عل كصه مكتوب

بارت ١١

الكاتبه ساهرة الليل

هلو حبايب شلونكم
بعد شتردون بارتين بل يوم
😚بوساااتي

ليل-كاعده بل غرفه والخوف ماكلني
لابيه اطلع ولا بيه اضل محصوره
اريد حمام بس اخاف اطلع اباوع عله
سقف الغرفه مفطر والغرفه صبه
ومفروشه حصير برتقالي ومخده
الخاليهه فوك الفراش رايحه ممسوحه
ابجي وافكر بمصيري شراح يصيرلي
مستحيل اخلي يلمسني حسيت بنفسي
بردانه كلش واريد بطانيه مكو حسيت
الباب انفتحت طبت عليه مسلمه مرته
الثانيه كالت
مسلمه-خايبه هاي انتي شو كارصه هنا
كومي فزي تحضريله الليله ليلتج😉 ليش
لابسه اسود اني صفنت عليهه والله شايلين
هم لليله هاي
ليل-انتي شنو من كلب اكو وحده تحضر
عروس الرجلهه وتكلهه جهزي نفسج
مسلمه-جرت حسرررره طويله وكالت
اني من تزوجني سعد عمري ١٣سنه
اهلي بل عرب عايشين الكاع هيه
روحي والبستان ونستي بيوم ابويه
كال لامي خاجيه حضريهه لمسلمه اهديتهه لخوش
ولد امي سمعت حجايته هناك عدنه البنيه تنهدي
رفعه راس لابوهه اذا زوجت المهديه اله معرف وزغيره حضرني وحفولي ولبسوني دشداشه بيضه
وبركعوني ببركع تور وعقدنه شيخ ورحت ويا ومدري
المضموملي طلع متزوج قبلي سعديه جانت جيب
بس بنات ونوب تزوج رزق اهلهه ميتين وعدهه اخو واحد متزوج وتكول جان مشوفني ضيم اول ماطلبهه سعد وافقت تخلص من ضيمه بل بدايه شفت اشرج صعب  بس بعدين تعودت عل عيشه هنا سلف حي الغري كلهن رفيجاتي بل مدينه وصرنه مقسمين الليالي بيناتنه كل يوميه
يم وحده الي ليلتهه اليوم يمهه عدهه عيد
ليل-صفنت عله قصصهن اكول ليش يكلي
الليله ليلتج اثاري عدهم فد انجاز اذا اجه يم وحده
ليل-صفنت عله قصتهه ابوهه اضرب من ابويه
يعني معناتهه هذا البيت بحي الغري موقعه بعيد
عن الكوفه اوف ربي شون اصرف دبرني
مسلمه-جاليش ماحافه والاسود مانازعته
ليل-فدوه دبريني اريد اطلع منا مكدر اعيش
ويا اخويه جبرني عليه مريد اتزوجه كامت
وخلت وطلعت محجتني شي ذبيت حسره
وكمت ردت اطلع للحمام لان بعد متحمل
جان اشوف سعد هجم عليه من الباب دفرهه
حيل اول مره الاحض شكله سمين طويل
صلعه البطل بيده وريحه تكفخ لعبت نفسي
جان صيح عليه صوت ردت اوكع من طولي
جان يكلي تردين شردين مو كايله لمسلمه مرتي
بداخلي ياحقيره طلعت تريد تجر لساني واني
عسبالي فقيره طلعتلي حيه من اولهه صوج ثول
مالتي شجاني امنت بيهه اوف شيخلصني منه
سعد -ويااامن احجي متجاوبين
ليل-كمت ابجي اخاف اجاوبه واكله اي كتله
اترجاك عوفني ابوس ايدك مريد اتزوج
اخويه باعني اته خلي بداخلك رحمه وعوفني
سعد-اتي تحلمين اني من كلي عليج لسه
وشاغله هذا واشر عله راسه تقرب مني
رجعت لوره خفت وصل يمي كلي شنو
هل شفايف شنو هل وجي تصميمج غريب
اني كشت نفسي بتعدت عنه ودموعي ما وكفن
ذكرت اسلام شجابه عله هذا الطلي الكدامي
اوف اسلام تعال ليه وينك يمه وينج يمه
طلع من يمي لان شافني ابجي ومدري
شحجه وياهن وراح بعد مكدر طلعت ادور
عتواليت سئلت جاهل من جهال كلي هنايه
طبيت غسلت وجي وتوضيت وطلعت صارت
مسلمه بوجي باوعتلهه بعتب وتحسبت عليهه
ورجعت الغرفتي البيت جبير بس مامرتب مدري
لان بي هواي زعاطيط ستوني فارشه السجاده
طبتلي سعديه كالت وينج اتي هيييي خاف
لسبالج عروس ومعرف شنو تبيعين هاي سوالف
براسي تره شابعه منهن كومي اشتغلي مو خداديم
الج وطلعت عوذه ربي شنو من نفسيات بحياتي
ماشايفه هجي وضعيه صليت وكملت واحس نفسي
