جلس فقنت كيشوفها حيت ملي دخلو غيبات حت فاقت ولقاتو معنقها ضربات ليه فصدرو وبقات كتبكي وتخصص وتغوت وهيا كلها كترعد وكتهز بالحريق... بعد منها وخلها كتبرد جنونها فالبكى وهو من داخل ديالو محروق حيت عيا مايصبر فراسو ولكن حرام مقدرش...كيفاش ينعس مع بنت كل نهار وعريانة وبلما يدير والو....رجع كيتفكر نهار اول مرة شافها وكيفاش جدبات الانتباه ديالو وكيفاش كان متبع ليها العين فيما مشات وشنو مادارت كيبقا حاضيها واقف عليها يعني حت قبل مايعرفها بنت نجادب ليها....بقا حاضيها كتبكي حت نعسات جاب شوية ديل الما ومسح ليها وجها وعنقها ونعسو...
فاقت اسلام على ضلام وبقات كتشوف فيه وكتفكر فمستقبلها لضاع...ومن اي جيهة حللتها كانت عارفة راسها ضايعة ماهيا بنت ماهيا ولاد لا جنسية لا هوية لا وطن....والانسان لي سلماتو راسها عندو حبيبة مؤمنها ومحافظ عليها عطاتها الايام من كل جيه....
ضرباتو الفيقة وهو يشوف فيها...
مهاب بدون مقدمات.... فاش كتفكري
اسلام: فوالو...كمش عينيه وبقا كيشوف فيها حيت كان عارف مزيان دكشي لقالت ماشي صحيح...
بدات الايام كتجري واسلام رطابت مع مهاب ولى كينعس معها كل ما رشقات ليه اما فليل مكيفكهاش حت كيجيبو عاد كيرتاح ولى الى مقسهاش ولا مبسهاش ولا مباشرهاش كيطلع ليه زعف وكيبغي يتصطى... بدا المونة ديل الاكل بدات كتنقص ...ولى مهاب كينقص من ماكلتو وكيوكلها وحاضي معها...فديك لحضة ولات هيا كلشي فحياتو كيبقاو نهار وماطال يتعاودو ويتكلمو ويضحكو ومرة مرة يتخاصمو ولكن مهاب ملي تجيه الحالة...كيصالحها دغية حيت مكيقدرش يصبر...وهيا كتسامحو دغية حيت متقدرش نعس فحضنو وهيا مخاصمة معاه حت لدرج واحد المرة تخاصمو ونعسو وكلها عاطي ضهرو لاخر...
واسلام كتحاول تبعد باش ميقسهاش ومهاب كيقرب باش تبقا سخونة حت طلع ليه زعف ودار عندها وعنقها وبقا كيبوس ليها فعنقها حت نعسات ولغد ليه ناضت مكشرة وبقا كيموت هو بضحك حيت الوضع كلو مكيسمحش باش واحد فيهم يتقلق من لاخر...حت لي بغا يغضب ملقاش كيدير يغضب...قرر مهاب يتناقش معها فديك نقطة غير بالعقل ودكشي لوقع من تما مبقاوش كيتشادو وبدات ايامهم كدوز فروتين واسلام ولفات تبول قدام مهاب ولكن ملي كتبغي تخسر كيخرجو من الكهف وكيكون هو اصلا وجد ليها بلاصة على برا وجد ليها كلشي غير باش تقضي وترجع دخل دغية حيت غتعواج بلبرد الى طولت...كملات شتا وداب تلج وخرج مهاب وخرجات معاه اسلام واول بلاصة مشا ليها هيا ديك البلاصة لي حط فيها ديك لعيبة لي غير داب رجعات خدمات حيت هيا كتخدم فجميع ضروف...غير حيت دفنها تلج بمترو هدا علاش الاشارة كانت ضعيفة...عاود قادها وخرج هو واسلام يضبرو فمكلة وعطى الراسو تلاتة ديل الايام الى متلقطاتش الاشارة يحيدها ويشدو طريق...
تسريع الاحدات....
