#حلمي_الأخير /7
...
شغلي ببيت لطيفه تقريبا غامض
الحارس القديم مات لو انقتل الله العالم
الفجر يبدي شغلي
حضرت نفسي ولبست بدله الشغل وطلعت لبيت لطيفه جانت الحديقه بيها بوري وصونده مي رشرشت الباب والزرع سيارات واكفه جوه سمعت حركه دنكت على البوري سويت نفسي اسده صعدوا جماعه بالسيارات واحد بقه يعاين عليه وصعد تحركت السيارات وطلعت
اكو مخزن جبير ورة البيت يدخلون من الحديقه دائما يجيبون بضاعه صناديگ أكثر شي شامبو وعطور وصابون ومرات قماش بما أنو لطيفه تشتغل وي تجار بالسوگ يجيبون كميه بالمخزن وره فتره يفرغ المخزن وتجي بضاعه جديده بس ماعرف وين تروح والمن
أني مهمتي اراقب من بعيد
حسب تعليمات لطيفه
كل يوم على هالحال وعذراء مافاتت حالي تتحرش بيه من بعيد لازم اتحذر منها اذا صار شي انطرد واني ممصدگ شغله سهله ضهري نكسر من التحميل بالسوگ ع الاقل مرتاح هنا وأحسن اكل يجيني والأجرة زينه ولطيفه اكراميات تنطيني بين فتره وفتره
مرات اسمع صراخ لو كلام جوه مااتدخل نهائي ابقى بمكاني جامد بس بيوم سمعت عذراء تتعارك وي أمها والصوت من غرفتها فوگ
الصوت واضح كلش اعتقد تعمدت تخليني اسمع تريد تنتحر تريد تعوف امها متتحمل تبقى هنا سجن ولطيفه تبجي مادري شنو فيلمهن الظاهر سالفتهن سالفه جبيره
وره ساعه بدلت لطيفه وطلعت من البيت مستعجله بسرعة ووصتني
صگر دير بالك على البيت وعذراء مو تطلع مااتاخر عدي شغل وراحت صعدت بسيارتها عدها سايق خصوصي
نزلت عذراء تركض وره دقايق طلعت من الباب لزمتها من ايدها
وين وين يمعوده تعالي
هدني وخر وصرخت سديت حلگها عضت أيدي
جريتها من شعرها وبلا إدراك صلختها راشدي لزمت وجهها وبجت كسرت خاطري كعدت بالكاع تبجي
اااأسف وآلله مو قصدي گومي حبابه دخلي جوه
مسحت دموعها وعاينت عليه بحقد
انته حقير وماعدك غيرة
ولج بت الاوادم ليش اني شعليه !!
طفرت ولزمت ياختي مصطفى خلصني فدوه خل نشرد اني وياك منا عدي فلوس عدي ذهب نروح للشمال نهج حباب بس انته تگدر فدوه اروحلك
جانت ترجف وجديه بكلامها
عذراء بنيتي
بنيتي شنو لك انته؟
شنو زعطوطه گدامك !!
عبالي اجيتني منقذ وتأملت بيك خير
وك اني معجبه بيك تزوجني واخذني منا صگر ماعدي غيرك أمي راح تزوجني لواحد سافل ماريد اتزوج مااااريده ماطيقه اقتل نفسي وانتحر والله
... أهدي أهدي تعالي
دخلتها للبيت وجبتلها مي ظلت تشهگ ودموعها تنزل
عاينتلي بنظرة غريبه وسألتني !!
..
صگر انته مامرتبط؟
هااا لاا بعدني ممفكر ارتبط
لويش !!
ءء عذراء عوفج مني هسه
احجيلي منو هذا اللي تريدج لطيفه ترتبطين بي ولويش ترفضين؟؟
مسحت عيونها بردنها
ابن ضابط يجي دائماً هنا وأبويه موصي أمي تجهزني وبعد كم يوم العرس
...
شلون سالفه هاي وهسه شلون؟؟
صگر تعال اكعد يمي
رفعت حواجبي
ضحكت شبيك خايف مني !!
لااا ابداََ مخايف حبابه انتي
ضحكنه اثنيننه ركضت وشبگتني ورادت تبوسني رجعت لوره
ليش صگر ماعجبك !!
نزلت ايديها من متوني ورجعت خطوات
عذراء اني اشتغل هنا وبعدني جديد عدكم تردين تگطعين رزقي لو تنگطع رگبتي بسبب تهورج انتي بعدج صغيرة وحلوه اني أكبر منج بهواي ومافيدج ماتحمل مسؤوليتج
صرخت گول أنك جبان گول مايهمك اروح لجهنم
ولج ..
كافي أسكت ولاكلمه
رجعت لورة وراحت تركض صعدت لغرفتها
كسرت خاطري وفشلتني
مابيدي شي عليها مااكدر اسوي شي رجعت لمكاني برة بالطارمه
خربطت افكاري هالبنيه ودوختني
سمعت صوت سياره نزلت لطيفه وياهه واحد لابس قاط وضخم وشواربه شطولها وصل يمي عاينلي صفح ودخل لطيفه متوتره ووجهه اصفر
صگر عذراء جوه موو ؟؟
اي ست موجوده داخل
عفيه عليك دگت على متني ودخلت
سمعت صراخ عذراء الظاهر ضربوها
تمنيت أكدر اسوي شي عجزت ماعرف شسوي خفت اتدخل يضربوني لو انطرد من الشغل
بقيت بمكاني وببالي ادخل للبيت واخلصها منهم ..
...
يتبع
ج/7
شنو رايكم بشخصية مصطفى؟
ياترى يناسبه لقب الصگر!!
شاركوني برأيكم واستطلاعاتكم بالقصه
عجبتكم؟
لاتنسون تصويت 😘
.....
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