موت برد صخنت كلش وكمت اهذي وبعد محسيت
بشي كعدت دنيه ليل حته ساعه مكو بل غرفه واعرف بيش اباوع ادويه يم راسي ومي هاي شنو
شصاير طبتلي رزق زوجته اثالثه كالت ها كعدتي
يعيني من ضهر لسه اسويلج كمادات مفكيتي صخونه وتهذين منوه هذا اسلام خبصتينه بي
اليوم شيخلصج من سعيد اذا اجه كليله اخويه
زغير ميت شو شنو لان ناوي عليج غير نيه
تراه سعد مكو بكلبه رحمه حته عله بزره معده رحمه
الله ميندله منين دربالج منه ولاتعاندين وانطي نفسج
اذا سمعتي حجايته يدللج يغركج فلوس
ليل-اني بداخلي ساكته اخاف تطلع نفس مسلمه
خاينه وتنقل الكلام بس مبين عليهه فطيره من حجيهه زين منهه اهتمت بيهه مهما يكون ابقه ضرتهه
رزق-جا شبيج ساكته تره اني مو مثل مسلمه والله
ماعليه بيهن لاهيه ولاسعديه من طبيت هذا البيت
ياما سولي مشاكل بطيبه كلبي الفاهيه ياخذن مني
حته ليلتي المخصصه ويه سعد صافنه عليهه اني
كالت سعد راح اقنعه اكله حالتج متسمح اليوم ياخذج خليهه غير يوم الى ان تاخذين عل وضع وتنحل مبين عليج مغصوبه عله هذا زواج لاتخافين شمكتوبلج يصير
ليل-من كالت حجايتهه تذكرت حجايه امي من تكول
المكتوب عله الجبين
لازم تشوفه العين
المكتوب عله كصه راح نشوفه
رزق ماجاوبتهه بعدني خايفه من سالفه
مسلمه كلت خاف هم تطلع دازهه عليه
رجعت تغطيت بل بطانيه مثل الفلاونزه كمشتني
حلت عضامي حل معرف ليلي من نهاري
٥ايام رزق اداريني ويوميه يطب سعد يشوفني
مريضه يطلع اني تحسنت بس كمت اتصنع المرض
علمود ليجيني بهاي الايام رزق تقربتلي كلش حته
الايام الي يريد يجي يمهه سعد تكله ليله مريضه
معوفهه وحدهي وتجي يمي حجتلي هواي عن ضيم
مرة اخوهه مثل حالي امهه وابوهه ميتين واول ما
طلبهه سعد لزواج من اخوهه وافقت ولسه ما صار
عدهه جهال تكول عايشه وصابره بشرفي وين اروح
قابل اهم شي يصرف عليه وماعانده ماله اذيه عليه
ليل-رزق اني امنت بيج راح اطلب طلب منج
تكدرين ساعديني
رزق-عيوني الج ليله اني عزيتج كلش
واعتبرتج اخيتي الماشافتهه عيني من زوجت لسه
ليل-سعد سمعت يشتغل بل ممنوعات هم عده سلاح
رزق-باستغراب شعرفج يشتغل هشغله عودن هذا
سر شغلته بس احنه ندري بي تقصد عليهن
ليل-قبل اجي لهنا اخوي كالي
رزق-اها وشسوين بسلاح تردين تكتلينه يخايبه🤤
ليل-لا ماكتله ولج بس اتي جيبيلي سلاح وافهمج
عل شي الي بالي بس كليلي ياهيه اعز زوجاته
ياهيه الي يفضلهه بيهن
رزق-وج عزه تردين تكتلين وحده بينه😲
ليل-وج شكتل متكليلي كاعد اسئلج جاوبي
رزق-مسلمه اعز مني ومن سعديه فاره دماغه فر
هل مضروبه تلبسله وتدلعله معرف شلون غاويته
حته كل اسراره يمهه وفلوسه باختصار صايه والصرمايه يمهه الكل بل كل هيه
ليل-اها فهمت تدرين شراح اسوي تعاي
اشاورج شاورتهن خاف احد يسمع وكتلهه
لو بل هدف اني لو بنجف بل كبور مدفونه
رزق-اني راح اساعدج بس ماعليه مدخليني
ليل-لو يذبحني ماكله عليج
رزق-بس والله تعودت عليج شكو رايحه وعايفتني
وحيدي دضلي والله نتونس اني وياج
ليل-رزق اني احب حمه اختي وخطبني بس اخ
وعضيت اصبعي ندم موافقت عليه عسبالي ادرس
واكمل دراستي نوب بعد وفاة المرحومه امي كلت
دور سنتهه يالله اوافق تالي علي اخويه هاي دكه
الدكهه بيه وباعني بيع لسعد حسبي الله ونعم الوكيل
رزق-ماشي هوه كل مره يخلي المسدس مالته
بدولاب الخزنه كون ابوك المفتاح من مسلمه واجيبه
ليل-كعدت اصلي وادعي ربي يساعدني