اليوم هو تالت فالاسابيع لدازت وهيا كل نهار نفس روتين وفدوك الايام شحال قتلت ديل الحشرات حيت غير كانت كتصب شتا كانو كيدخلو الكهف ودوى ديالهم بدا كيتقدا ومبقاتش كتستهلكو حيت شتا داخلة...بقات كتفك وتحاجي وهيا جالسة حدا مهاب كتشوف الما لعمرات والحطب لكتير رتاحت قلبت المكلة ...وبقات كتفكر الى قتاصدت وبقا مهاب ناعس غادي تبقا تاكل مرة فنهار ولا فيومين ومهاب توكلو جوج بداك الحساب غادي يقضها دكشي شهر... الملحة بدات كتقادى ليها اما القهوة سالت بمرة ...ولكن اتاي باقي...بقات كتفك وتحاجي وهيا على داك الحال كل نهار تخرج تصيد وتجيب ولت كطيب حوتة واحدة وجوج ولا لي بقا كتجفوفو من الما وتخبيه....حاجة واحدة لفرحاتها باقي الباكيات ديل شعرية وباط ديل طون موصلاتش ليهم اما روزديالها بدا كيتقدا لي جابت ولكن باقي ديل مهاب...كل صباح كتخرج تجمع الحطب وتجيب الما وتصيد الى لقات متصيد وشعرها طوال اما العدسات ملي حيدات لولين مبقاتش عاود لبسات الخرين...حيت شمش تما قليلة... وضعافت ولات مسخة واخة كتحاول تنقي جلدها ولكن مع الحطب وجري ماخلوش ليها جهد فين تهلى فراسها...زائد انا الما بارد بزاف مقدرتش تعوم عامت تعاوج...تحت عينها ولى كحل وضفارها طوالو...اما مهاب لحية لكبرات فيه هيا وضفار اما هو بقا هوهو
دازو الايام وتلج لكيجبو ليل كيدوب فنهار وبدا البرد كيزحف من جبال وهيا نهار على نهار كتعواج ماكيعتقها غير جري لكتبقا تجري من هنا ومن هنا باش تسخن...حت الواحد نهار دارت روتينها ولكن هاد المرة ماقدراتش تنوض غير بالكاشيف مشات جابت الما وردات المكلة وبحالي سخنة بدات كطلع ليها ولكن هيا مبغاتش تنعس للمرض...رجعات الكهف نقاتو مسحات المهاب وكلتو والما لي شاط عليه مسحات به وجها وقطعات ليه ضفار وقطعات ضفارها ردات العشا عشاتو وجلسات مقرفصة كتشوف فالعافية لمضوية الكهف ومسخناه ومهاب لناعس حدها ومرتاح فنعاسو واحد لحضة داتها عينها على ديك الوضعية....اليوم هو تالت فالاسابيع لدازت وهيا كل نهار نفس روتين وفدوك الايام شحال قتلت ديل الحشرات حيت غير كانت كتصب شتا كانو كيدخلو الكهف ودوى ديالهم بدا كيتقدا ومبقاتش كتستهلكو حيت شتا داخلة...بقات كتفك وتحاجي وهيا جالسة حدا مهاب كتشوف الما لعمرات والحطب لكتير رتاحت قلبت المكلة ...وبقات كتفكر الى قتاصدت وبقا مهاب ناعس غادي تبقا تاكل مرة فنهار ولا فيومين ومهاب توكلو جوج بداك الحساب غادي يقضها دكشي شهر... الملحة بدات كتقادى ليها اما القهوة سالت بمرة ...ولكن اتاي باقي...بقات كتفك وتحاجي وهيا على داك الحال كل نهار تخرج تصيد وتجيب ولت كطيب حوتة واحدة وجوج ولا لي بقا كتجفوفو من الما وتخبيه....حاجة واحدة لفرحاتها باقي الباكيات ديل شعرية وباط ديل طون موصلاتش ليهم اما روزديالها بدا كيتقدا لي جابت ولكن باقي ديل مهاب...كل صباح كتخرج تجمع الحطب وتجيب الما وتصيد الى لقات متصيد وشعرها طوال اما العدسات ملي حيدات لولين مبقاتش عاود لبسات الخرين...حيت شمش تما قليلة... وضعافت ولات مسخة واخة كتحاول تنقي جلدها ولكن مع الحطب وجري ماخلوش ليها جهد فين تهلى فراسها...زائد انا الما بارد بزاف مقدرتش تعوم عامت تعاوج...تحت عينها ولى كحل وضفارها طوالو...اما مهاب لحية لكبرات فيه هيا وضفار اما هو بقا هوهو
دازو الايام وتلج لكيجبو ليل كيدوب فنهار وبدا البرد كيزحف من جبال وهيا نهار على نهار كتعواج ماكيعتقها غير جري لكتبقا تجري من هنا ومن هنا باش تسخن...حت الواحد نهار دارت روتينها ولكن هاد المرة ماقدراتش تنوض غير بالكاشيف مشات جابت الما وردات المكلة وبحالي سخنة بدات كطلع ليها ولكن هيا مبغاتش تنعس للمرض...رجعات الكهف نقاتو مسحات المهاب وكلتو والما لي شاط عليه مسحات به وجها وقطعات ليه ضفار وقطعات ضفارها ردات العشا عشاتو وجلسات مقرفصة كتشوف فالعافية لمضوية الكهف ومسخناه ومهاب لناعس حدها ومرتاح فنعاسو واحد لحضة داتها عينها على ديك الوضعية....
