عل كصه مكتوب

بارت ٩

الكاتبه -ساهره الليل

هلو حبايب شلونكم طبعا اني
اكللكمياهه لكدام رجاءا تقبلو
القصه مثل ماهيه ما اكدر اتلاعب
بالاحداث لحد يكلي ليش هجي
موتي فلان ليش زوجتي فلان
تره هيه مو بكيفي قصه استمعهه
من طرف الاخر انقلهه بما هيه
وبنسبه للتصويت اباوع المشاهدات
الف و٣٠٠ مشاهده والكالي ٢٥٠تصويت
او ٧٠تعليق ليش يعني انته الي تريد
تطب تقره وتستمتع تشغل وقتك الفارغ
بل قراءه ليش مصوت ليش متعلق تره
متاخذ من وقتك اني هم اتعب وطول نهار
كل شوي اجي اكتب بل بارت متطي حق
تعبي اني معتب عل اللي يعلقون ويصوتون
اعتب عل اصنام عفوا للكلمه يباوعون ويغلسون
للاسف اليوم البارت حزين ويحمل هواي احداث

ليل-مضت الايام واحنه بل بيت عايشين
نصف حياة اشغل كله عليه رغم امتحاناتي
اسلام لسه رقمه موجود عدي كلما اطلعه
اباوعله احضنه وارجعه لمكانه مكدر اتصل
عله رغم كلما تخابرني سميه تكلي اسلام
يريدج لو يريد يحجيج لو خبلني عليج
مكدر اخون ثقه اهلي واتخابر ويا ونتواصل
احترم شيبات ابويه الرباني ولابيه اوافق
عل خطوبه محتاجه اكمل دراستي اضمن
نفسي اريد احس روحي فرد من المجتمع
فاهم مثقف معتمده عله نفسي حته اتحرر
من قيودي واحقق كل احلامي البسيطه
نادين نهار كله معلكه بغرفتهه لاتنزل تشتغل
ولا تدني روحهه يجي علي امي صبله
ملابسه وصخه عله طول امي تغسللهيا
وتكويهن اني مرضه ادخل نفسي بي
كفايه الي مسوي بيه هوه اكرهه من كاعه
امي مرتين حاجته عاط عليهه لتدخلين
وماجايبهه خدامه الكم جايبهه اليه
صبيحه-قصدك جايبهه بس للنومه مكو غير هشي
لاتشتغل لاتنضف اهدومك لاغراضك الوصخ
واصل لوين لازم تعلمهه كل سبوع تروح لهلهه يومين
وملطومه وساكته كولشي مريد منهه بس ختتكفل
بيك اذا صار عدهه اطفال شلون هيه هاي جبتهه
نادين-هاعيني ها تحجين عليه توزين رجلي
هاي تاليتهه تردينه نخرب الله ياخذج ونخلص منج
وهجمت عله اني تريد تضربهه بحياتي ماشايفه
هجي براعه جنه تريد تضرب عمتهه فوك شينهه
وعلي ميردهه بس وخرهه كلهه صعدي فوك
شنو من بشر الله خالقه مدري باعت ذهباتهه وطتهيا
حته يزوجهه ومتحملته وخادمته حته بوجودهه تالي تريد تضربهه ميردهه بس كللهه صعدي فوك اني
رحت جريتهه ملختهه من شعرهه ادبسز حقيره
تضربين امي ماطول راسي يشم الهوه مخلي هجي
شي يصير
علي-تعاي لج تمدين ايدج عله مرتي ساقطه ولزمني
موتني كتل وامي خطيه صعدت شايطه وبيبيتي
صيح يبووووو كتل البت من جوه صوتهه ينسمع
كل ضربه يضربنياهه احس طابوكه توكع عله جسمي
ودم ينزف من خشمي وامي صارت بنص فكته عني
وذيج كاعده عجربايه اباوعلهه تضحك وتعيب عليه
من دارلهه علي سكتت سوي روحهه تبجي بوكتهه
طلعت دعوه من كلبي كتله عساك اشوفك مسودن
بشوارع تركض وفالينتك مزكه بجاه هذا اليوم
جان هوه هاج عليه بزايد ولزمني دك دفرات خلصني
امي صيح تخربطت ووكعت علينه هيه منا ايام
صارلهه مريضه من تفكير عله حض ابنهه تاليه هذا ابنهه يستقوي عله امه واخته شالهه للمستشفى
اني هنا شفت علي راح شال امي ووداهه لزمت نادين ضربتهه راشديات وعضيتهه بزندهه عضه
بحياتهه متنساهه وطلعت اركض ارد اخابر ابويه
يشوف امي ياخذني الهه نزلت جوه اباوع بيبيتي
تدك وتلطم وصيح يمه صبيحه بنيتي شجرالهه
كتلهه بيبي لتخافين ان شاء الله مكو شي يجوز
ضغط خابرت عله ابويه وكتله يابه الحك هجي وهجي صار ابجي واحجيله جسمي كوه اشيله من ضرب ووجي مورم كلي جاي بطريق بدلي اخذج
الهه عسريع لبست حجاب وعبايه وجواريب وكلت
لبيبيتي بيبي اروح لامي اشوفهه شلونهه راح اصيحلج ساره بت ام ناصر اجوارينه اضل يمج
بستهه براسهه كتلهه سامحيني هبطتج بيبي
