عل كصه مكتوب

بارت ٨

الكاتبه -ساهره الليل
مرحبا حبايب من جديد شلونكم
مووواه بوسات بس للي يعلقون
ويصوتون احبكم هوايه هوايه
يا عائلتي الالكترونيه شلع قلع
من هذا البارت راح تبدي معاناة
البطله ليل لاتنسون تصويت وتعليق
والمنشنه لاصحابكم متابعه ممتعه

يكول المثل المكتوب فوق
الجبين لازم تشوفه العين
صدق كلام المثل كولشي مكتوب من ننخلق
بهاي دنيه ابطن امنه ينكتبلنه قدرنه وميتغير
وكولشي مكتوب لازم نشوفه برضاتنه او لا
فهو مكتوب ميتغير اسئل الله ان يلطف باقدارنا

ليل-كعدت من نوم باوعت لساعه ب١٠هاي شنو
متئخره بنوم من امس اوف اليوم مكو لاسميه
ولاحسهه بل بيت عدلت جربايتي اليوم جمعه
مكو دوام رحت اساعد امي مبقالي غيرهه هيه وابويه بل بيت صبحت عليهه صباح الخير يوم
صبيحه-هله ييمه صباح نور جا امس نايمه
من وكت شخيرج خو مو مريضه
ليل-اباوعلهه عيونهه منكره مبينه باجيه
هواي عله سميه وجهالهه تعودت عليهم
كتلهه لا مو مريضه بس جنت تعبانه ونعسانه
صبيحه-اها تتريكين هاذا كيمر اكو وعسل
ليل-منيلنه يمه منو جاب
صبيحه-ابوج جاب علمود صباحيه اختج عيب
لازم نودي ميصير دزهن بيد علي راحلهم وعلي
ماصدك طيور راح باجر العقد مالتهم هوه ونادين
امهه راح تسوي عقد جبير وعله سبوع لاخ زفاف
وعلي راح يشتري غرفه جاهزه حسب ماتريد هيه
وصاهه وامهه كلهه هاي الفتره طلعت جهز واني معدي علم من اسئله يكلي ممطيهم بعدني طلع ييمه
متفقين من وراي وكل هل فتره المرت اجهز بدون مدري براحتهم اني هم مبيه اطلع افتر واجهز مالي
خلكهن خاف ميعجبهن اريدج تنضفين البيت تنضيف
زين تجي ناس تباوع وحضريلنه هديماتنه خابرت ياسمين قبل شوي عجهال كالت ساكتين ميبجون
همزين هشي حته احضر هديماتنه النلبسهن اني رايحه اشوف بيبيتج تقيه واجي حطيت التركيبه
وهدرتهه وسمجه بل فرن منصيه الحركه كل شوي
شوفيهه متئخر ساعتين واجي
ليل-خوش يمه روحي كعدت اتريك الله
صارلي شكد ماماكله كيمر شكد مشتهيته
امي راحت لبيبيتي شوفهه كملت ريوكي
وكمت للبيت نضفته من فوك لجوه يحيى
طلع عن غرفه علي علمود علي يجيب الغرفه
وغراضه الخانم كام ينام يحيى بالاستقبال
اذن الاذان صليت وكملت طفيت الطباخات
ورحت حطيت كتابي وكعدت ادرس امتحانات
نص السنه قربت لازم اذب حيلي لدراسه حته
اصير نفس بنات الكليه واداوم كليه الله شوكت
هشي تايهه بافكاري حسيت عله طبة علي يجوعر
استغفر الله صوته لوين واصل شيريد هذا طلعت
اشوفه شيريد وجه مكلوب وكشف جدر
علي-امي وين
ليل-يم بيبيتي راحت شوفهه
علي-بنتره صبيلي غده
ليل-😕بداخلي اخربط خلقته هسه هذا همزين راح يزوج اخلص منه ومن صخرته كوي اكل غسل هدوم
اوف شهل لعبان نفس ام اضافر نادونه تسويله بعد😂
علي-ماتنطمين وتجين صبين شبيج صافنه هييي
ليل-اي اي جايه
علي-لج شو صيحين ومعاجبج
