Anxious Heart - Self Published (AS#1)

Wakas

-

"Bakit mo ba ko tinitignan? Baka mabangga tayo, Yuan." Sabi ko dito. Kanina ko pa kasi siya napapansing pa-tingin tingin sa direksyon ko habang minamaneho ang sasakyan. Mahirap na, baka makabangga kami dito sa Cavitex.

"Baka kasi mawala ka bigla sa tabi ko." Gulat pa kong napatingin sa kanya dahil sa sinabi niya.

"Paano naman ako mawawala sa tabi mo eh nagmamaneho ka at nasa loob tayo ng kotse mo. Alangan naman tumalon ako." Tumawa lang si Yuan sa sinabi ko.

An almost two hour drive bago kami makarating ng hacienda. Pinapasok naman kami ng security dahil nakita nila na nasa loob ako ng kotse. The moment I step out the car, bumuntong hininga muna ako bago hawakan ang kamay ni Yuan na nasa harapan ko na pala. I smiled at him bago ko siya iginaya sa malaking bahay.

I'm sure they're here. Dinner time na at sigurado dito kami magtitipon para kumain dahil nga sa nalalapit na kaarawan ni Lola.

"I hate you! Super hate you! I thought you will buy it?! Wag mo akong kakausapin hangga't hindi mo binibigay sa akin iyon!" sigaw ng nagmumutargang si Kiesha sa kausap nito sa cellphone nito habang pababa ng hagdanan. Nagulat pa siya ng makita niya akong nakatayo malapit sa pintuan.

"Hey, finally. It's dinner time...kanina ka pa hinahanap ni Tito Charlisle ka---oh! Who is he??" Nagtatakang tanong pa ni Kiesha pero ng kalaunan ay parang naintindihan niya na kung sino ang lalaking ka-holding hands ko. "O-M-G! as in Oh my gosh!!!!!" Tili pa nito na siyang dahilan kung bakit nagsilabasan sa dining area ang mga Kuya nitong si Kuya Thirdy at Kiefer. Gulat din ang rumehistro sa kanilang mukha dahil sa lalaking kasama ko. Kilala din kaya nila kung sino ito?

"What's happening here people?" Cool pang banggit ni Kuya Xavier pero ng makita ako at ang kasama ko ay napanganga na lamang ito at ng makabawi ay binigyan ako ng malademonyong itsura at parang ipinapahiwatig na 'lagot ka kay Kuya Xander mo'.

"What are you doing here?!!" Nagulantang ako sa lakas ng pagkakasigaw ni Kuya Xander at akmang susugurin ang tanong katabi ko ngunit nahablot agad ito nila Kuya Xavier. Agad ko naman tinago sa likod ko si Yuan kahit na alam kong mas malaki siya sa akin. But Yuan insisted. Nagpumilit siyang tabihan ako.

"You Asshole! Wag mong hahawakan ang kapatid ko!" Sigaw muli ni Kuya Xander. It's too late, Kuya. "Bitawan niyo ko at babasagin ko ang mukha ng gagong iyan!" Nagpumiglas ito ngunit hindi pa din nakatakas sa pagkakahawak ni Kuya Xavier, Thirdy at Kiefer. Si Kiesha naman ay parang loka loka na vinivideohan ang pangyayari.

"Anong kaguluh--" Nabitin ang pagsasalita ni Papa ng makita niya kami. Gulat din ang rumehistro sa mukha ni Mama. Nang akmang magsasalita na si Mama pero pinigilan siya ni Papa.

"Mama...Papa, Kuya... si Yuan po." Pakilala ko kahit na alam kong kilala naman na nila ito, hindi ko sigurado kay Papa.

"Ali, ano sa tingin mo itong ginagawa mo? Sinusuway mo ako! Kami ng pamilya mo!" Ani Mama sa galit na tono. Napatungo na lamang ako dahil doon.

"I'm here to explain. Wala po akong kahit na anong masama ng intensyon sa anak niyo at sa anak namin, Tita Alicia. Kung ano man po ang away niyo ng pamilya ko ay labas po ako doon at ang ibang pinsan ko. Malinis po ang intensyon ko kay Agatha." Paliwanag ni Yuan.

"Malinis ang intensyon? Ha! Paanong malinis ang intensyon eh bakit mo binuntis ang anak ko noon!" Sigaw pa ni Mama.

Magsasalita na sana ako ng unahan ako ni Yuan. "I love her. Hindi ko man po nilinaw sa kanya ang nararamdaman ko ay mahal ko na siya. Mali man po sa paningin niyo ang nangyari sa amin dalawa, ay hindi po ako nagsisisi. I can fund her and our baby kung hindi siya lumayo...kung hindi niyo siya nilayo...kung sana binigyan niyo lang ako ng pagkakataon." Humigpit ang hawak ni Yuan sa kamay ko ng tumigil siya sa pagsasalita.