عل كصه مكتوب

بارت ١٤

الكاتبه-ساهرة الليل
هلو حبايب من جديد شلونكم اليوم
البارت مطول لعيونكم ولو خطار عدنه
بس خلصت نص شغلي وكعدت اكتبلكم
بوساااتي😚😚😚😚قصه ليل بعدهي
مطوله شوي فلتخافون متخلص هسه
احبكم كد الدنيا فد يوم اسوي نوت تعارف
اريد اكعد اتعرف عله متابعيني يشرفني هشي
ويسعدني متااااابعه ممتعه

ليل-تغير كلشي بحياتي عن قبل
جنت احلم اطلع عن البيت واطب براحتي
والتقي ويه ناس واعتمد عله نفسي واصادق
صديقات واخلص من الحبسه وتكفخ والحزن
تحققن بس بغير ضروف وبغير صوره ياريت
لو على ذاك الوقت بوجود امي وابويه واختي
واطفالهه ونضحك ونسولف ونطبخ ااااه عذكريات
وصلنه اني ونهله للمكبره وماخذتنه السوالف عن احلامنه صايرين هواي نتابع افلام هنديه هل ايام
اشترينه تلفزيون زغير عله كد حالنه وكمنه نباوع
بي مسلسلات هنديه يوميه نباوع ملكة جانسي
نحط حب شمس وكرزات وجبوسه ونكعد نباوع
بليل وهواي متئثرين نهله تريد تروح للهند واني
اريد اصير الملكه 😂🤣كاعد نسولف الى ان وصلنه
واباوع يم كبر امي احد كاعد يبجي بنحيب داير
وجه رجعت بخطواتي لوره مصدومه خفت ورجعت
بيه الذكريات لبيعتي لسعد ولضلم الشفته كمشتني
نهله-الى متى ضلين تشردين واجهيهم
ليل-اخافن نهله اخاف
نهله-طيني ايدج امشي لتهتمين اين كان
واي احد شوفي سولفيله ولتخافين من شي
ليل-سمعت كلامهه تقدمت بخطوات ترجف
اجتازيت القبور اليمهه ووصلت وكفت كدامه
ابويه اهنااا رغم اسوا بيه مشتاقتله كلش ضليت
واكفه كدامه لحد ما رفع راسه شافني نصدم
خالد-ليله ليل بنيتي مصدك واكفه كدام عيني خاف احلم ليش شردتي من سعد رجلج وينج يبويه خبرنه سعد شردتي منا وما جاز حال اخوج يوميه يريد
يوكعه ببلوه معده يرجعله الفلوس احجيلي وين
عايشه شلونه حالج
ليل-بعد كل الي سوو بيه يسئلني ليش شردت
معقوله ابويه ميدري بل وضع المريت بي
بعتوني بويه بعتوني😢😭ليش بعتوني
لواحد يشتغل بل ممنوعات ويشرب ومزوج ٣نسوان
اني صرت الرابعه الله ميندله منين متهمه غير شهواته ليش مو اني بتك ليش حلم بسيط ردته
اكمل دراسه حالي حال البنات هجي سوون بيه
خالد-بصدمه شنوووو مزوج ويشتغل هاي شغله
مدري بهل شي علي كلي رجال حباب بس
جبير بل عمر ويطالبه بفلوس معده يسدهن
كال نبيع لبيت لو اطب سجن لو تتزوج ليله
وكال زاير بيت الله يصونهه اني هم فكرت كلت
اذا نسجن اخوج لو ينباع البيت وين نروح عل اقل
تزوجين تنسترين وتتغير حياتج ونخلص من دين
ليل-كمت اصيح والطم عله خدي ليش يابه ليش
اني حضي هجي اتو حته مشيه مثل البنات مسويتولي مهر محطيتولي طلعتوني بطرك روحي
ليش هجي يابه ثكيله جنت عليك لو خبزت عيشتي
غاليه دولبتني دولب بيد واحد سكير بطله بيده
كام يبجي واجه حضني وكال سامحيني يابه
سامحيني تعالي رجعي للبيت ويايه مهدج بعد
اريد اعوضج عله اصارلج ويامن عايشه هاي البنيه
