#حلمي_الأخير //14 ... فرصه واجتني عدي كم فلس وبسيارتي أخذت غراضي الضروريه ووصيت عمتي على البيت وانطيتها فلوس تمشي حالها بيهن عمة أي واحد يسأل عني حتى لو شرطه متخافين ولاتنطين أي معلومات كليلهم ماعرف وإني بس استقر ارجع عمة شكو شصاير؟ مصاير شي عمه اجاني شغل بغير محافظة اكوّن نفسي وارجع انتي ديري بالج ع البيت وبليل قفلي الباب زين بوستها وبوست الجهال وطلعت ماطولت اقل الساعه وصلت متوجه للطريق للشمال وعلى الله مابيها تأخير ولاتأجيل بعد فولت بنزين وخذت احتياط للطريق ورحت مااندل اول مره اروح بهالطريق هذا كل شوي أنزل اسأل وارجع للسياره أسوق قبل الفجر دخلت للمحافظه تعبت وگفت غفيت بالسياره كم ساعه گلت ارتاح شوي ممتعود هيج اظل صاحي كل هالوقت وره مگعدت انطيت العنوان لواحد دلاني وصلت استقبلني رجال الظاهر من معارف لطيفه وموصيته عليه انطاني مفاتيح البيت وراح البيت جبير وكلش حلو ماعرف إيجار لو شنو المهم ستقريت بس كم يوم علما اتعود على الوضع واشوفلي شغله سبحت وتمددت وبقيت افكر وأخطط شسوي الحمدلله نجيت من هذا المخبل عبدالله جان هسه أني بخبر كان وره كم يوم طلعت افتر بالشوارع طبعاََ المحافظة هاي بالتسعينات مدينه كلش حلوه وجبيره ونظيفه وبيها معالم وآثار واماكن ماشايفها بس بكتاب الجغرافية والتلفزيون بس بالحقيقه رائعه وأجمل والجو بيها كلش لطيف منطقه جبليه وسياحية وشلالات وأماكن متنوصف بالكلام كم يوم مرن قضيتها سياحه وترفيه وراهه ماعرفت وين اروح لو ششتغل خفت الفلوس العدي تخلص واني ممحصل شغل رجعت للبيت لگيت الرجل اللي استقبلني بالبداية من وصلت جابلي أكل دخلنه للبيت وعرض عليه يشغلني بمحلات بيع وشره بالسيارات جماعه معارفه يالله وافقت وتشكرت منه اجتني من الله رحت وياه تعلمت على الشغل وتعلمت لغتهم وبمرور الأيام صارعدي معارف وتأقلمت وي الناس مرت شهور وسنين مواجهت اي مشاكل بالعكس كونت نفسي وجمعت فلوس هواي وسويت شغل مستقل بيه وصار عدي معاميل وصنّاع وتجار اتعامل وياهم يشترون مني من كل المحافظات حتى عفت البيت اللي جنت بي واشتريت بيت جديد صغير بسمي لأن وحدي وماعدي شي اكثر شي اقضي وقتي بالشغل ومرات ابات بالمحل صار عدي أصدقاء كلهم متزوجين وجان دائما يلحون عليه اتزوج اللي يعزمني ع اخته واللي يحمدلي بگرايبه ماعدي هالشي ببالي اصلا ممفكر ارتبط بأي وحده سنه 1995 صار عمري تقريبا 35 سنه اني جنت متواصل وي اخواتي وعمتي اللي عفتها ببيت جدي بين فتره وفتره ادزلهم فلوس ورسايل بيد واحد ثقه اطمنهم عني وهمه هم يدوزلي رسايل دائما يگلولي تعال نشوفك مشتاقيلك لو انطينه عنوانك نجيك اطمنهم واوعدهم ارجع بس مستحيل انطي عنواني بعدني خايف من عبدالله لايكون يدور عليه لو منتظر رجعتي سألتهم عن لطيفه عمتي كتبت بالرساله انو مرتين دزت مسواگ لحم ومخضر وبس هم انعم الله عليها ماقصرت يكفي انها حذرتني و نقذتني من الموت وبفضلها وصلت لهالمكان وصرت تاجر بعد ماجنت