عل كصه مكتوب

بارت ١٠

الكاتبه -ساهرة الليل

هلو حبايب شلونكم مشتاقتلكم
اعرف امس نفسياتكم اتئذت
بحال وفاة صبيحه ترحمولهه
وكلمن عده ام تراه محضوض
جماعه الانستا الي يكولون
البارت قصير تره اني كاعد اكتب
فوك الالف كلمه وامرار تصير فوك
الالفين كلمه لاتنسوني المتابعه وتصويت
والتعليق كل الي ما مسوين متابعه خيسون
متابعه اذا حبيتو هاي القصه حته توصلكم
قصصي الحديثه فيما بعد احبكم كلش هواي
البنات اموت عليجن كلجن صديقاتي اعتبرجن
مواااااه موااااه مواااااه متابعه ممتعه

ليل-گوميلي ييمه بگلبي تسعر نار 
محتاج لحنانچ فدوه ضميني 
گوميلي ييمه عيوني اجت خطار 
تشكيلچ عذابي وغربة سنيني 
اسمعيني اسمعيني اسمعيني 
اريد بگبرج اغفه ،، وياچ خليني 

هذا الكلام كلته بيوم الاربعين رحنه لكبر
امي نزورهه ٤٠يوم احسهه٤٠سنه مشتاااااقتلهه
كلش بعدني قليله الكلام ومعليه باي احد
نمت عل كبر اريد بس اشم اثر ريحتهه
خواتي بجن بجي عليهه يهد صخر بالاخص
سميه اخر شي رادو يرحون كتلهم اترجاكم
عوفوني يمهه بس هل يوم ابويه ماقبل
خالد-سودنتي ليل اعقلي وامشي ويانه
ليل-ساكته حاضنه الكبر مارضه اعوفه
خالد -امشي راح نروح ونعوفج وتغورب دنيه
ضلين وحدج بل مقبره
ليل-مهتميت افكر بامي جانت تخاف من ضلمه
شلون هسه هيه جوه الكبر نايمه وحدهي
تالي حسيت مكو صوت يمي مخفت ولادرت
وجي بل عكس ارتاحيت كلت اييي همزين
راحو اريد اعاتبهه نزلن دموعي كمت اصيح
طلعت سكته مدفونه بداخلي مال ٤٠يوم
يمه ليش تعوفيني يمه مو ترديني ازوج وشوفين
خيرنه هاي حجايتج ترن بالي مانساهه مشفتي
خيرنه ييمه يمه اني اخاف من علي اخاف منه
من جنتي يمي واخاف منه شلون هسه وعفتيني
يمه من بعدج ذليله انه يمه اني انام وحيده بعد
صوتج ماسمعه لتخافين يمه بيبيتي بركبتي
اني اداريهه يمه ليش عفتيني بجيت هواي
معرف شكد خط ضلام سمعت صوت وراي
مكملتي منتضرج اني من راحو لسه عمي
وصاني بيج كال ختكمل ورجعهه بيدك
درت وجي عرفت صوت مصدره اسلام
منتضرني معقوله شلون علي قبل كمت رشيت
مي ورد عل كبر وحضنته ومشيت عله طريق
رجعه واني ساكته كام وراي ركض اجه صار
مستوى مشيته ويه مشيتي شويه شويه بدت ايدينه
تطخ ببعض اثناء ما نمشي اخر شي كمشهه معترضت
معرف ليش حسيت بامان محاسته بحياتي رفعت
راسي اله مدمعه وكف لزم راسي بايديه معرف ليش
مامنعته لان محتاااجه احد يطبطب عليه مثل امي
الله يرحمهه باوع لعيوني همس ليلتي احبج ونزلت
دمعته رئستن لبدت بحضنه كلبي كام يطب قوي💓
هوه هم ماصدك تشبث بيه اكثر ودخلني لاعماق حضنه حسيت براحه وحنيه محاستهه من قبل سمعت صوته يكلي حبيبتي خلي نروح وكت غروب
اخاف عليج بتعدت عنه ومشينه رجع حط ايده بئيدي اسلام-ليش ماتصلتي مو نطيتج رقمي وكتلج
محتاجج من شنو تخافين سمعتج تكولين اخاف من
علي شمسويلج علي سولفيلي اكدر اساعدج
ليل-مجاوبته شي شكله اخويه بتقاوه علينه لو اختك
من ابوك تهد عله اني تريد تضربهه دمعت عيوني
اسلام-ليلتي باوعيلي مقبل هايةالعيون الحلوه تهمل
دمع اني عندي علم بلي سوته نادين وابويه مقصر