ليل-ممصيحه تعده من يمي وكفخني عله راسي
نهضمت كلش ليش هجي يعاملني لو عدي سلطه عليه ورجال اني جان كسرت عضامه بس مكدرله مره
صبيتله زقنبوت وحطيته عل ميز وطبيت لغرفتي
اكمل قرايه حسيت رجعت امي طلعت اشوفهه
هايوم الله يساعدج هاي شنو جايتنه بيبي
هله بيبي نورتي البيت مشتاقيلج شلونج
تقيه-هله جده هله شلونج انتي كوه تمشي عل عكاز
صبيحه-فرشي فراش بالاستقبال البيبيتج بسرعه
ليل-ركضت افرشلهه وافكر بداخلي مبينه بيبي
مطوله لان بكج هدومهه كلهن وياهه خير
طبت بيبي للاستقبال تمددت وشفت امي
طلعت من يمهه مهمومه سئلتهه يمه خير شصاير
صبيحه-ذوله نسوان خوالج مايستحن حشاج طايحات حض ياذنهه لامي ومجوعاتهه وميديرنلهه بال حته هدومهه لكيتههن وصخات وفراشهه وصخ
شكتلي بيبيتج وتبجي تكول محد بحالي ولايمرلي
وذوله خوالج الغبر ميديرون بال ولايحاجوهن جبتهه
يمي اني اداريهه اميمتي وطيحت حضهن واجيت
ليل-نقهرت عله بيبي مره جبيره ربت وتعبت وكبرت
تالي هذا حالهه محد يديرلهه بال لا الولد ولانسوانهم
اجه يوم العقد مال علي طبعا مالي خلك اروح كلش
بس امي الحاحهه عليه ونكتهه خلتني غصبن ماعليه
ابدل واروح وياهم واشوف علي واكف عل مرايه
يحلق وفرحان وامي كلساع طكله هلهوله شكبرهه
ميستاهل احسه امرار اغار لان امي تداري اكثر مني
عمره ماعامل وحده من عدنه بضمير كله غلط وصياح وتكفخ لبست البدله الجابتلياهه علا بيوم
خطبه سميه ملبستهه لون ماروني طوخ من صدر
كلهه شغل ذهبي ومن جوه تجي حزه عركب ونوب
تجي نفشه من يم ركب لجوه هم تبرز صدر وضهر
نصه يطلع بيهه امي مكدرت تاخذ بيبيتي ويانه لبغداد كالت تتعب من طريق خليناهه بل بيت
خواتي اجن تالي وكت وهنه هناك مبدلات ومتمكيجات ومتحضرات اول مره ست صبيحه سمحتلي اخلي مكياج بحياتي حجنهه البنات يالله
قبلت كلنلهه اخت العريس واخت العريس كولشي سوي عادي حطتلي علا حمره ماروني طوخ بلون البدله وباودر حنطي بلون بشرتي والاينر عله طول عيوني هنه منا كبار وحطيت الاينر ومسكاره وردي
خدود باختصار باوعت لنفسي بل مرايه شهكت معرفت نفسي ولو حواجبي ممحفوفات بس المكياج
غطه وشعري عله طوله سوليا برم بعلاليك الايلون😂طريقتنه الخاصه اشهيره الف العلاكه عل خصله
ونضربهه هوه شسوار حار يتبيرمن وحطيت تاج زغيروني عله راسي كرستال فضي ولبست كعب
الشتريته مال عقد سماوي يعني صفنت عله نفسي
صبيحه-لج هاي شلاعبه هسه لذا شافج علي كتلج
يصير عمل شعبي هوه وابوج امشي مسحي يمصخمه خففي
علا-يمه عوفيهه اخت العريس عادي تحط وبعدين
راح نلبس بواشي كلنه محد يلاحض واليوم موبحالهه ملتهي يفكر بنادين ست الخوانم
صبيحه-عوجت حلكهه وماراضيه
ليل-رجعت لبست كلادتي ام الفراشه من لبستهه
اجت بالي ذكريات اسلام كلهه من كمشهه وطانياهه
