Koleksyon Ng Mga Tula [ E D I T I N G ]

4

❝ B u w a n ❞

Isa kang buwan
Sa buhay kong puno ng kadiliman
Nabigyan mo ng kaliwanagan
At ika'y aking kinahumalingan

Nandito ako
Sa bintana't nakaupo
Sa aking kwarto
Naghihintay sayo

Ako'y nagbabakasakali
Makitang muli
Ang 'yong kagandahang tangi
Aking minimithi.

Ika'y aking kailangan
Dahil ako'y madidiliman
Kung wala ang 'yong kaliwanagan
Ako'y madadapa sa aking dinaraanan

Aking inaasahan
Muling mapagmasdan
Ang liwanag ng buwan
At ako'y muling mabuhayan