كانت سرحانه تشوف للفراغ،قبل ما يقاطعها من سرحانها هاله وهيا تقول بصوت مُندهش..بين كل مره
-تهبل داااارك،،،،،،واااه محلاها تسريحتك كيف منظمتيها،،،،،،،،،حي عندك من نوع الروج هذا؟..
قاطعتها سمر بدهشه لطيفه
-قصدك عندك منها الصنّة هَذِهِ؟دورتها فى ليبيا كلها ملقيتهاش.
ستريحت آلاء عَلى سريرها بملل....
-يلي تبوه خودوه.
هاله وهي تشوف للتسريحه وتغمز لسمر..
-تي شن بنأخذ وشن بنخلي.
آلاء
-غير تعالو نهدرزو توا مش وقته وقتلكم يلي تجي عليه عينكم خودوه،وهذه الصنه وأخذتها من ايطاليا صيف عامنول.
حطو اللي يبوه فى الشنطه وجو قعمزو جنبها.
-الاء شن هذا تلفونك م وقفش من الرسائل!..
فتحت تلفونها وهيا تضحك ولقت معجبين صوتها معبين الشاشه
هاله فى وذن سمر
-شوفو تلفونها ي حيوانه،أكس ماكس.
سمر بنفس الهمس
-قلل ودلل يا حُبي،هذه أنخلقت بس مش تدلل!!!.
كملوها هدرزه،والاء غافله على انهم مصلحه وبس،يشوفو لعطوراتها،ومكياجها،وكلو من بيتها وهما مش هامتهم آلاء نفسها،اللي هامهم الغنيمة اللي يبو يروحو بيها..داخو من كثر الحاجات المقومه،من حوايج وسبيدروات قاعدات بالكاغط متاعهم.
طلعت آلاء من الدار تبي الخدامه تجي..
سمر بصوت فيه البغض
-نخنبوها ولا كيف؟..
هاله وخذت اظافر من فوق التسريحه وصنة
-خلاص تو تقول جعانات الهم،تقرا معانا كان هذا الا كله فى شنطتي وباي باي،يارتيه حتى مستفيده بيهم،آاااخ م تستاهلش م تستاهلاش هذا كله.
سمر تشوفلها بنص عين
-لالا ضمي فمك البنت راقيه وتلبس شن مش مستفيده بيهم؟.
هاله مطقت لسانها وقالت
-نطيح واحد من خوتها الولاد؟هما ماشاء الله هما تلاثه زين ورضا الولدين.
سمر
-تعالى نمكيجك وبري زعميتك رحتِ من القصر هههههههههه.
بعد م روحو،كانت الاء تمشي وتغني بصوتها النشاز،ومن علو صوتها م سمعتش حارث يلي شد فى وشعرها،وهيا بدت تصيح
-كسره وحسره وترقد الا طريح من القهره ياحارث الارض يا......
حارث وهو يضحك وحول يديه..
-دعاوي يا ميميتــِي......
الاء قرنت حواجبها وشافتله بغضب وعطاته بوكس فى بطنه، وهو خذي على جوها زعميته وجعاته،ويعكفها مش اطيح،لكن مؤيد شدها قبل م أطيح،وبصوته الهادئ..
-رد بالك ي حمار..
حارث وهو يشوفله بنص عين
-لا يالفارس يالمغوار.
أنت تقرأ
شبيهة الفقيده.
Romans"أعترف لك أن أجمل ما حدث لي كان أنتِ،وأسوأ ما حدث لكِ كان أنا". -عزيز. "كُنت دائماً الشبه". -حور. -العمل الثاني🌻. -الغلاف من @izxxzi مُكتمله.