دازت تلاتة لايام الاشارة متشداتاش هزها وجمع قشو هو واسلام شدو طريق الحدود روسيا الاوكرنيا واخة كاينة تما توترات ونزاعات اقلمية فالحدود بين الجارة روسيا والاكرانيا فهو مشا حيت من تما يقدر يدوز حيت معروف انه مرشال ومن المنضمة بقاو غادين وكيرتاحو ويصيدو واسلام ولت محترفة بحال مهاب واخة بدات كتحس بالعيا ولكن ملي كتشوف مهاب كيفاش كيكابر باش يعيش كتشجع وكتكابر حت هيا...بقاو هكاك مدة شهر وهوما غادين حت وصلو لديك الحدود...قدر يدخل الاوكرانيا من بعد ماصرح بالهوية ديالو وبالهوية ديل الاسلام...غير وصل المدانية مشا نيشان جبد فلوس من كراط الكولدن لشخصيات الكبار تيرة فلوس ليتخص وتحرك مشاو الاوطيل...غير دخل حطو دكشي ديالهم عيط الروم سيرفيس...غير جاو اول حاجة دارها سيفط معاهم اسلام لسبا تحيد عليها دكشي وتقاد حالتها وهو كيشوف فداك شعر لي طوال وفات ليها صدر...كان باغي يقطعو باش يوفروا لما وملي لقها كتبكي وكترعد حيت كانت كتمنى بحالو حيت خوتاتها كلهم شعرهم طويل...وهو يخليه ليها حيت كان عارف بيلا اول مرة تحس راسها بنت...نزلوها دوها غير شافها خبير شعر وخبيرة تدليك بقاو كيضربو فجنابهم دخلت مع جوج ديل نهار ماخرجات من تما حت التمانية ديل ليل...وفديك الوقيتة وصى واحدة خبير فالملابس تشري ليها حوايج منوعين ودكشي لطرا شرات ليها حوايج وداتهم ليها الغرفة ديلتهم بجوج....ماكملو مع اسلام غير بالكشايف حيت هوما يجبدو من هنا وهيا كتغوت من هنا غير بالكشايف باش كملو ليها غير سالت جابت ليها فستان فالازرق الغامق مقسوم على جوج ...قطعة العلوية جات بحال شكل دوني من فوق صرة وصدرها على شكل قليب وضهرها مشبكة بشبكة رقيقة وصايا جات طويلة حت الارض ومنفوخة ومفتوحة من التحت حت جدر ديل الفخض جات سو سكسي... اما شعر فاغير بزز باش قنعها الخبير باش تنقس منو ودير ليه ليميش فرمادي باش يهرس ديك البيوضية...غير كملات معها رفاقتها فين كان مهاب كيتسنها على العشا وكلشي لي فاقاعة عينو عليها...واخة لبسة سندالة بلاة ومشيبكة حيت حلفات متلبس طالون حيت مكتعرفش ليه غير وصلات معرفهاش تسيفات عليه وحت هو تسيف عليها ولكن هيا كتر جلسات حشمانة وهو غير كيشوف فيها وكيتنفس بجهد ...تعشو فصمت وسالو وملي جابو دسير تنحنح
مهاب ...
مهاب: اسلام خصنا نهضرو
اسلام: اه اوكي
مهاب: دبا جا الوقت لي نتفرقو ونتي دبا اختاري واش تبقاي فاوكرانيا ولا ترجعي المغرب...
اسلام سمعاتو وتصدمات هيا اه كانت عارفة بيلا عندو حبيبة ومغاديش يتخلى عليها...ولكن هيا كانت كتوقع من بعد دكشي لي وقع بيناتهم على الاقل ياخدها معاه ميتخلاش عليها...بقات كتشوف فالخوى حت الواحد لحضة وبدون مقدمات حطات دكشي لي فيديها...
مهاب ممكن تسمح ليا بدقيقة من وقتك محتاجة نمشي الحمام...مهاب بحالي فطن بيلا بغات تاخد حريتها فتفكير وهو ينطق...
مهاب عرفتي شنو خودي وقتك من تفكير حت غدا وردي عليا الخبار...
اسلام غصة فقلبها بلعاتها وسكتت عاقدة غوباشة وبلما تشعر نطقات...ممكن نعسي بوحدي فشومبر...
مهاب تزير ومعجبوش الحال...وبقا كيسب فراسو حيت اختار وقت ماشي مناسب لهاد الموضوع...ملي دخلت مع باب ريسطو وهو عينيو غير امتا يطير عليها يقسها...اوكي انا غادي نتحول الشومبر واحدة خرى...تحركو ناضو ... داز على الاستقبال رزيرفة شومبر وخلى سويت الاسلام ومشا دخل دوش وتكا كيفكر ومن بعد تحرك يدير الاتصالات ديالو...
اما هيا غير دخلت الشومبر هزات البدلة لكانت لابسة ولي جات من تنضيف لبساتها...تحركات ضفرات شعرها وعقلها كان كيقول ليها هضرة واحدة ومعمرها غتنساها...فلاش باك...نهار غادي نوصلو البلاصة مؤهولة كلها غادي يشد طريقو...دمعو عينها وهيا كتفكر هضرتو اول مرة فاش كان غيخليها...وحت دبا غادي يتخلى عليها ومن الاحسن تسبق هيا وتخلى عليه...كملت ضفير شعرها قطعات ضفرها هزات وراقها وهيا كتفكر فالفلوس حت ريال معندها ولكن حيت تابعة المنضمة فهيا عندها امكانيات كبيرة دخل وتخرج لاي بلد ...تحركات خرجات فجنح ليل...
بدات كدور فشوارع من هنا لهنا وهيا غتموت بجوع وليل ودنيا بدات كتخوى حاجة لعزت نفسها بيها لقات مونطو تقيل بين الحوايج لي شرى ليها مهاب لبساتو فوق البدلة...وهربات بقات كدور حت بان ليها مسجد وحداه بيرو تابع ليه...تحركات جيهة المسجد وديك ساعة كانو ناس خاريجين من جامع مشات زربة دغية كتسول على الفقيه والمصلين كيشوفو فيها حت وصلوها ليه...