جنزهه تجنز عسوته صدكي لو اختي من امي جان
كتلتهه بس مالي حق عليهه مادام ابويه موجود
هسه راح ترجع للبيت معليج بيهه اتركيهه
ليل-همست اسلام انته ليش تحبني
اسلام-عيونه وكلبه وروحه احبج لانج هزيتي هذا
ليل- واشر عله كلبه كتله اني مافيدك
اسلام-بصدمه ليش ليش تكولين هل كلام
ليل-اني ما اتراهم ويه نادين نوب ويه سليمه
اسلام-هههههه شعرفج باسمهه ماعليج منهه
اتي بس وافقي واني وحامد نعزل ببيت وحدنه
شنو رايج نوب اتي واختج تكعدن بيت وحدجن
صدكي احطج بعيوني ومسمح لرموشي تاذيج
ليل-كتله اني حاليا حزينه عله اني وترابهه بعده
اخضر مكدر ارتبط بيك ادور سنه ويصير خير
وعدي شرط اكمل دراستي لان حلمي هشي
اسلام-بس هذني ؟لج انتضرج العمر كله ليلتي
انتي لج اني من شفتج لسه متخبل لا ليلي ليل
ولا نهاري نهار مدري بيج توكعيني هجي كلبي
بس الج دكاته هاج سمعي لزمت ايدهه وحطيتهه
عله كلبي شفتهه ذبلت عيونهه رجعت حضنتهه
وكتلهه خنروح لو علينه ميخلص المحاضن لصبح
بس كلشي بل حلال احلا وعمي امني بيج لازم اردج
سالمه لاهلج😉ودراستج اني اريدج تكمليهه تدللي
ليل-حسيت براحه تامه حسيته صار احد احلامي الجبيره اسلام ابتسمت رغم المي البداخلي كلساع
يجيني الم الفجعه حطيت ايدي بئيده وكتله واعدني
متتركني اسلام-اني عني اواعدج العمر كله ماتركج
ولا اطخ وحده غيرج بس اتي واعديني هشي احب
اسمعه منج ليل-وعد مني يا اسلام كلبي بس الك
اسلام-ياعمري من ترجعين اخذيلج فتره ارتاحي
واريدج تتواصلين وياي صدكي ما اجاوز حدودي
بس محتاج احسج طول الوقت اتي وياي
ليل- ميخالف من ماهوه علي اتصل بيك بس هل
فتره ختعدي مكدر كولشي اسوي جرح امي بيه
رجعنه للبيت وبطريق فاتح اغنيه تسئليني لاسماعيل الفروجي الي هزت العالم بنزولهه بوكتهه جانت سنه ٢٠١١ نزلن دموعي   لان اللحن جان حزين وكلماتهه اكثر حزينه حسيت كلوبنه التقت كالي هاي الاغنيه اهديهه الج سئلني شكد عمرج كتله طبيت ب١٨ كام يردد كلمات الاغنيه ويباوعلي بنضرات عاشق اول مره تلامس روحي
تسئليني ليش احبج ليش احبج
اسئليني عن عذابي عن جنوني عن حنيني
اباوعله شلون يغنيهه ويا وصوته بي بحه كتلتني
انرسخت ابالي نوب فتح اغنيه لكاضم الساهر
اشهد الا امرأتآ وبعدين طفا وكعد يسولفلي عله حياته واني ساكته واستمعله وصلنه للبيت وكلي
موصيج دربالج عله نفسج وشوكت ما تحتاجيني اني موجود يمج ابتسمتله ونزلت مدري من هل نزله
كان اخر لقاء بيناتنه وبدايه لمئساتي طبيت للبيت
لكيت نادين راجعه وعلي موجود وابويه وسميه
وخواتي كلهم يباوعولي سؤال بداخلي ليش يباوعولي باهتمام سميه جتي يمي حضنتني
سميه-حبيبتي بالنه يمج تئخرتي يم امي
علي-يباوع لابويه ويئشر عليه يكله هاي الي لسبالك
تخبلت كولشي مبيهه تتحايل علينه حته ننسه اصار
خالد-علي هذا الموضوع مينفتح بعد امك ميته وبعد
الك عين تتعارك كل الاطراف خطئانه وراح طب لغرفته وعلي يباوعلي بنضرات توعد وخزره ونادين
اشر كوله بوجهه تباوعلي بنضرات حقد وتوعد خذت
رجلهه وطبت واني طبيت لبيبيتي ارد اشوفهه شلونهه باوعت بيبي ماموجوده بل استقبال لاهيه
