجي كلمه طلعت صعدت بسيارتي انتبهت الفلوس بيهن ورقه !! مكتوب بيها عنوان محافظة بالشمال وجواهه كاتبه افلت بجلدك منا اطلع هسه روح لهالمكان تلگه جماعه وصيتهم عليك ولاترجع وعمتك لاتخاف عليها اني ادزلها مصروف ومسواگ بدون محد يعرف لأن عبدالله ناوي يقتلك ويتخلص منك !! شنوووو؟؟ شهالحجي !! حركت مسافة ووگفت رجعت قريت الرسالة مره ثانيه وثالثة شسالفه ! معقوله هذا الحقير حطني بباله من ذاك الوكت من كم سنه وهو مطايقني ولا ارتاحيت له رجعت ع السريع للبيت وقررت فعلا اروح فرصه واجتني هم اخلص من الشغل هنا وهم اطلع اشوف دنيا واكوّن نفسي واعيش حياة جديده ... يتبع ... ج//13
