عل كصه مكتوب

بارت ١٦

الكاتبه -ساهرة اليل

هلو حبايب من جديد شلونكم
مشتاقتلكم احبكم بكد الورد
متابعه ممتعه لاتنسون تصويت وتعليق
😚😚😚😚😚😚😚😚😚😚😚

ليل-في نجف قضاء الكوفه كعدت
من نوم ساعه بل ١٠صبح يوميه

نهله تنام يمي شلون نومتهه مرعبله ساعه
رجلهه افز الكاهه عله وجي ساعه ايدهه

فوك بطني امرار تجيني دفره منهه بليل
ثلاثيه الابعاد بدون ماتحس اني الي افز

وهيه تبقه مكمله نومتهه اليوم محسيت باي
حركه منهه ستغربت فتحت عيوني اباوع نهله

نايمه بصف الحايط وتهذي وجسمهه كله يرعش
كمزت دنيت اشوفهه شبيهه فتحت البرده حته

اشوف ضوه يطب ضلمه تلمستهه مصخنه نااار
وتهذي وتحجي كلام مخربط طفرت طلعت كعدت

يحيى من نوم كتله اطفر خلي نودي نهله للمستشفى
مصخنه ناااار وتهذي هوه هم مجذب خبر كمز من

فراشه بدل واني رحت لبست جبتي وعباتي ولبستهه
جواريب وكعدتهه مكو تالي طب يحيى شالهه رادهه

تكعد مكو كال اصبري سبحيهه بالاول حته تخف صخونه كتله يمعود خلي نوديهه للمستشفى

يحيى-لا بالاول سبحيهه
ليل-شالهه يحيى فوتهه للحمام جبت كرسي
هذا الحجي اركض نزعت جبه وجواريب حته

لا اتبلل كعدهه عل كرسي وكال انتضرج بره
هيه فزت كعدت تون حجيتهه نهوله شبيج

خيه شجاج شنو سابحه وما منشفه راسج
جانت دنيه شته دفيت الماي وفتحت دوش

فوك راسهه نترس الحمام بخار بعد مينشاف
قللت الحراره دا اريد اسد دوش صحتلهه نهله

تكدرين تكومين مكو ماجاوبتني دنكت اشوف
شبيهه واباوع نهله فاتحه عيونهه ومتحجي

وراسهه رايح لوره صرخت نهله شبيج مكو
عيونهه صارن خضر وتكلبن لفوك صرخت صريخ

خفت عسبالي ماتت حته يحيى راد يطبلي للحمام
كال لبسيهه اي شي يمعوده خل اخذهه لبستهه

جبتي نزعتهه شلون ما جان ولفيتلهه المنشفه
ولفيناهه بنفس البطانيه وشالهه للمستشفى اليوم

جمعه ابويه بعده نايم خذنه سويج وطلعنه واني
من ماتت امي وابو نهله بعد متحمل هبطات طول

طريق ابجي خبصت يحيى خبيصه مجرد اتخيل
نهله تموت ارجع اصرخ وهوه يكلي يمعوده

دوهنتيني سكتي اضاهر هوه قلقان اكثر مني
مبين عليه يحبهه مسح عينه شنو معقوله يبجي

مصدك وصلنه مستشفى الحكيم طببوهه كبل
عسديه كال طبيب صايره عدهه صخونه عاليه

ضربوهه ابر وحطولهه مغذيات تصل ابويه بيحيى
كاعد من نوم مالاكينه كله يحيى هجي وهجي صار