ولا غراضهه انفزعت طلعت اركض اسئل عنهه خواتي
كتلهن وينهه بيبيتي وينهه ليش ماهيه
سميه-هذا الحقير علي رجعهه لبيت خوالي كال امي
وماتت منو يداريهه بعد قابل وابويه محجه شي
ليل😢😭لا ليش هجي هاي وصيه امي لييييييش
علا-لتبجين ليله كلبي مايتحمل وحضنتني
ياسمين- تبجي كايمه اسوي عشه اكيد جعتن
سميه-حبيبتي ليله تعالي وياي خاف يئاذوج واتي
محد يمج ابويه بدوام ذوله ميسكتون اذا ميطلعون
حركه نادين وضربتج الهه لان اني سولفت لحامد
كل السوته بامي وحامد سولف لعمي وعمي مقصر
بيهه موتهه كتل وحرمهه من طلعه ومن المصرف الشهري الي يطيهيا بل بنك وكال فشلان منج يعمي
معرفت اربي وعمتي سليمه من الاول مئاذيتني
يوميه عركه وياي لو عشغل لو عطلعه لو عضحكه
نوب هسه من عمي ضرب نادين زادت حقد بزايد
وكالت اني الج معديهه عله خير بس لتخافين اجيبج
ونامي بغرفه البنات اصلا حامد من شاف الوضع هجي نوه عطلعه ببيت وحد كال اروحلنه ومن اعزل
تطلعين وتعيشين وياي عله طول ها شكلتي
ليل-لا مكدر اعوف البيت بي ريحه امي
واني اعيش عله ذكرياتهه وابويه منو يداري
تتوقعين هاي الحيه اداري هيه وصخهه جنه ماخلصانين منه نوب هسه خليني اطب للغرفه
واقفل الباب عليه واريد اهتم بدراستي اكثر
واريد اعيش احزاني لامي مريد اطلع منا
سميه-تتصلين بيه عله طول وتخبريني بل يصير
واذا رادو يسووولج شي كبل خابريني تلكيني جايتج
ليل-ابتسمت ياطياره ومن بغداد لنجف ٣ساعات
سميه-ردت الطف عليهه جو اجيج بل برشوت 😁
علا-يبنيات تعالن تعشن خلص العشه سويتلجن كباب
عروك واني وشيف ياسمين
ليل-بجيت اتذكرت امي تحب الكباب طول عمرهه
عاشت محرومه ويانه حته تدللنه مكظرت اتعشه
صعدت لفوك لحن عليه كومه ماقبلت اكل اني
وطريقي بدرج اسمع هوسه وعياط علي ونادين
يكللهه مو تفقنه استر عليج وره ٤اشهر اطلكج وتسجلين بيت باسمي هذا جان اتفاقنه صح لو لا
نادين-تبجي مريد اطلك هسه افهمني يحسون عليه
ويذبحني ابويه
علي-فوك ما مو شريفه اتحملتج زطببتج للبيت
واتي سبب بوفاة امي من قهرتهه تاليج متسجلين
البيت لشوكت انتضرج ها
نادين-هل يومين اسجله باسمك صدكني مجذب
وبعدين اطفل الحامل بي منك شلون اذبه قابل
علي-لااااااا وحامل بعد تردين ذبين براسي مكسورة
النمتي وياك ذاك النغل
نادين-بيش احلفلك منك اطفل والله منك
اني هنا نصدنت معناهه زواجهم كان اتفاق
وهيه مو شريفه ورادته يستر عليهه اكول بداخلي
اتذكر ليله زواجهم من امي طلبت البياض صيح عليهه وكللهه هاي العادات متمشي براسي عيب
هجي سوين امي المسكينه بوكتهه سكتت محجت
نهاريت بل سمعته همزين متي ييمه لوحيه وسمعتي
بهل شي جان ضليتي عليله طول عمرج رجعت
نزلت لجوه من صدمه وسولفت اصار الخواتي
اتفاجئن ولطمن صدورتهن وكالن الله ياخذ الحق
ذنبه عله جنبه وتقع الطيور عله اشكالها معليج منهم
يجوز يطلكهه وتخلصين منهه كتلهن بيبيتي شلون
تهدنهه وتروح امي امنتهه بيه كالن لتخافين وصينه
خالتي لمياء تاخذهه يمهه راحن خواتي ودعني ومرة الايام ونادين عرفناهه حامل كله البيت اني انضفه