استغفر الله مريد افكر بي مدري ليش امنع نفسي
لبسنه عبينه وبولشينه وطلعنه متوجهين لبغداد
وصلنه ساعه ٤العصر الاغاني واصله لراس شارع
صرنه ٤سيارات استئجر علي ٣كيات وسيارة ابويه
لان اجن خالاتي وبناتهن وعالكه وجيران لان بعتبار
مراح يسوون حنه لان عقد جبير هذا نزلو اهلي
اني اول مره البس بوشيه وكعب كولشي مشوف واخاف ارفعهه ويلكفني علي امشي واتعثر البيت بعيد من نزلنه من كثره ازدحام سيارات كمت مسمع صوت لاامي ولاخواتي بس جوارينه مشينه مسافه
١٥متر ارد ارفع البوشيه اشوفهم وينهم مكو دخلت للبيت وحدي البيت جبير جنه قصر مندل منين طبو
محس اله ايدي نجرت حيل قوي وطبيت لمكان ضلمه متت خوف صحت منو رفعت البوشيه رئستن
عن وجي اباوع هذا اسلام شيريد مني جرني لهنا
صحت بي كلي شتريد جايبني هنا
اسلام-اشش لتفضحينه هاي شطالعه والله مخليتيلي
عقل براسي يامره ليش رفضتيني ارد اعرف
ليل-وخر منا لا اصيح والم دنيه عليك تخوصرت بكيفي ارفض اوافق بل شخص اليعجبني مدري منين
جتني جراءة الكلام اباوعله صافن بوجي كلي ممكن
اكون صديق الج والله ماراح اتجاوز حدودي وياج
محتاج اكلمج بموضوع مهم هاج هذا رقمي فتح ايدي وحطه الورقه وتلامسن ايدينه ضل لازمهه
واني هم مدري شبيه انثولت اباوعله فهيت عله
جماله عبايتي انفتحت من ردت اخلي ارقم بجنطتي
محس اله باسني من خدي وشرد اني كلبي كام يدك
الف ليل شجاي سوين بروحج شلون يسمح لنفسه
يدنالج اشريفه متخلي واحد يطخهه بس زوجهه
طلعت اتلفت معرف اني وين بس من الغراض مبين
مخزن مال غراض طلعت منه فتت عله باب جبيره
لان كومه احذيه بره مال نسوان طبيت نزعت عبايتي بل مدخل وبوشيتي ودخلت لجوه الديجي وركص
اشكال اول مره اشوفهه لبسهن مصاليخ استغفر الله
ذوله منفتحين كلش شافتني سميه من بعيد هاي
شطالعه تخبل لايكلهه العرس صايره بغداديه رحت حضنتهه شكد مشتاقتلهه افيش ياريحت اخيتي
سميه-شلونج ولج مشتاقتلج شبيج تصفنين مو عله بعضج جنت ادور عليج وينج مطبيتي ويه اهلي
ليل-مبيه شي من يخلص العقد ارد احجي وياج
سميه ان شاء الله تعالي راح يجي شيخ يعقدلهم
خنوكف يم الخانم
ليل-صدك مكتيلي شلونهه وياج عمتج
سميه-اهائ ئ زينه زينه الحمد لله
ليل-وصلت يم نادين لابسه بدله تخبل نفس
ذني عارضات الازياء البتلفزيون شكد محضوضه
تضحك وسولف حته سلام مسلمت عليه تسوي روحهه مشوفني هاي عود راح تعيش وياي شكولات
استغفر الله وجهه لوحه مكياج صااااااارخ مكياجهه
طاعنهه بزايد بس مدري شلون مقتنعه بي ومخلخله
بذهب تخلخل اجه سيد عقدلهم وكبت الهلاهل وركص لبسهه ذهبهه صيغه مالتهه وباسهه ووكلهه كيك وركص وياهه وطلع اباوع امي فرحانه بيهه
رغم مو عله مرامهه واكفه يمهه وتحجي ويه خالاتي
وهيه ولامعبره امي تسولف ويه صديقاتهه وتضحك بصوت عالي جهور تعجبت اول عروس اشوفهه هجي
