عل كصه مكتوب

بارت ٤

الكاتبه -ساهره الليل

هلو حبايب شلونكم مشتاقتلكم ومشتاقه لتعليقاتكم
رجاءا تصويت اريد وتعليق عل فقرات افرح من اقراهه تعليقاتكم واحد واحد متابعه ممتعه دمتم
فب حفض الباري تعالى

في نجف قضاء الكوفه دنيه صبحيه

ليل-ساعه ب٩صبح كمت من فراشي اجو بي
نسمات برد خفيفه بدايه شهر ١١ راحت ايام
نومه سطح الحلوه نوب جانه البرد نكوش
بل بطانيات ونكعد رحت صبحت عل امي
صباح الخير يوم

صبيحه-ومبين عله وجهه الهم وتفكير بابنهه
هله يمه هله تتريكين

ليل-اي يمه كليلي بيضه عين
صبيحه- تكملين ريوكج  صعدي لفوك
نزليلي الكنابير والبطانيات اجو بي
كرصه برد والكاع بارده
ليل-اي يمه صار شو سميه مالهه حس وينهه
صبيحه-راحت تودي مناوي للمستوصف
مصخنه تكول ومنامت ليل كله
ليل-ياشو محسيت بيهه جا وزيودي وينه
صبيحه-خذته وياهه بل عربانه
ليل-اها اكلج يمه شصار العلي راح ياخذهه
هاي البنيه البغداديه
صبيحه-اي تفقنه عل مشيه جمعه جايه
ابوج كوه قنع وفشله من ابوهم صارلنه
شهر حاجين بيهه
ليل-يمه اتي مو تكولين مو من ثوبنه
شلون راح تقبلين طب بيتنه
صبيحه-شبيدي ييمه متكليلي
عاشكهه خلي هوه حر باختياره هواي حجيت
ويا مافاد اربطه قابل واغصبه عله غيرهه
ماعليه منهم الله يسعدهم هم اذا اختارله
وحده اني وصير مشاكل بعدين علبو اتي
جبتيلياهه يكول من تجي لهنا اعلمهه عله
ذبتنه وطريقتنه ولبسنه خنشوف
ليل-يعني عقد القرءان قريب
صبيحه-اي قريب يرادلجن هدوم
وشايله هم معدي اشتريلجن اريد البسجن
نفس كشختهم حته منفرق شي عنهم
ليل-وذهبات خذاهن اجامعتهن
صبيحه-اي خذاهن عود جنت ضامتهن
خاف انه لو ابوج نتمرض ذبنه دنيه
ليل-انهبطت بداخلي كتلهه يوم لتحجين
هجي اني ماعوفكم ابد
صبيحه-يابرد فالج ليش تحجين هجي
شسوي بيج ضاله يمي اريدج ترحين
لحال نصيبج ائئمن عليج مادايمين الكم
اني وابوج واخوج
ليل-دمعت عيوني مجرد حسيت امي
وابويه يرحون لدار حقهم وين نطي وجوهنه
صبيحه-هسه معلينه من هل حجي
شلونج بدراسه
ليل-زينه يمه مستوايه ستينات درجاتي
وصديقتي ساره كلما اروح نكعد نقره
سوه بساحه وتعلمني المافاهمتهن
صبيحه -الله يوفقج
طبت سميه راجعه من المستوصف
سميه-سلام عليكم
ليل صبيحه-عليكم السلام
سميه-يكولون عدهه حمى فايروسيه
معرف شنو
صبيحه-يايمه صمله مناوي بتي
منين جتهه
سميه-مدمعه مدري يمه كالت لتكطعين
كمادات ستمري عدوه ٣ايام اذا مصارت
زينه حوليهه عل مستشفى صدر
صبيحه-لتخافين مكو شي ان شاء الله
دك تليفوني
المتصل -ام نادين
ليل-يمه ام نادين دك عليج
صبيحه-يا جيبي جيبي لينكطع خط الوو
سليمه-هلو شلونج عيني ام علي
صبيحه-عليكم سلام اهلا عيوني ام حامد
سليمه-شلونكم اخباركم
صبيحه -الحمد لله زينين امري تفضلي
سليمه-مايامر عليج عدو جايينج بموضوع
علمود خطوبه
صبيحه-هله بيكم شوكت ماجيتو اهلا وسهلا
تنورونه
سليمه -لضهر احنه واصليكم
صبيحه-تنورونه مع السلامه
ليل -هايمه خير
صبيحه-ركضن عزلن البيت اتي وسميه
جايين اهل خطيبه اخوج خل خابر عله
ابوج امشي كعدي اخوج نايم كليله
ليل-اي اي يمه شبيج خبصتينه
شبي بيتنه نضيف اصلا
صبيحه-ولج كمزي نزلي الكنابير
البيت لسه ممفروش ليعيبون
الكاع صبه والبرد نزل خيترتب
ليل-رايحه رايحه هوف صعدت
دكيت باب غرفه علي الي نايم
بيهه هوه ويحيى سوه مشترك
بيتنه فقط ٣غرف غرفه لامي
وابوي وغرفه لعلي ويحيى
وغرفه اني وسميه من جانن
خواتي ممزوجات البنات كلهن ينامن بغرفه
دكيت الباب محد جاوب رجعت دكيت
حيل وصحت علي
علي-اجيج املخ شعرج شتردين
مكعدتني من صباحيات الله
ليل-دضل نايم اهل نادين جايين
بطريق محس اله الباب اندفرت
بوجي واشوف علي بجامه وفالينه طفر مكفش
علي-شنو جايين وشوكت
ليل-هسه خابرو عله امي يا شبي هذا
راح يركض طب للحمام هجي الحب يسوي
وعمه حته عمه رحت صعدت للبيتونه
نزلت الكنابير كل واحد شكبره
ذبيتهن من درج مكدر انعثل بيهن
حرام اذا يشوفني هسه مينزلهن
بس خل اكله علمود اهل خطيبتك
بلكت يحن وينزلهن صحت علي
علي-وجهه يضحك شارك الحلك وصابون وغفه
بركبته داينشف بل خاولي شتردين
ليل-يا هذا شبي يصفن ويبتسم لحاله
تعال نزل الكنابير ارد افرش قبل لايجون
اهل نادين
علي-اي عوفيهن هسه انزلهن وثاني مره
كولي اهل مرتك امشي ولي يله
ليل-بداخلي كبوور بس سمع نادين
رجع مراهق خل اروح اشوف شلبس
مريدهن يعيبن علينه نزلت صاحت امي
صبيحه-نزلتيهن
ليل-اي يمه موخبلتيني نزلهن علي
صبيحه-يامنه من شيطان
ليل😅-علمود الحب