واني اطبخ اني اغسل هدومهم واكويهه اذا احجي
شي علي يموتني كتل ابجي واشتغل وانعي عله امي
اراحت وعافتني وحدي واذا اسولف لابويه يكلي
بويه اني تعبان اتقي شرهم وسوي الي يردو تعجبت
شلون ابويه مسايرهم حته امي من جانت مسايرتهم
اوف اوف كاعده انضف جوه درج دنكت حاطين احنه جوه درج صندوك بي عده مال انشائيه دا اجره انضف جوا وجان الكه جيس زغير مخيط مثل الحرز
اباوعله معرف شنو بداخله رحت فتحته بل مكص
جان الكه شعر وابر وريحه مو طيبه تفوح منه وشي
مثل الحرمل خترعت خفت يكون سحر اني معرف بهسوالف بس سامعه بهجي شي يعني سحر اسود
كمت نكسته بتواليت وذبيته صفنت منو يسويلنه
هشي اكيد هاي الحيه نادين اشوف الكل عابدهه
عباده حته علي طاب طالع يبوس ببطنهه كدامي
ولايكول اختي واكفه ميستحي يكلهه انتضر النونو
لويوم يشويلهه جبده ويوكلهه لو يجيبلهه نسااتل
والحلويات صفنت اني لان تغير الشرط الي بينهم
طلع مسويتله سحر اسود الله لاينطيهه دمرتنه
اشوف ابويه مريض ماله خلك يحاجيهم من راحت امي لسه امرار يفز من نوم يصيح باعله صوته صبيحه الى ان اجي واكله بويه امي ماهيه يسكت
خلصت تنضيف طب علي يجوعر رحت اركض اخاف
اغلس وانكتل جسمي تعب من دك
علي-شطابخه لج ام الوصخ
ليل-طابخه تمن ومرك بيذنجان
علي-اني موكايلج نادين متحب البيذنجان
ليل-اجف كفخني حيل عله راسي نهضمت
طاحت دموعي تحسبت علي بداخلي ودعيت
الله يخلصني  طب لمرته جايبلهه حلويات
اوف ييمه اوف والله زمان راحت اميمتي
وضليت ذليله اسمعهه ضحكهه لوين واصل
لاتستحي ولاتخجل حته بشغلتهم هاي ينسمع
لسابع جار حيوانات عايشه وياهم اني ومدري
رحت خابرت عله سميه ارد اشوفهه شلونهه مكو
مردت اكيد مشغوله دا اطلع من غرفتي واسمع
نادين تكله اي اي زوجهه اخلص منهه مسؤليه
علي-صاحبي يطلبني فلوس ومعدي اطي
كتله اطيك اختي ببلاش قبل ماصدك من فرحه
لان كتله بت بيت
نادين-شكد يطولبك
علي-١٥مليون من جنه شراكه ببيع الممنوعات
نادين-لعد اطيهيا واخلص من دينك وهم تزوجهه
حرام كاعده بلا زواج
اني هنا مكملت سمعي كلامهم نصدمت من صدمه
وكعت من حيلي ونكسرت مزهريه يم الباب مالتي
طلعت صوت طلعو همه كالو شكاعد سوين هنا
اني ارتبكت كتلهم كاعد انضفهه المزهريه وانكسرت
همه طبو وسدو بابهم كاعدين يخططون لزواجي
اويلي عليه وين اطي وجي يمه 😢😭اذا يدري
ابويه اكيد يوافق هسه يكول ائئمن عليج هنا عرفت
ليش امي جانت تريد تزوجني وتئمن عليه قبل جنت
بداخلي اتسائل ليش تكول ازوجج ائئمن عليج اثاري
تئمن عليه من اخوي ابن امي وابوي وشره رحت ركضت للغرفه ابجي ادور عتليفون عيوني غوشن
من دمع مكدر اشوف دكيت رقم سميه مكو مترد
محس اله الباب انفتحت عليه وعلي واكف يباوعلي
وعيونه ذب شرار كلي ادبسز ساقطه منيلج تليفون
والمن كاعد تخابرين اني هنا ارتبكت وكلببي وكع بين رجليه كتله والله ماعدي شي سميه طتنيا حته اخابرهه ائئمن عليهه اجه يمي ضربني راشدي احس
طبلة اذاني انشكت ولزمه طحنه طحن وكلي حضري
روحج باجر ازوجج لواحد صاحبي واذا فكيتي حلكج بكلمه لوكلتي ماموافقه كتلج يصير عله يدي
