طيب حيت عرفها بيلا باقي مفطراتش طيب دغية وعطاها تاكل وهوما ساكتين حت نطق....
مهاب: اسلام عطيني ودنيك مزيان غدا هو نهار لخر لنقدرو نخرجو فيه دغية نضربو دورة ونرجعو فهمتي غيبدا تلج يطيح...وملي يطيح غادي ندخلو فترة سبات فصل شتاء بحال كاع الحيوانات فهمتي هاد الفترة خصنا نتحملوها باش نقدرو نعيشو بقات كتهز راسها بالموافقة...غادي تبعي تعلماتي ديالي كلها وغطبقيها....ونعاس راه مع الوقت غتولفي وغيجيك عادي غير سمعاتو وتزنكات وهو هاد نقطة بضبط كان كياكد عليها باش ميلقاش معها مشاكل وميتصرفش شي تصرف لي يندم عليه من بعد...
مد يديه لجيتها ويالله بغات تبعد وهو يشدها من يديها وحط اليد الخرى على جبهتها شاف سخانة....لقاها مزال فيها ولكن نزلات عن قبل....بقا كيهضر معها وصل وقت الغدا نعسات حت وصلت العشية فقات لقات مهاب عاود مكينش....
هو ملي لقاها نعسات جاتو فكرة قرر يطبقها هبط الواد وبدا كيصيد الحوت بشبكة وهو معلم تقنيات صيد وتخيم بطرق بدائية صيد حوت كتير دارو فخنشة الموتى طلعو داه الكهف وحطو...ورجع يجمع الحطب عاود واخة بدا كيرطاب بالبرود جبال ....وصل الكهف لقاها فيقة دخل رد العشا وجلس اونفاص معاها مرة مرة كيشوف فيها وهيا مهزاتش عينها....
مهاب خاصكي تغسلي باش ديري بوماد
اسلام لقينا حت باش نشربو باقي غير نغسل
مهاب الما كتييير وقضية تدواش مغاديش نتفاك معاك فيها غادي دوشي وكل نهار وغادي ديري بومدا
اسلام ميمكنش كلو نهار ياك عاد قلتي الما قليل ملي يكمل منين نجيبوه
مهاب نتي مشغلكش داك شغل خليه ليا وزيدون نتي هزيتي المسؤلية فشهر لفات...دبا مبقتي تفكري فوالو فقط تاكلي ودوشي وتنعسي...
اسلام هئ هئ هئ مبغتش ندوش....
جرها وزير عليها شوفي مبغتش نفكر انك واحدة معفونة وبدليل كنتي كل نهار كتغسلي ليا....وانا عارف تفكيرك كلو مع الما ديل شريب ميتقادش...غير تهناي مغاديش يتقدا الما ديل تدواش غادي نخدوه من تلج لكيتجمع ونحطو فالكهف حت يدوب عاد نسخنوه شوية...خاصك تعرفي نتي انثى خاصكي تحافضي على نضافة ديالك حيت جلدك رطيطب ودغية تربا فيه البكتيرية فهمتي...اسلام ماحدها كتسمع وهيا كتكمش...اما هو بقا كيشوف فيها وكيسوط وكيحك على راسو حيت عارفها خايفة بززززاف..
مهاب: حيد من راسك دوك الافكار ديل حنا غادي نموتو ومنخرجوش من هنا خاصك تعرفي عشت فضروف اسوء من هادي...اما هادشي لي حنا فيه حسبي بحال فاكونس وتحدي لك وعيشي فيه فرحانة وكوني متاكدة ماغدي نخلي حت حاجة تأديك يكفي انك بقتي عايشة وعتقتني...شكرا
جرها عندو بدون شعور وعنقها بجهد واسلام تصدمات ماعرفات باش تبلات...شوية رخف عليها وباسها فجبهتها...يالله اجي نتعشاو...كلو فصمت ومرة يريط فيها شوفة كيفاش كتنهد وحنيكاتها حمرين...كملو وسالو وجمعو دكشي وبدو الاعصاب كيشدوها....
مهاب: اسلام انا غادي نعطيك بضهر حت تحيدي حوايجك وتخشي اوكي....
اسلام اوكي....
تقلب وعطها بضهر وبقا كيتسناها حت حيدات واخة شاف كلشي ولكن مبغاش يخليها معصبة ومنرفزة...كملات تخشات وهو يدور جيهتها ملي سمع سنسلة طلعات...