منو الوياج كتله يابه عشت بل ولايه بدرابين ويه
نهله وابوهه رجال جبير حواني احسن من اخويه
الباعني وكمت اشتغل ومعيشه نفسي احسن عيشه
مريد ارجع يم علي وقهره ويروح يئاذيني واته ساكت باوعت لابويه تغيرت معانيه وكام يصرخ
خالد-لج اخوج اختل عقله اختل ويبجي
ليل-يعني شنو
خالد-يعني تخبل من نادين كتلهه اخوهه ولسه
هوه معده عقل ويحيى اخوج كاعد يداري وحجالي اصار بينه وبين نادين وشلون وداهه لاهلهه
نهار كله يفتر بشوارع تعبني هلكني
ليل-صح اذاني بس بجيت مهما يكون يبقه
اخويه
خالد-رجعي ويايه يابه تعبان اني ومبيه حيل
للشوطات
ليل-اي ارجع ميخالف بس لتبجي يابه
امي هسه تتئذه بكبرهه وحضنته وبجينه سوه
خذت نهله وكتله باجر راجعتلكم علما الملم
غراضي كال اجي وياج ارد اندل مكانج
رجع ويانه وصلنه للبيت الباب مفتوحه كلنه شعجب
نهله طول طريق تبجي تكلي راح تعوفيني وترحين
تعودت عليج واني اكللهه اجيج والله ماركج
فتحنه الباب جان نشوف عمو محسن واكع بل كاع
متمدد وسجاد عله صفحه مفروشه نفزعنه كمنه نصايح ابويه اجه ويانه طب شافه تفاجئ نقلنا
عل مستشفى والصدمه الكبرى طلع متوفي وراح
عمو محسن لحك عزيزه كلبي نهله تخبلت عليه
دك ولطم واني وياهه حالنه حال ابويه كال اهله
وين ولد بنات معده نهله سولفت لابويه وضعهم وتبجي وتكول وين اطي وجي بعدك يابه تعلمنه
عليه كلش متعلقين بي يكعد ويانه يسولف ويضحك
وروحه رياضيه كلهه امل وتفائل متوقعته يعوفنه
فاتحه مكدرنه نسوي بس وزعنه ثواب بثوابه لان ولده مكو ونهله شالت غراضهه ورجعت وياي لبيت
اهلي بعد سبوع من العزاء نهله دمرت كلش مكدر
اتركهه وحيده وهيه بقمه ضروفي المتعبه ساعدوني
دزيت غراضي ببيكم نزلنه يم الباب اوف ياهذا البيت
شكد بيك ذكريات دارت دنيه بيه ورجعتلك محس
اله حصوايه جتي بضهري درت وجي متفاجئه اباوع
علي اخويه وحاله حال هدومه وصخه وفالينته يكرض بيهه بحلكه وشعره مزين ويضحك ويعيب
يصيح هييي اتي شعدج باب بيتنه جايه تبوكينه
ويصيح فضحنه كدام ناس ويبجي يصيح تريد تبوكنه حاله يبجي صخر معقوله دعوتي ستجابت
شلون ابويه كادر عليه طبينه وطببنه الغراض اني ونهله وتلكانه ابويه الاسود لسه منزعته وهوه هم ماناوي يروح مني ابو نهله بحسبه ابويه مكدر انزعه
طبيت لجوه ادور بعيوني عله اخويه يحيى من الاشتياق ولهفه ممصدكه رجعت صحت يحيىىىىى
طلعلي مو ذاك يحيى المراهق زغير رجال كامل متكامل لحيته وطوله ووكفته شافني نصدم صاح ليله خيتي ويبجي تحاضنه وضلينه هواي نبجي
محس اله نهله ورانه صفك درت وجي تريد تلطف جو كالت خلص الفلم العاطفي كافي يحيى ضحك
وتفاجئ يقصد بعيونه هاي منو كتله سوالف طويله
خنرتاح طبب غراضنه ونسولف شلونهن خواتي
مشتاقتلكم كلش كال زينات ويسئلن عنج داىما
وين رحتي اختفيتي متكليلي اني علي وكع بركبتي
تخبل ممتوقعين علي فد يوم هجي يصير فكرت
