عل كصه مكتوب

بارت ١٣

الكاتبه -ساهرة الليل

مساء الخير عجميع شلونكم بااارت مفاااجئ
جميعا جماعه الانستا والفيس والواتباد
مشتاقتلكم حبايب لازم تصبرون عليه عنشر
اذا ماكاعد تستكفون بارت هم تشوفوني
كاعد اعوضكم بس اني هم لازم تعذروني
مزوجه وعندي عيال وطفله كوه الحك اكتبلكم
معايفتكم خلي عدكم صبر شوي وبنسبه
لليسئلون القصه حقيقه موضحه هشي حقيقه
حقيقه بعد اكبرهه لو تشوفون يعني اتو كاعدين
ببيوتكم وتحت سقف دافي واب وام مداريكم
تستبعدون اكو هجي مصايب بهل دنيه اليجي
يسئل ها حقيقه او هاي الاحداث شوكت او ليش
مخابرت اختهه رئستن او متعرف تصرف وشلون
تئمن تره حسبو روحكم بمكانهه اتن البنات اذا مريتن
نفس ضرفهه مراح تتحملن جاوبني راح تختارن سعد
راح تعيشن ويه نسوانه لو راح تشردن تره اشارده
من رجلهه حسب عاداتنه بنضر اهلهه معيوبه ميكولون متريده او مطيق العيشه ويا شلون تردنهه
ترجع لاخوهه لباعهه بيع ونوب ان دره شارده جاييته
يكتلهه باعتبار شارده من رجلهه غسل عار اتن اذا
متفتهمن مامضطره اجي اناقشجن متعجبجن القصه
لتقرنهه طبعا الكلام ممقصود عل كل فقط البعض
تره البطله والبطل يقرون تعليقات من يشوفون الاسائه يطالبون بحذفهه عيب نسيئ لبشر منعرفه
والبشر خطائين على كلن متابعه ممتعه احبكم😚