نزل كيحيد حوايجو وهيا تقلب وجها عليه غير كمل بدا كيحل سنسلة وهيا تخطف....
ا ا ا ا اش كدير....
مهاب يمكن خاصني ندخل نعس تجمعي كحازي خليني نتخشا.... اوووف اسلام راه نعسنا يومين هادي مع بعضيتنا اوكي يالله طلقينا ...عطاتو دغية بضهر تخشا وطلع سنسلة....ونطق...حت لهاد درجة خايفة على راسك...غير تهناي لي بحالك مكنشوفش فيهم حيت ماشي من مستويا وماشي ستيل لكنبغي اوكي...وزيدون عندي حبيبتي فاستراليا....
اسلام غير سمعاتو وتقرصات بزاف وضرها خاطرها...معمرها تسوقات لهضرت شي حد ولكن هاد الهضرة ضرتها وضرتها بزاف...نزلت دمعة من عينيها سخونة...مسحاتها دغية بجنب الفراش وجمدت فبلاصتها....حس بيها معصبة ومنرفزة ...وهو يطيرها بهضرة
مهاب: اسلام طلقي لبقتي هكا معصبة مغنعس لا انا ولا نتي متحمقيش ديلمي فهاد ليل...بقات كترعد وجاتها البكية...وحطات يديها على فمها كتبكي فصمت ومهاب كيصوط بجهد وكيطلع نفس غير بزز..ومبغاش يعترف لراسو انا لمعصبو هو الوضعية لناعس فيها وهو ياها...
بقاو هكاك مدة ومهاب صافي طاري ليه نعاس من عينيه حيت عارفها بيلا منعساش وحس بيها فاش بكات وبلما يشعر جرها عندو عنقها وباس ليها جنب عنقها....
اسلام كانت غارقة فالحزن ديالها حت كتحس به عنقها وزير عليها ولكن ملي باسها فعنقها شعر جلدها وقف بحالي ضربها ضو...مافهمات والو ماجات فين بغات تهرب حت لقاتو مزيرها....
مهاب: شووووووووووووو تهدني وحاولي ترخي باش نعسي...راه ماغادي يوقع والو وزيدون تبعنا غدا نهار طويل وفيه تمارة يالله حاولي تنعسي...حاولت تنعس وترخى وبقات كتفكر فالبوسة لعطها فعنقها احساس فشكل اول مرة تحس به...اما هو باس وندم بقا ليل كامل كيفكر وكيبرد على راسووكيتلمس كل مرة فيها شوية خصوصا ملي حسها ناعسة...صبح صباح عليهم ...فطرو فصمت ونضارات متوترة ومتبادلة نضرت مهاب كانت كلها شهوانية حيت داز عليه شهر مانعسش وهيا بنضرات خوف وتوتر...كملو فطور سدو المدخل وانطلقو المجهول...داز نهار كامل بين جمع الحطب وصيادة الحوت ولفاع و والما....وصلت العشية رجعو مهدودين من بعد ما أمنو على كلشي فالكهف...جاب مهاب تلاتة ديل القصبات مالقاهم غير بالكشايف ومشا ليهم مسافة بعيدة حت عية...ومشا الجنب الكهف حفر حفرة باش تبقا تقضي فيها اسلام حاجتها حيت متقدرش على تلج برى الكهف...غير كملها واسلام مافهمة والو لاش دارها حت شرح ليها وبقات واقفة كتشوف فيه بنضرة ديل القتيلة...اما هو بقا كيموت بضحك حيت عارفها مغتقبلش دير شي حاجة حداه...عاود ستف داك الكهف وقاد بلاصت الما وبلاصت الحطب وبلصت سلعة ...قاد كلشي وبدا كيسخن الما وكيرد العشا غير ظلام الحال وهو يجرها..
مهاب: دبا كتحسي بالبرد ولا سخونية
اسلام: سخونية
مهاب وانوضي الغزالة دوشي
اسلام هأ لالا يالله دوشت البارح
مهاب نوضي ولا نفرع ديلموك يالله تحركي غادي تربى لك البكتيرية ونصدقو فحاجة لي ماشي هيا هاديك فين تخليك خليها يالله تحركي
اسلام هئ هئ هئ مبغيتش واش انا نبقا نعوم ونتا تبقا تبركك فيا
مهاب: بلا تبوحيط ولا مرض راه دكشي راه شفتو نوضي تحركي بلما تصرعيني
اسلام اوا ونتا
مهاب ندوش لك ودوشي ليا