اني شايفه العرايس عدهن خجل اله هاي لا
خلصنه العقد وكال عمو طلال ضلو عله عشه
وحامد مقبل نطلع والعجيبه عمه سليمه محجت ولا كالت ضلو عجيب امرهه غير احنه عيال بتهه كون دللنه هسه بس اضاهر ضامناته العلي خذنه وصار محبس بايديهن خالاتي رجعن وخالتي لمياء رجعت يم بيبيتي لان وحدهي وبقينه بس احنه اناس راحت
كعدنه باستقبالهم كلش جبير بحيث بي تخمين كبار
فخمات وكوله ديكورات وسيراميك طبعا خسلت المكياج كله من خلص العقد وبدلت لبست جبه وحجاب عيون اسلام تراقبني بلمعه وين مروح
فكرت مستحيل اتصل بي صح خذت رقمه بوكتهه
مكدرت اناقشه لان جنت خايفه بس ارد اطلع ليش هجي يصرف معقوله يريد يلعب عليه صاحتلي سميه
لفوك كالت تعاي اراويج غرفتي صعدت وياهه بيتهم يخبل جنه قصر المحجر كله سنادين ورد وصور مرسومه مال رسامين احترافيين صعدت لفوك كالت طبي هاي غرفتي هسه اجيج اصعد جهالي واجيج
اجهال جابتهم ياسمين علا وياسمين رجعن ميكدرن
يضلن رجولتهن ميقبلون اني هم امنت عله كلامهه
سميه كلت هسه تجي خل اطب طبيت للغرفه جان
اشوف اسلام كاعد عله شي مثل القنفه يم الجربايه
عزه هاذا شعده هنا درت وجي ردت اطلع كمشني
من جبتي انهبطت وكلبي وكع بين رجليه ورجيف كمشني
اسلام-اليوم عقد نادين وعلي جنت منتضرهه باحر
من جمر ومحضر كلام كومه بداخلي تجاهه وصلو اهل علي ونزلو من سيارات اني اريد بس المحهه
من بينهم مكو كلهن بواشي بعدين طبن نسوان واشوف بنيه تمشي من بعيد نفس طول ليلتي
تتعثر بل كعب باوعت لحذائهه اي والله هيه نفسهه
الحذاء اشفتهه عله ليله بيوم عقد حامد انتضرتهه
تدخل للبيت حته استغل فرصه واحجيهه اضاهر
هيه متندل لان البيت جبير طبن نسوان قبلهه
طبيت للبيت ازلم بعدهم بره مطبو اهل علي
اكو مخزن بل برانيه مالتنه اطارمه فكرت اجرهه بي
واحجيهه اول ما شفتهه طبت جريتهه من ايدهه حيل سريع وخذتهه للمخزن هيه تفاجئت رفعت بوشيتهه رئستن اباوع نصدمت شنو هل جمال
ياربي مكدر اوكف كدام هذا جمال رغم شايف الاحلى منهه بحياتي بس احس بيهه جاذبيه عيونهه عصبيتهه تصرفاتهه صار الحديث بيناتنه طبعا
سميه وحامد درو بيه حجيت لحامد عنهه كتله حبيتهه وطلبتهه موافقت سميه حلفت متدري بل موضوع تفقت ويه سميه تصعدلياهه لفوك من ضلو عل عشه حلفتلهه فقط احجي وياهه كاعد بل غرفه
منتضرهه اسمعهه تحجي ويه سميه بدرج عدلت
قاطي طبت للغرفه نصدمت دارت وجهه تريد تطلع
جريتهه من جبتهه دارت عليه بعصبيتهه تحجي
ليل-انته ليش متستحي متحترم نفسك وتعوفني
بحالي كوم اطلع لتجي سميه شوفك هنا شتكول
اسلام-صافن عله حركاتهه وتصرفاتهه كتلهه كملتي
اني اريد احجي وياج بهدوء مو بعرك نتفاهم تفضلي
كعدي خل نحجي
ليل-احجي هسه شرايد اني واكفه
اسلام-حطيت اديه عله متونهه وكعدتهه عل قنفه
صفنت عليه