ازماله تردين تنزلين روسنه ام المخابرات ام الولد
وطلع كمت اقفلت الباب وادك والطم عله حضي وعله احلامي عضيت اصبعي ندم لان موافقت عله اسلام من خطبني بوكتهه عسبالي حالي حال البنات احلم
واحقق احلامي شلون بيه شلون ازوج غيرك اسلام
لاعدي غير هذا تليفون واخبر احد واذا ارفض يكل
لابويه علبو تخابر ولد شلون بيه اخ ربي منك الفرج
ربي ترضاهه هجي يسوي بيه اخذ حقي ربي اخذ
حقي مطلعت من غرفتي لليل سمعت نادين كسرت
الباب عليه تكسر فتحتهه اخاف اغلس وانكتل مره ثانيه جان تكلي حضرتي روحج باجر ب٩صبح يجي
يعقدج شيخ وترحين ويه رجلج تباوعلي بحقد وضحكه شريره وتكلي مبررروك ياعروس وطلعت
اني هنا سلمت امري ال الله وكعدت توضيت وصليت
ودعيت كومه عسجاده لو جانو قريبين عليه سميه
وحامد جان شردت ورحتلهم بس بعاااد وحته فلوس معدي اشرد الهم بليلتهه مانمت ابد كضيتهه ساعه ابجي عله حضي الخلاني بيد علي ساعه ابجي عله امي العافتني وراحت ساعه ابجي عله حبي الي حبني وحبيته وتواعدنه تاليتي ماراح اصير اله
ساعه ابجي خايفه من المجهول الي راح يجيني
صبح صبح وشمس طبتلي لغرفتي اندكت بابي حيل
اني كلبي ارتعب اسمع صوت علي يكلي كومي خانم
موخداديم الج انضفلج البيت وراج عقد نضفي البيت
وتحضري الشيخ شوي يوصل هوه والعريس
طلعت من الغرفه صافنه شسوي وشصرف مدري ابويه صار بوجهي معقوله يدري وساكت اعاتبه بعيوني دار وجه وكال تحضري بويه اشيخ راح يوصل الله يسعدج ان شاء الله علي كال عليه خوش ولد وان شاء الله تنسعدين ويا اني رافضه بعقلي شخص غير اسلام تخيلته يصير هوه زوجي وابو جهالي ردت اكمل سنة امي ونتزوج لان حزنانه عليهه
ذوله حته مخلوني اعيش الحزن عله امي اباوع نادين بطنهه علت عن قبل ومتمكيجه وفاله اشعر
وتتمعلج جان لازمه ضهرهه وتمشي وتكلي يلي نضفي وتعاي احضرج لعرسج بعد شتردين صالون ويمج بل بيت اني حته مشيه حالي حال البنات مكو لاخواتي يمي لا احد نضفت البيت واني ساكته حته
دمع جف بعيني كمت بس اون ونين احس جسمي
مصخن خلصت شغل جرتني نادين لغرفتهه مكيجتني
امسحه ودموعي دير علي واكف فوك راسنه يصيح
يله كمليهه راح يوصل شيخ وهيه تخلي وينمسح
من دمع اخر شي عاطت بيه وكالت هسه اخلي علي يكفخج والله بطلي دموع تماسيح هاي اصلا كاتله روحج عل عرس عسبالج مدري بيج تحبين اسلام واني بعنادج ارد اكسر كلبج ازوجج لواحد عده ٣نسوان ويشتغل بل ممنوعات احسن قسمه جتج
بواكات الزلم اتي واختج عله كوله امي اختج رسمت عله حامد وخذته وخربته علينه اتي ماخليج تاخذين
ثاني لو اعرف يعدموني كملتني وتفلت بوجي وكالت
خلصنه اني هنا كلبي ثلج ميحس مثل الاله صايره
يجيبوني منا يودوني منا بعد محس
سميه-اجيت لكيت تليفون ليله متصله عليه مرتين
رجعت دكيت عليهه مغلق طول اليوم بقيت اتصل
مغلق مكو ضل بالي عليهه ثاني يوم اتصلت هم مغلق
حسيت صاير شي وراي رحت لحامد اركض
حامد حامد وديني ليله احس كلبي واجعني عليهه
حامد-شبيج حبيبتي لتخافين مكو شي ان شاء الله
تحضري العصر اوديج هسه مكدر باسني وطلع
سميه-واني كلبي نار اخاف علي ماذيهه