حمال بالسوگ .. هالفتره كلش شتاقيت لگبر امي وابوي حنيت لمدينتي مادري شكلي تغير لو بعده راح يعرفوني لا كبرت كم سنه وسمنت عن قبل وجسمي معضل صار لأن هالفتره دخلت نادي رياضي .. قررت ارجع اشوفهم وصيت الصنّاع وكلفت كم واحد ثقه يهتمون بالشغل والبيت علما ارجع أخذت سياره قديمه من المعرض لأن سيارتي حديثه بدلتها مؤقت رجعت ... شكد حسيت بوجع بصدري من رجعت رجعتلي ذكريات الاهل والحب اللي ضاع ورجعتلي ذكريات بداياتي ببيت لطيفه وعلاقتي بعذراء شريط فيلم ونعاد طول الطريق أتذكر ذكريات قاسيه توجع وتألم وصلت بليل البيت نفسه ممتغير مانطيتهم خبر من قبل كلت اسويها مفاجأة من دكيت الباب فتحلي ولد يطلع عمره عشر سنوات معقوله!! هذا أمجد ابن عمتي!! صفن ببوجهي يمكن شايف صوري ويتذكرني فتحت ايديه وحضنته وبوسته استغرب عمتي اجت شهگت وركضت عليه تبوس بيه ليش هيج عمه عمت عين الدنيا الخذتك وبجت شكد متغيره وكبرانه!! عمه مو بيدي والله لو ضال جان قتلوني يمه عزه العزاهم گلبي علمني عرفتهم مو خوش اوادم بقينه ساعه نسولف عمتي دزت أمجد يروح لبيت جيراننه يخابر على بقيه عماتي واخواتي يكللهم ووحده تخابر الثانيه وبجتمعن باجر هنا عمه ان شاء الله باجر ذبيحه نذبح ونطبخ ثواب لموتانه بسلامه رجعتك يبعد روحي ورجعت شبكتني فد شوي اجت بنيه شابه حلوه ياااا وج يوم تعالي ولج هذا مصطفى ابن خالج المرحوم معرفتها بالبدايه هاي ماجده بت عمتي معقوله؟ عمرها 15 او 16 سنه اني عفتها 10 سنوات وناعمه هسه بالغه وصايره حلوه وجذابه سلمت عليه وگعدت بصفي عمتي كامت تسوي جاي شلونج مجوده يعني بعدك تشوفني صغيره مو كبرت وضحكت ماشاء الله كبرتي ولسانج طال رفعت حواجبها شنو!! لا يمعوده اتشاقه شحلاته لسانج بقينه نضحك ونسولف تأخر الوقت رحت لغرفتي ايبااه ... نفس الدفو نفس الريحه شكثر شتاگيت لفراشي ذكريات ذيج الأيام والليالي نمت للصبح كعدت على هوسه خواتي يهلهلن فزيت مخترع ولجن شكو مطهر !!! ؟ وذني هلاهل ورگص واللي تبوس واللي تشبگ زوج عمتي الجبيره ذبح طلي بالباب ونسابتنه جايبين جدوره كبار بالطارمه طبخوا ووزعنه للجيران اليوم كله شايليني بالصلوات شلون العريس لو عبالك جاي من الحج والكل يلملحي بعد ماعرفوا ماتزوجت لحد الآن يالله مصطفى خل نفرح بيك ونخطبلك والعروس موجوده بالله منو العروس يابه ؟؟ .... يتبع... ج//14
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
متابعيني الكرام مع احترامي وتقديري للبعض حبيت انوه لشغله تخص كتاباتي الجزء الواحد يكلفني ساعات ومرات يوم وانتو تقروا بدقايق اني اختلف عن بقيه الكاتبات اللي يصفطن حجي ويكتبن بدون وعي ولاثقافه وحتى أخطاء املاءيه عدهن الله شاهد اراجع الجزء أكثر من مرة حتى اصحح الأخطاء الاملاءيه والغرض اسهل عليكم القراءه والمتعه وتصور الأحداث بدقه وتعيشون الحدث مع الشخصيات والبطل خصوصاً محتاجه منكم تقدير بسيط ودعم والف الف شكر لكم جميعاً متابعة ممتعة
