#حلمي_الأخير /22 ... الصبح أخذت رغد لمستشفى اختصاص سألت عن احسن دكتوره فحصتها طلبت سونار وتحاليل وره ماطلعت النتيجه رجعنه للدكتورة كلامها جان نفس كلام ذيج الدكتورة من قبل من جانت رغد تراجع بزواجها السابق ماعدها مشاكل بالرحم ولااكو اي سبب بس الموضوع بيد رب العالمين وطلبت من عدنه الدكتوره هاي نصبر وكل شهر تستعمل علاج وأبر خاصه بالوريد ومقويات رجعنه من المستشفى خذتها بجوله حتى ترفه عن نفسها تغدينه بالمطعم وكلشي تريده يجيها بدون تأخير ماخليتها تحس بأي نقص ولا ترجع تفكر بالموضوع بس اني حاس بيها من تشوف بالتلفزيون لو بالشارع أطفال تبقى تتحسر وتحس برغبه تحمل وتصير أم رغم مامتبينلي بس اني حاس بيها مرت شهور وسنين واحنا أجمل عشاگ اللي بيننا مو علاقه زوجيه وانما علاقه روح وحده ومشاعر خياليه متنوصف استمر زواجنه من عسل إلى عسل وماكو بيننا مشاكل نهائي اخذها لأهلها ومرات يجونه ومرات نروح لبغداد لو للزياره وبالشمال كل المكانات السياحيه خذتها ماخليت مكان بنفسها سنه 2003 صار السقوط وتدهورت الأوضاع بالبلد قلت سفراتنه وطلعاتنه بعد مكدرت اروح للمحافظات والتهيت بشغل جديد بعد مانفتحت الحدود وصارت التجاره دوليه اغلب الوقت بالشغل حتى من ارجع الكاهه نايمه واطلع الصبح قبل لاتصحه رغد بدت تتذمر من تتصل بيه لو من ارجع اشوفها دائما معصبه وتلومني تكلي عايفني وحدي ختنكت ضجت لو بعد متحبني مثل قبل ومليت مني هالقوانه كل يوم اسمعها ورجعت المشاكل بيننا من جديد حاولت بگد مااكدر ارتب بين شغلي وبينها الجماعه بالشغل يسافرون للخارج ادز واحد من الصناع وياهم مااكدر اروح واذا رحت بكل الأحوال رغد تزعل وتبلش تتناگر وياي بين هالزخم كله والزحمه اتصلوا بيه من المستشفى استغربت كلولي زوجتك يمنه هالمره جانت الصدمه أكبر رحت ركض مثل المخبل دخلت واشوفها كاعده مبتسمه مدت ايدها الي الطبيب واكف جان تقربت لزمت ايدها ومستغرب خخخير دكتور ضحك الدكتور ماكو شي سلامات البنيه جابوها واكعه بالماركت مغمى عليها وكتشفت انها حامل شششنو دكتور شدتحجي انته !!! شبيك ممصدگ اطاني اوراق التحاليل شفتهن كلشي ماافتهمت طلع الدكتور كعدت بصفها الفرحه مسايعتها وتضحك رغد شوداج للمول وشنو هالحجي شبيك مصطفى حبيبي مو كل مره اروح اتسوك من المول الجديد اليمنه كلشي بي لو نسيت انته عايفني من الصبح لليل بلا مسواك اهووو رجعت تتذمر لاماتذمر لزمت بطنها وضحكت اصلا بعد ماحتاجك وج شهالحجي ايي هسه يجي محمد حمودي حبيبي وهوه يشيل همي ويداريني وج رغد لاتخبليني بالمستشفى احنا ترة أهجم عليج وعرّفج شلون متحتاجيني بعد خل نرجع للبيت واني اعلمج بقت تضحك لايمعود دخيلك كلشي ولاتهجم انوب تتطرحني لا حبيبتي اسم الله عليج حضنتها وبستها برأسها خذتها وطلعنه من المستشفى للبيت وبقينه هالفتره كلها نراجع دكتورة مختصه رغد طلعت صدوگ حامل واهلها من عرفوا متخبلين وفرحانين والتلفون مابطل دگ سبحانك ربي قادر على كل شيء اللي حفظتها الي 15 سنه وجمعتني بيها بالحلال وبعد زواج أكثر من 8 سنوات فرحت گلوبنه بحملها اللي جانت هيه أكثر شي تتحمس وتنتظره وتتمناه.. .. الأوضاع جانت بالطريق للمحافظات مو تمام بسبب الاضطرابات اللي بالبلد بعد السقوط قصف الامريكان وفتره يلاحقون جماعه الحزب وانفجارات بالطريق وسيارات مفخخه وإرهاب وخاصه ببغداد وصعب على احد من اهل رغد يجي بس جانت بيننا اتصالات مستمره حتى يتطمنون عليها أكثر من مرة فاضل يتصل بيه ويتوسل اصفي شغلي هنا وابيع البيت واجي يمهم استقر مقتنعت بالفكره صارلي سنين هنا وأسست حياة كامله شلون اعوف كلشي وارجع رغد مطلبت هالشي ولاتذمرت بعد ما عرفت بالحمل كل همها تحافظ على حملها وتتحمل هالشهور التسعه علما يصير وقت الولاده الله يفرجها .. ....يتبع ج//22
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