ليل-اول ايام الي ببيت نهله مبين عله الحجي
تعبان كوه يتحرك ويروح للحمام بل بدايه اخجل
اذا فات الحجي للحمام لو نهله لان صوت يطلع تكرمون صوت الادرار والمي احسه فشلانه
بس من ماموجودين همه اني ادخل للحمام
طلعنه اني ونهله شتريت ملابس رجاليه دشداشه
وصروال اختاريتهن سود وشماغ خايفه من تصرفي
ان كان صح او غلط الدا اسوي بس ارد اعيش وحدي
وراسي يبرد تعبت كلش تعبت راحت شترتلي عربانه
وجابتهه لبستهن ولبست نقاب جوه العكال وفوته بدشداشه وسحبت الدشداشه كالت الافضل تلبسين
قمصلة ابويه حته لتبين تقاسيم جسمج لان اتي ماشاء الله بارزات اكثر مني لبست قمصلة حجي
محسن ولفيت شماغ عله وجي تلثمت تلثمت سلمنه
عله حجي وطلعنه اني وياهه الي يباوعنه عسباله
شباب ممبينين نسوان حته شحاطه رجاليه جابتلي
نهله هيه متعلمه عله هشغل اني كلساع اروح للمرايه
اباوع نفسي وخايفه انكشف اني مره كتلهه نهله مبينه اني
نهله-شبيج عيني تره صارلي ٣سنين اشتغل محد
حس عليه غيرج لتخافين توكلي بالله وان شاء الله
تتعودين
ليل-قريت فاتحه لام البنين وتوكلت طلعت وطلعت
وراهه ادفع بل عربانه كوه مامتعلمه عليهه
نهله-وين ما اروحن تمشين وراي وافقت
طبت عله شارع صادق واني وراهه بس احس ناس
كلهه حست عليه امشي واتلفت بطبعي جسمي
طويل وخشنه مبينه رجال نهله اكصر مني بشويه
مشينه وصلنه للكراج ووكفنه بصف اهل العرباين
صفنت عله سوالف شباب وشقاهم والغلط وشتايم
افكر بداخلي وين وصلت بيج ادنيه يليل واكفه
تشتغلين بنص الزلم شلون راح دبرين حياتج صافنه
وصفنتي طولت محس اله واحد يطلع عمره ب٣٠
ندسني حيل صاح يولد وين صافن صارلي ساعه
احجيك اني محجيت سويت روحي خرسه اشرتله
وين المكان كال هاي الحجيه وصلهه بدايه شارع
طوسي نزل الحجيه من سياره وكوه صعدت العربانه
خطيه مبينه رجليهه التفتت نهله ماهيه يمكن اجاهه
رزق تفقت عسعر حسب ما كالت نهله الف دينار
بديت اريد ادفع متندفع العربانه ضهري ميتحمل
تالي صحت ياربي ساعدني وستنجدت بل حسين
وزهره ودفعته ندفعت جيف جديده متمشي رئستن
ادفع بطريق واباوع عناس ودموعي تهل ليش حضي
من دون البنات هجي المثلي هسه اخوتهن سند وضهر وعزوه المثلي اهلهه مدلليهه طلعات ونسات
ومصرف ويسوولهن الي بخاطرهن شتاقيت لاميمتي
كلش فكرت اروح ازور كبرهه مكانه بل فتحه الخامسه بس شلون اروح وحدي بلكت نهله تجي
وياي وصلت الحجيه لمكانهه وحصلت الكروه عسبالك مسويه انجاز رجعت لمكاني ونقلت ٣دروب
تعبت كلش احس ضهري طك دنيه ضهر صارت
نتضرت نهله تجي مكو ساعه بل ١ صارت اخر شي
بينت من بعيد اجت تدفع بل عربانه وصلتلي كالت
بهمس ها حصلتي كتلهه وين عفتيني وحدي
نهله-جا شلون اضل مربوطه بيج كلمن ودربه
حامد-راحت حبيبتي حللت وطلعت حامل وهاي
اكبر فرحه بحياتي صرت اب من جديد صح هيه
فرحت بس ترجع تنكسر عله غياب اختهه ليل
اتمنه الكالهيا حته اصنعلهه الابتسامه الضحكه
القديمه الجانت تارسه وجهه خصوصا من حملت
لسه كلش خايف عليهه اذا ارد اطلعهه متقبل
منعتهه من زياره كبر امهه خوفا عله الي ببطنهه
نادين وعلي سكته مكو خبر عنهم وحته خالتي
سليمه ساكته الله يعلم شضامات اسلام اخويه
بده يتحسن بعد عدة جلسات يم طبيب بس ضل
طول الوقت منعزل وساكت هواي حاول ابويه يخطبله ميرضه يتزوج احنه هم تركنا علما يطلع
من الصدمه الهوه بيهه مرت الايام وشهور وبيوم جنه كاعدين بل مطبخ نتغده حبيبتي عليهه ٩اشهر بطنهه
مثل البطيخه اطفالي فرحانين بيهه خصوصا مناوي
ونوره منتضرين النونو بفرح ومحضريله دباديب وهدايا جانت بدايه شهرهه كاعدين نتغده سمج
سمعنه هوسه وعياط بره وبجي طلعنا اني واسلام
وابويه ومنتضر نركض سميه حضنت جهال خافو وخالتي سليمه لبست شالهه وطلعت ورانه اباوع نادين جارهه
علي من شعرهه وبحضنهه طفل مكمط صارلهه فوك سنه مجايتنه وابويه ماسىل عنهه من سالفتهه ذيج
وعلي يجر بيهه ويكلهه ساقطه امشي ولي ماريدج
طلال-فهموني شنو سالفه شصاير هنا
نادين-بابا ابوس ايدك ممسويه شي يكلي هذا طفل
مو مني وميشبهني بل هذا عذر
طلال-هذا الكلام كولش جبير طبو فضحتونه
كدام العالم طب علي للاستقبال وكعد يسولف
يكول اني سترت عليهه جانت من قبل معيوبه