تقيه-روحي جده روحي اتي شنو ذنبج كله من ورا
راس الحيه هاي خربت بيوت الله لاينطيهه تلدغ
وضم راسهه عساهه بختهه مسحت دموعهه بشيلتهه
اسمعت هورن سيارة ابويه طلعت لبره ادنيه كامت
تمطر زخ زخ حالوب وجو بي لفحات هوه حاره
نهايه سنه اصيف اجه ودنيه بعدهي تمطر صعدت بسياره ابويه شافني اخترع كال هاي شنو وجج مزورك ومورم وايديج كلهن جروح هنا اني اريدلي
بس واحد اشكيله كمت ابجي واحجيله اصار جان
كام يصيح عليه خالد- اتي صوجج شلون ترفعين ايدج عله مرة اخوج ميصير هجي تستاهلين الحرالج حيل بيج عساج بابو زايد
ليل-يابه رادت تملخ امي وعلي محاجاهه
متت قهر رحت هديت عليهه متحملت بعد
خالد-لو كلشي يصير جان تنتضريني اجي
واعرف شصرف واحل الامور موزعطوطه
مثل بكد زبانه تروحين تصرفين بكيفج
ليل-كلت بداخلي لويدري الراشديات الكلتهن
من ايدي هاي المايعه اخر شي جان شسوه
الله يستر من يرجع وتكبر الامور هاي الفوصه
وتكله شراح يسوي اوف ابويه متصل بعلي
وكايله اني بمستشفى االصدر بطوارئ وصلنه
من شافني الممرضات افترن داير مدايري اجن
يركضن يسئلن شمتعرضه عسبالهن اغتصاب
كتلهه لا وكعت من درج ضمدلي جروحي اكثر
شي جسمي مزورك وجي بس من يم شفتي
مشكوكه رحت لامي اشوفهه طبيت لردهه
علي يباوعلي ويخوزر عوزه ياكلني الحقير
اباوع لامي نصدمت امي وجهه اصفر ابويه
سئل علي كله شصاير امك شكالو الاطباء
عليهه ليش نايمه مصحت لسه دخل دكتور
كال رجاءا طلعو من ردهه المريضه كلش
وضعهه تعبان ومنتهي صاير عدهه سكر
مشكل اثر شوطه وصاعد ٥٥٠ادعولهه ينزل
وضغط هم صاعد سوه اذا ضل عله هل حال
يصير عدهه حالة وفا رجاءا طلعو منانه واندعوله
الله يشافيهه اني بهاي اللحضه نصدمت اكثر
امي لا مستحيل مستحيل تعوفني وتروح اني
بعدني طفله رحت ركضت عسرير اشبكتهه
واصيح بدون وعي يمه كعدي يمه اني ليله
يمه لتعوفيني حبابه وبوستهه من كل مكان اجه
علي جرني حيل وخرني ويخوزر كلي اتي سبب
اني الج لطلعهه من عيونج دكايكج ابويه صاح
عليه وكله عوفهه حسابكم بل بيت ثنيناتكم اني
مهتميت لكلامهم رجعت ارد احضن امي اباوع
فتحت عيونهه ولونهن حممر دم وزدادت شهقاتهه
ودموعهه جرت علي طلع يركض يصيح دكاتره
واني كمت ابجي بزايد وابويه كاعد عل كرسي
دمعت عيونه حاجاهه كلهه صبيحه لتعوفينه محتاجيج اني شبكتهه احجيهه يمه سمعيني يمه😭😭جان اسمعهه تكلي ليله يمه اني رايحه موصييج
عينج عله بيبيتج وماعليج بعلي لاتلاشي عوفيهم
وابوج ويحيى اخيج بركبتج اني سمعت هل كلام
كمت اصيح اكثر لايمه حبابه دنكت ابوس رجلهه
واكلهه لتعوفيني ابوس ايدج لتعوفيني منو اليه
طبو الممرضات يركضن وخرني عنهه بدت نبضات
القلب ملاتهه بجهاز يتراجعن طلعونه اني وابويه
حطولهه جهاز صدمات الكهربائيه واني بره اصيح
فاقده مثل اطفل يمه يمه ابويه لزمني حضني ويمكن
هاي اول مره بحياتي ابويه يحضني رتميت بحضنه
واكله بويه اريد امي اني زغيره بعدني احتاجهه
ابويه يبجي وعلي صافن مدمعه عيونه معقوله هذا
ينكسر كلبه بلا ضمير يشوف امه تريد تضربهه مرته
ومسوه شي هوه سبب الله لايطي ادعي بداخلي
علي طلع دكتور نزع نضارته راحله ابويه يركض
كله للاسف مكدرنه نسوي شي لان سكرهه صعد ٦٠٠
وسببلهه حالة الوفا اني هنا تخبلت رحت اركض
للردهه انايمه بيهه امي ورحت نمت يمهه صار جسمي
تقريب فوكاهه اشم بيهه شمة وداع وابجي بعياط
واصيح يمه لا يمه اترجاج يمه لا تعوفيني اخاف
اعيش بهل دنيه وحدي يمه مكسوره خاطر اني من زغر ذليله ذلة الناس واخوي
يمه شلون البيت اطبه وانتي مابي
ييمه تعاي ليه راسي يوجع شدي
ييمه تراه شد الغريبه مانفع بي
يمه ويامن اتسامر بغيابج دكعدي