هاي حوبتج اني لو موجود جنت جان مخليته
يحيى جان بوكتهه رايح بايت يم صديقه ايام
من رجعت وسمعت هجي تئذيت كلش انتي البقيتيلي من ريحه امي وبجه وكعدت ابجي ويا
نهله-ادري الله عليكم ماشبعتو بجي كافي جوعانين
ضحكنه اني ويحيى صافن عله سوالف نهله اضحك
مملوحه كلش ومحبوبه رغم حزنهه الى انه روحهه
رياضيه مرة الايام وتصلت بسميه وجان لقاء طويل
بتليفون معاتب وبجي كالت اقرب وقت جاييتج حامد هل يومين فلاونزه بس يصير زين اجيج خل ابشر ذاك المنتضرج وكلبه مقبل غيرج وخواتي ياسمين وعلا اجوي شافوني ومحاضن وبجي
كلش فرحت من ذكرتني باسلام معناتهه لسه منتضرني مزوج وضليت اعد يوم يوم لشوفته
اباوع نهله تعزل روحهه داىما وتبجي عله ابوهه
دكول مضلي احد اخواني مبيهم حض المن ارجعلهم
واني احس نفسي ثقل كعدتي يمكم غريبه واني
وضعي يختلف عن وضعج من جيتيني اكللهه
عيب تحجين هجي حجي اعتبرج اختي تهدء
وترجع تعيد نفس الموال احس روحي رجعت لريحه
امي لجربايتي لفراشي ملابسي كلهن موجودات بعدهن البيت وصخ لان ما بداخله مره ويحيى ميلحك من وره علي بس رجعتله حيته ورجعت بداخله الحياة اليوم تجي سميه اشوفهه كلش متحمسه الشوفه جهال طبخت انواع واشكال
حيوي سوكلي سويت برياني وتاجينه جزر سماوي
تحبهه كاعدين نسولف اني ونهله ضوجه تعودنه عشغل عرباينه بعناهن بس كتلهه منضل كاعدين
نسويلنه شغله بل بيت نشتغلهه كالت اي واني هم حته انطيج مصرف عطت بيهه كتلهه عيب هسوالف
وبعدين اني اشوفكم اتي ويحيى هليام نضرات وكذا
😉هيه تلخبطت امورهه وارتبكت
نهله-هاي هاي عليمن تقصدين عليه اني
ليل-لا اني لج بابا دارستهن ذني سوالف وادري
بيج اتي ويحيى واحد معجب بثاني خلي ازوجكم
لا ترحون سوولي مكسوره بس ها تره مهر مكو
اخويه بذاته مهر
نهله-وليش يابه مكو مهر 🙄
ليل-ها شكال بهلول مو كتلج تردي كمتي دورين
مهر يل مسعده مشوفي يدرس معده فلوس منين
نهله-بخجل اني مدور مهر اهم شي اخلاقه
ليل-يمه فديت الخجلان اني خل يجي واشوف
شنو الفلم حته نرسيهه عله بر وتصيرين مرة اخويه
حته اكومج بكفخه واكعدج بكفخه ماينه عليج
نهله-وج لتحاجي فشله مشوفي حاير بعلي اخوج
يداري وينه ويني
ليل -معليج اتي يجيج صافي
وصلت سماوي سمعت حس سياره جنت لابسه
دشداشه سوده وشال اسود حته جواريب مالبست
من حامد طلعت اركض مشتاقتلهه كلش
فتحت الباب وصيحنه سوه وتحاضنه ونبجي
وجهال يصيحون خااااله بوستهم وسلمت عله حامد
كال اني ناذر اطش واهليه بل كاضم اذا تشاوفتن
يمعوده ستوه رجعتلهه ضحكه صارلهه يومين
راسي خرشته عليج بعدني مريض جابتني سحل
واسلام ساق سياره اني مكدر من ذكر اسمه احس
دنيه كلهه وكفت وبعد مسمعهم دورت بعيني ارد الكا
ووووووو

لهنا خلص البارت من ١٢٩٨كلمه
لاتنسون تصويت وتعليق والمنشنه
في امان الله اذا صار تفاعل انشر
بارت بليل ب١١ 😚😚😚😚