نمشو الواحد البلاصة وبضبط فالقبيلة....
جلس فبيتو ولاود دايرين به ومراتو جالسة فقنت ولكن الحزن والغضب طاغي عليها... اما احساس بندم ديل العالم كاين فقلبو حيت سفط بنتو الجايحة الكحلة وهو ماعرفش...من بعد ما مشا يسول عليها المقدم وطلع حت القيادة وهبط المدينة كيسول على بنتو.. لي عسكر القبيلة رجعو من تدريب وهيا مرجعاتش بقا كيسول ويطلع ويهبط وحت حد ماعطاه راس الخيط لا حية ولا ميتة ولي سولو كيقوله سير حت تجيني المعلومات ونعيطو عليك ولا كيضرب فجنابو وكيندم على نهار لكدب فيه ورد بنتو ولد... اما مراتو هنية ولات حادرة عليه عينها... وعمرها ماقطعات معاه الكلمة حت قطعاتها معاه وكان اخر كلمة سمعها منها ....هيا الى وقعات شي حاجة لبنتي اسلام تبعتك كلبة كحلة...ومنسمحاكش اليوم القيامة...ومن ديك دعوة ترفع الكلام بين راجل ومراتو والولاد بقاو هوما صلة الوصل بيناتهم وكلهم عارفين اش واقع...الاب كيتشوى من جيه والام كتشوى من جيه وزاد عليهم ناس ديل القبيل بشائعات والكدوب وكيخلعهم وكيأكدو ليهم بيلا الى مرجعاتش راه ماتت وهاد لي خلى الام بدات كتمرض وبدا كيجها الاكتئاب اما الهضرة قطعاتها بمرة مع راجلها....
نشدو رحال لواحد المنطقة فالعالم ولي هيا محل نزاع وتوتر اقليمي بين شمال هاد البلد العربي الافريقي وبين جنوبه ولي تعتبر الخرطوم عاصمته سابقا قبل الانقسام...سودان...
أبيي منطقة صغيرة تقع وسط سودان بضبط وهيا نقطة بين شماله وجنوبه وسبب رئيسي لنزاع الاقلمي فيه هو عرقي بدرجة الاولى وهاد المنطقة معروفة بحتياطيات نفط كبيرة..وهدا لأدي لنزاع عليها...
وقف شخص فبيت قديم ومهدم من بيوت أبيي وهو ضاحك وفرحان حيت الهم لكان كاتم ليه على قلبو تحيد....
شخص: ههههههههههههه اليوم هو احسن نهار فحياتي كلها عمري مانعست وشبعت نعاس حت البارح ملي جاتني خبار المرشال مهاب
نائب: مالو... اش وقع ليه ؟؟؟؟
شخص دار حركة بيديه دليل على ان مهاب تم تصفية ديالو من قبل المرتزقة
نائب: وقف مصدوم ممتيقش بيلا هادك لكان مركب فيهم رعب قدرو يصفيوها ليه
شخص: دبا مني تهنت منو نقدرو نلعبو فخاطرنا على كيلا طرفين ولي عطا كتر نمشو معاه...كان مشحفنا داير لينا فيها الاخلاق وهو ماعرفش بيلا بحال هاد شعوب متخلفة ماكتقش فبعضيتها كتيق غير فالبراني ...هدا علاش كان ديما القائد كيعطيه شمال حيت كان عارف مزيان بيلا الاخلاق ديالو مغتسمحش ليه بالخواض...والقائد ماقد على مشاكل حيت لوبيات وجماعة ضاغطة واقفة ليه عضم ومزيرة ليه على صلاحيات ديالو واخة يبغي يتصرف تنوض ليه شي جهة... هاد علاش كان ديما كيحاول يدفع مرشال شرايبي للجهة شمال...حاجة واحد لنقدر نعترف ليه بالموهبة فيها هو نزاع كوريا شمالية والجنوبية قدر اكتر من مرة يخمد توتر بيناتهم اما دبا عاد غتنوض الحرب ضروس بالمعقول....المهم نتا شد شمال سودان مع الحكومة ونشد انا الجنوب مع الحركة الشعبية ونشوفو هدشي لغادي يشد لينا وقت طويل ولكن غير نصفيها الواحد خونا حت هو ونخلي ليا ساحة وأرك لعب الى ما ولينا غنى من مارك منسماش....شخص: نتا علاش غتفاوض
نائب :على أبيي وحقوق استخراج نفط كلها حصرا تولي ليا لمدة 15 سنة...ونتا؟؟
شخص: كتشوف غير حدا نيفك على أبيي غني غير بنفط؟؟؟... تو تو تو 30 سنة ديل حقوق الاستخراج ماشي غير نفط كاع تروات الباطنية والمعادن لي فيها وزيد عليها انا لنتحكم فأي مشاريع غادي تكون فيها....ولا مقبلوش غادي نرجعها لنقطة صفر لدوالب الامم المتحدة ونخليهم ينتحرو حت يجيو زاحفين على رجلهم يطلبو...ولكن هدشي مغادي يصدق حت نصفيها لاخر عاد نتهنا..