ليل-شنو هل جراءه منو سمحلك تلمسني
اسلام-كلبي سمح المسج ليل اني معجب بيج
وحبيتج من شفتج اول مره خطبتج ليش رفضتي
ماعجبج اني عفت كل البنات اليتمنن اشاره مني
واجيتج ليش ماطايقتني والله احبج وبعلم سميه اختج كاعد احجيج اني تره جيتج من الباب مو لعب
ليل-صافنه عله كلامه اول مره اسمع هجي كلمات
بحياتي ومن شاب مثل اسلام توترت وكلبي يدك
سريع مكدر ارفع عيوني بعيونه اخاف اضعف
كتله شتريد هسه مني
اسلام-مريد شي منج بس رقمي خزني عندج
نسولف نتعرف عله بعض وان شاء الله تحبيني
ليل-افكر عود تريد شي ثاني
اسلام-اي اريد
ليل-كول شتريد فضني
اسلام-همست عيونج اريدهن
ليل-سكتت باوعت لعيونه كلهن حنيه وعطره
مالي المكان عفته وطلعت حسيت بمشاعر اول
مره احسهه حلوه كلش احس الكاع مشيلني
ادور عله سميه اكو غرفه بصف الغرفه اطبيتهه
دخلتلهه لكيت سميه وجهال داير مدايرهه وحاطه
نور بت حامد بحضنهه ويسولفون ويضحكون
طبيت اباوعلهه بعصبيه هيه كامشتهه الضحكته
وكاتمتهه اعتبهه بعيوني ليش ضم عليه
رجعنه للبيت ومرة الايام واني تقربت لبيبيتي
كلش اسمع سوالفهه وحجاياتهه عن اهل كبل
تنسيني الوحده مالتي عسبالك الله دزهه ونس اليه
بدال سميه حطيت صينيه العشه يمهه اوكلهه بيدي
احب اداريهه وكعدت تسولفلي عن ايامهه ويه جدي
تقيه-هاجده جبتيلي العشه الله يحفضج لامج
ليل-مسحت دمعتهه بطارف شيلتهه لان اهتم بيهه
اول مره تحس باحد هجي يهتم بيهه كتلهه بيبي
سولفيلي عن جدي شلون تعرفتو عله بعض وتزوجج
تقيه-بحسره المرحوم تعرف عليه جنت اروح اترس من الساكيه ماي من اني وزغيره امي دزني ويشوفني
يم ساكيه يوميه حبني وحبيته الى ان اجه وخطبني
وتزوجنه  والله ايام شتاقيت للحجي اريد اروحنله
ليل-صمله عليج بيبي منكدر بلياج احنه
صبيحه-ليله تعاي صبي جاي لبيبيتج واليه
ليل-اي يوم جايه
صبيحه-يمه حددنه عرس علي ونادين الخميس اجاي
تقيه-بل مبارك ييمه بل مبارك
ليل-اليوم زفه علي راحو زفافه اولاد عمي واصدقائه وعمامي يجيبون نادين احنه منتضريهه بل بيت بس امي راحت ويه علي هيه وخالاتي يجيبوهه احنه البيت مخبوص عشه وهوسه طبعا سميه جابهه حامد من امس ساعدتني كملنه العشه ورحنه فرشنه فرشه البيضه وطلعنه الغرفه تخبل مسويلهيا علي للمسعده عاد كون تمشي عدل ويا اجو زفافه ساعه ب٨بليل
طببهه علي للبيت والهوسه وتصفك جان جاي وياهه
حامد واسلام امهه ماجايه طلعت بطارمه لمحته من بعيد يدور عليه شافني يعاتبني بعيونه عفته ودخلت
جوه طبو العرسان لغرفتهم واحنه كعدنه نتعشه ونعشي ناس ويه لمة خواتي جان يوم حلو

لهناا وخلص البارت من ٢١٠٤كلمه
انتضروني في البارتات جايه
متابعه ممتعه احداث مقتطفه
من بارت جاي

موت

زواج غصب

هروب

في امان الله لاتنسون المنشنه وتصويت
وتعليق احبكم كد البحر😚😚😚