ضليت افكر طول الوقت الى ان اجه وخذاني لنجف
وصلت طبيت دكيت الباب طلعلي ابويه نزل حامد
سلم عليه طبينه جوه اشوف البيت يصفر خالي
كتله بويه وين ليله سكت ابويه وكال تفضلو راح
اجيب مي وارجع تفاجئت كلت بداخلي وينهه
شصاير ابويه يقدم ماي وين راحت كمت طفرت للبيت ادور عليهه مكو دكيت باب غرفه نادين
جان تطلعلي بطرك الاتك وركبتهه كلهه بصمات
وفاتحه عين وساده عين كالت شكو شعدج جايه
كتلهه مجايه لشكولج اختي وين جان تئشر بيدهه
وتكلي اختج ببببحححح زوجناهه راحت مشوفيهه
بعد هنا اني صيحت باعله صوتي لااااااااااااا
ليل-اجه شيخ عقدلي بدشداشتي سوده مرضيت
انزعهه كتلهم لو اكتل نفسي لو تعوفوني لابسه اسود
علي ماناقش راح ونادين كالت يمه حابتهه لامج كلش طلعوني عقدولي وربطه فوك راسي وجايبين شهود مدري منين سئلني شيخ عن موافقتي بهاي اللحضه علي كرصني حيل معناتهه احجي احجيت
الكلمه موافقه وكلي خوف ودموعي تهل وخذاني الي يسمه رجلي حته معرفه وشكله ماشايفته اذكر
كلام نادين تكلي عده ٣نسوان ويشتغل بل ممنوعات
متت قهر وبجي اخذت وياي بس هدومي سود وطلعت رقم اسلام الي لسه مكدرت اتصل بي لان
عايشه حزني عله امي حضنته وبسته وودعت احلامي ويا وضميته بين البكج معرف ليش جبته وياي ودعت ذكريات امي كلهه والبيت الاحبه من زغر رغم بساطته وجفل كلبي من ابويه مودعته لان قبل
بلي يصير بيه وخذت دشداشتين من امي ذكريات
وطلعت بطريق خذاني سعد بسيارته لبيته الي عرفته
من شيخ فقط اسمه سعد اخويه ابن امي وابوي مكتفه بذلتي باعني باعني بل فلوس بيا دنيه احنه بيا مصيبه من هل لحضه اعتبرت نفسي معدي اهل
ونسيتهم كلهم سميه ماجنت حافضه رقمهه وصلت
لبيته طببني اسمع صوت العياط وصياح من بره اصوات جهال لزمني من متوني طببني كلي نورتي
بيتج ياعروس كشت نفسي منه وخرت طبيت رفعت
الربطه  اباوع بل وجوه نسوان واكفات ٣وجوهن مكفهره يباوعلي بحقد اضاهر ذني نسوانه حقهن جتهن ضره رابعه هاذا اناقصني وجهال كومه زعاطيط والبيبيه من بعيد صوتهه واصل ياهل يتعده
من يمهه اضربه بعوجيتهه وتكله اكعد ولك ولج اكعدي وتسئلهم اته ابن منو اتي بت منو طببني
سعد وكلي سلمي عله نسواني اعرفج اعليهم
الاولى-سعديه اسمهه
والثانيه-مسلمه
والثالثه-رزق
وعرفهن عليه علساس يعرفني كلهن
اعرفجن عله زوجتي جديده وحبيبتي ليل
هنه عوجن حلكهن واجن بوسني مبينات مغصوبات
يتقبلني طبيت كلي بوسي امي اني نفذت كلامه بل حرف جنت خايفه يكون مثل علي خصوصا اسمعته
عليه طببني لغرفتي عباره عن كنتور بيبانه مكسره
ومرايه رايحه متفلشه ومدكدكيهه بل بسامير
وفراش سفنج كلي هاي غرفتج نورتي بيتج ياعروس
تحضري اليله ليلتج كالهه هاي الكلمه بفخر وطلع
واني هنا ضلمت دنيه عليه وخابت كل امالي

لهنا حبايب خلص البارت توقعاتكم البارت جاي
يحمل احداث كثيره

١-هروب
٢-عائله جديده
٣-صدمه

اليوم اني صايمه وكتبت البارت من ٢٨١١كلمه
هم كولو قصير اذا اكو تفاعل لليل انشر بارت
لاتنسون تصويت وتعليق والمنشنه في امان
الله سامحوني عل اخطاء الاملائيه ماراجعته