وتفقت تسجل بيت من املاكهه باسمي نوب حبلت
وكالت هذا منك صبرتلهه وكلت خل اعيش وياهه
يجوز تغيرت وغيرت نفسهه علمودي بس سالفة جيران يكلولي مرتك يطبولهه زلم من تطلع اته
ماسكت عنهه ويصيح باعله صوته ماسكت
طلال-نادين صح هذا الكلام😠
سليمه-انجب حقير شلناكم من عز الفكر وخليناكم
بل خير منو بحالكم اتو منو يدك بابكم منو ياخذمنكم
صوجي طيتك مره جاي تتهمهه هيه هم متريدك
طلال-اتي سكتين لا اجي اطيحضج
احجي نادين صح هل كلام
نادين-لابابا لا جذاب
علي-عدي اثبات عله كل كلامي
هنا الكل نصدم معناهه الحجي مؤكد
طلع مبايل علي وراوانه صور فضايحهه من قبل
والدي نهار وكعد عل قنفه وحط اديه عله راسه
من بين كل صدمتنه منحس اله منتضر اخويه
جايب سجينه من المطبخ وطببهه بضهر نادين
ويصيح موتي ياساقطه موتي نزلتي روسنه
هنا الكل بده يعيط ويصيح واني لزمته جريته
كتله ليش ورطت نفسك بيهه خالاي سليمه كامت
دك وتلطم نادين غركت بدمهه وطفل فحط يبجي
بل كاع وسميه صيح وتضرب عله وجهه وديناهه للمستشفى مالحكنه بيهه ماتت جايتهه ضربهه بل عامود الشوكي حته فاتحه ماسوينالهه عار اندفنت
بدون علم احد وخالتي سليمه خذت طفل رادت تربي
طلكهه ابويه ورجعت لاهلهه كال مارهم وياهه لاهيه
ولا ملتهه منتضر اخويه رغم اسوا يرفع راس بس
نقهرت عله شبابه سلم روحه لشرطه ونحكم ٨سنوات
سميه اثر شوطه ولدت ولد سميته غيث وعلي
رجع بعد معرفنه عنه شي حته سميه موديتهه لاهلهه
بعد غيوثي مله علينه حياتنه ستوه بادي يمشي
ويطلع سوالف ونهار كله بحضن اسلام ميهده يكول
اشبهه عله الغاليه يقصد يشبه ليل اكتشفت الحياة
تمضي والعار مستحيل ينخفي عاره
ليل-يله راح يئذن امشي نرجع للبيت رجعنه واخذنه
ويانه لفات فلافل رجعت رئسن فتحت اللثام ونزعت
سترة حجي محسن نهله عزلتلي قاطع ببرده للمكان
الي انام بي حته اخذ راحتي بنزع الحجاب وهيه
وابوهه تنام بقاطع تمددت ضهريه بعد ما تغدينه
صافنه عسكف الحمد لله الله دبرني ولكيتلي
خوش ناس نهله كلبهه طيب مرة الايام وتعودت عشغل وكمت اودي بضايع لاهل المحلات وكلهه متدري بيه اني بنيه بس الي يعرفو اني اخرس
يحاجوني بالاشاره حته جفوف لبست كولشي
ميطلع مني حته لا ابين احصل بل يوم ١٠من غير البخشيش والايام تمر واني ونهله صرنه صديقات
كلش وسولفتلهه كل تفصيل بحياتي بس هيه حجيهه
مختصر عن عائلتهه انو امهه متوفيه بزغر واخوتهه
جانو ميحترمون ابوهه وكلمن مزوج وحاير بمرته
عافولهم البيت وطلعو واجوي هنا واشتغلت حته
تعيش ابوهه حجي محسن عمره ٦٥سنه كولش
رجال محترم يصيحله يبابا وااني اصيحله بويه
تعودت عل عيشه وياهم مرة الشهور وسنه وسنتين وصارو عائلتي كعدت اصبحيه سويت ريوك صارلي سنتين تقريب عايشه وياهم كولش تعلقت بيهم وتعلقو بيه خصوصا نهله بيوم المنشاوف زين بسب اشغل تجي تكعدني من نوم اذا نايمه وتسولفلي يومهه  احس روحي كبرت احس روحي شايله
مسؤليه نفسي اسلام كم مرة اتصلت مكو مغلق
ائيست واحس نقطع اخر خيط امل باتصالي باهلي
كل سبوع اروح ازور كبر امي نهله تجي وياي
ساعتين ٣وارجع ولا فد مره صادفت احد من اهلي
جاي يزور امي سويت ريوك مخلمه بيض وطماطه
كملتهه وصحيت نهله والحجي
نهله-صباح الخير للوشه
ليل-صباح نور نهول كومي تركي ورانه طلعه
للمقبره امي لاهيه عنهه صارلي شهر مزايرتهه
نهله-جاغير اوقات وفايات ازدحام رزقنه بهجي وكت
ليل-بس امي اذا مروحلهه احس فاكده شي مني
تريكنه وكملنه وترخصنه من حجي محسن وطلعنه
بزي عادي مو زي رجالي ملابسنه البيتيه وعبايات
نسائيه نمشي ونسولف بطريق
نهله-بعدج تحنيله
ليل-المن
نهله- يعني منو اسلام مكو غيره
ليل-ليش اني نسيته حته ارجع احنله اسلام عايش
بداخلي مثل زهره انابته كل يوم حبه يكبر
نهله-ليش ماترحيلهم من بعيد سمعين خبر عنهم
حته تئمنين
ليل-مفكره اسوي هشي بس فد يوم نفرغ ويجي
ويانه الحجي يالله طريق بعيد
نهله-ان شاء الله رجلي عله رجلج اجي وياج
حمستيني اشوفهم

لهنا وخلص البارت من ١٤٣٤كلمه توقعاتكم البارت
اجاي

موت

جنون

لقاء
لاتنسون تصويت بنجمه وتعليق
في امان الله وحفضه  البارت بدون مراجعه
اكو مقطع واحد متقدم مبيه حيل اعدله تعبت
بل كتابه 😚😚😚😚