دخل كيجري بين ممرات المكاتب وكلشي كيشوف فيه والخلعة طالعة ليه مع وجهو مقدرش يصبر على هول صدمة لجاتو...وبقا كيضرب اخماس فاسداس وهو كيجري حت حل الباب بجهد وبدون اي مقدمات...
مات ...مات ....قتلوه... مرشال مهاب شريبي غتالوه ...تعبنا كلو مشا فالخوى لخاوي...دبا كمبوديا غتهمنا بالقتل وتوطئ ...وغادي نفقدو المصداقية ديالنا فمحمكة العدل الدولية ب لاهاي....
نائب رئيس تايلاند : اووف كيفاش جاتك الخبار جلس واعاود ليا ....مصيبة هادي الى طلعات الخبار صحيحة ....غادي نرجعو من زيرو هو الوحيد ليقدر يشهد فالمحكمة على حسن تصرف فالحدود فخمسة سنوات لفاتت كونا بغينا الارض لدايرة بالمعبد كلها دبا حت حاجة مبقات تشفع لينا وتقدر كمبوديا ديها... والاسبوع جاي عندنا محكمة والمحامون من تايلاند وكمبوديا واجدين يترافعو أمام محكمة العدل الدولية فى لاهاى بشأن السيادة على المنطقة المتنازع عليها.
بحركات سريع توجه المقر العسكري من بعد مكالمة صباحية بكري...كان ديك ساعة فايق مشا صلى الفجر ودخل سقى محابق لحدا باب دارو ومشا الكوزينة يرد الما يطيب القهوة حيت ديك ساع الحاجة كانت كتصلي جلسو يفطرو وخرج يتمشى يدير رياضة المشي...والوقت لكان كيتمشى جاتو المكالمة كيطلبوه يحضر فورا....مشا وقلبو مخطوف ومخلوع وخايف ليكون دكشي لي فتفكيرو وقع...خاف ليكون مهاب وقعات ليه شي حاجة وقلب الاب والام مكيغلطش غير وصل وعرف على راسو بالبطاقة الوطنية لمكتخطاهش دخلوه نيشان عند القائد المسؤل جلس قدامو...والاخر بدا كيهضر هضرة مرطبة
قائد :سي شرايبي مرحبا
الاب الله يكبر بك اسيدي
قائد: الهضرة لغادي نقولك بغتك تتبت عليها
الاب شداتو رعدة فقلبو....شنو وقع الولدي مهاب
قائد سمعو وتزير...وعوض مايبقا يدور قرر يقول نيشان حيت الاب كبة من شيب مغيستحملش دك تلف الاعصاب
اوا سي شرايبي اش غنقولك جاتنا خبار بيلا المرشال مهاب تغتال ولكن الجتة ملقينهاش يعني الخبر ماشي مؤكد
الاب غير سمع كلمة الاغتيال وهو يتزير ليه قلبو ودنيا بدات كدور بيه شد فقلبو وهو يطيح تما ولان القائد كان متوقع غادي يوقع ليه هكاك فهو كان موجد الاموبيلونس...حيت فاتو عليه ياما حالت بهاد شكل...
فدومة نعاسو كيسمع صوت ماغربيش عليه وحركات كيدورو به وكل مرة كيحس بيدين كيلمسوه....اححح شحال حنان واخة باردين ....اوووف فينها لينا علاش مكتبانش ليا.....وعلاش يديها باردين...لينا....حبيبة فينك....
حل عينيه.....واول حاجة شاف قدامو جتة جالسة حداه مقرفصة وجمع رجليها وخاشية وجها بين فخاضها شعر بيض قصيور وسرول ديل العسكر ملطخ بدم....
