#حلمي_الأخير /11
..
عدة اليوم طويل كلش وملل
طلعت لطيفه بسيارتها كاشخه ومبدله عبالك عروس لو بس اعرف وين تروح وويامن !!
مرن كم يوم صدوگ اشتاگيت لعذراء
سوالفها والجنون اللي صار بيننا مارتاحيت
شلون اوصللها لااندل واروح لها ولاعدي رقم اتصل بيها
لا ... خاف اسببلها مشاكل لو تنكشف وتتأذى
بشهر نيسان طلعت من بيت لطيفه راجع لبيتنه جان الجو بي غيوم وظلمه ودمتطر خفيف اكو سياره تمشي وراي ومشغله لايتات ابتعدت مسافه جبيره عن البيت
منتبهت بالبدايه تقربت مني دگ هورن التفتت
محد اكو بالشارع نزلو منها إثنين شباب ملثمين وهجموا عليه دگ ضرب ودفرات كسروني من كل مكان يضربوني فقدت وطحت والمطر على راسي ملابسي تنگعت دم ومطر
عافوني وراحوا
بقيت اصيح محد بالشارع اغمى عليه مادري شصار ومنو ذوله ومنو دزهم
وعيت لكيت نفسي بالمستشفى الممرضة دتضربني ابره بالكانونه ومغذي
شصار صرخت آخ ...
أهدى اخي انته بالمستشفى دقيقة ويجيك الطبيب
اني ماحافظ رقم تلفون لطيفه بس العنوان الطبيب سألني كتله هذا عنوان البيت اللي اشتغل بي ورجعت غبت عن الوعي مادري شكد ووعيت شفت لطيفه وياهه ضابط شرطة والغرفه بيها كم شرطي
الدنيا يمكن الصبح طلع
اني منطي خبر لعمتي خاف اتأخر لاتقلق احتمال ابات بالشغل
لو تدري خطيه جان تخبلت
سألوني الشرطه معرفت منو اللي ضربني ولويش
طلعوا الجماعه بقت لطيفه
لاتخاف صگر سلامات حمد الله على سلامتك ارتاح بالمستشفى اليوم وتطلع لبيتكم سيارتي توصلك
رادت تروح رفعت راسي كوه من المخده صحتها
ست فدوه اروحلج منو ذوله اللي ضربوني
صگر متأكد من جنت مسافره اني محد اجه للبيت؟
لا والله ست محد اجه بس عذراء اصلا محد وصل للباب
هسه الشرطه تحقق بلكي احد شافك بالشارع لازم نعرف منو ذولي منطقتنه أمان مامعقوله هيج يصير بيك متقصديك يعني مداعرف
انته ارتاح ولايهمك لاتشيل هم اهم شي سلامتك
طلعت لطيفه بقيت محتار منو ذولي ومنو دزهم معقوله ذاك عبدالله لالا ممعقوله ماعدي شي وياه شميويله يعني !!
زين عذراء حجت شي صاير عليها شي !!
عدة اليوم على خير وسلامه طلعت من المستشفى سايق لطيفه وصلني لبيتنه عمتي شافتني تخبلت
عمه مابيه شي تزحلكت بالمطر وطحت ظلت تلطم خافت عليه وهبطت من شافتني وجهي متفلش من الضرب وايدي جبروها بالمستشفى بيها كسر
عمه شهالشغله هاي ذاك اليوم گصتك مورمه اليوم وجهك كله متفلش ومورم عمه بطل منها وشوفلك باب رزق بالسوگ
لاعمه ياسوگ بيه حيل اشيل واتعب ماكو شي كم يوم وارجع للشغل معليج اطيتها فلوس تتسوگ وبقيت بغرفتي
كم يوم عدن بصعوبة شوي شكلي تحسن بدلت بدله الشغل عمتي ساعدتني مكدرت البس من ايدي توجعني ورحت لبيت لطيفه لكيتها مخليه رجال جبير بالحديقه ينظفها لأن موسم خريف ويوكع ورق الشجر
دخلت للبيت جانت كاعده
حمد الله على السلامة صگر ماشاء الله تحسنت بسرعه ورجعت
اي والله ست ضجت من كعدت البيت مابيه شي ارد ارجع للشغل
اني هم تعودت عليك حتى مطلعت من البيت علما ترجع انته
اتصل بيه الضابط لحد الآن محد عرف اللي ضربك منو
انته لو منتبه لرقم السياره
كلفت دوريه الشرطه بين فتره وفتره يدخلون يفترون بمنطقتنه أن شاء متكرر السالفه
شكراً ست ماقصرتي
يلا صگر روح على شغلك واذا حسيت بتعب روح لبيتكم ارتاح
بقيت واگف... ست...
خير صگر اكو شي!!
هاا لااا
ردت اسأل عن عذراء
حسيتها ستغربت
شبيها عذراء!!
شگللها هاي هسه
هاا لاماكو شي من رخصتج ست
طلعت وخفت لطيفه تشك بالموضوع
ياريتني مسألت
معقوله عذراء كشفت علاقتنه وزوجها دزلي ذوله الجماعه
الشغله مثل التحذير
اكو شي ببالي ممرتاح
بقيت محتار وخايف وقلق أكثر شي عليها خفت يأذوها
شلون هسه اتطمن عليها
وشلون اوصللها
....
يتبع...
ج//11
