شبيهة الفقيده.

-5-

شرب جرعه من الميه ، مرات ترطب حلقه الجاف من التوتر،اَي من حقه ، حيشرح لقاعه كامله!ناس مش ديما يشوف فيهم وميعرفهمش،وهو إنسان انطوائي وهذا الموضوع صعب بالنسبة ليه.

وافق،،لأنه مستحيل ينهان من قبلها،أرخص من التراب على قولته!.

ضحكاتها الرنانه خلاته يشوفلها ببرود،حطت يدها على كتفه وريحتها المُقززه غزت أنفه بكل جموح كالعاده
وقالت بصوتها المبحوح...
-حظ موفق،أستاذ مُسفِــــر!.

وشددت على أسمي،بينما كان رد فعلي الوحيد هو اني عطيتها ظهري ووقفت فى مكان المعلم،وشفت لعدد الطلاب الموجودين .

أكثر من اللازم،طبعاً،طالب عربي بيشرح؟فرصه مش يستهزؤ عليه!.

كيف كان بيبدأ،قطعاته ليال بلكنتها الأنجليزيه الأكثر من ممتازة،وهي تبتسم
-عفواً،عرفنا بيك،أنت أستاذ جديد،وكلنا م نعرفوكش.

عفس ملامح وجهه مما خلا القاعه تضحك،لان الرياكشن متاعه كان قوي ، تحمحم،وبصوت قوي سيطر على القاعه الكامل.

-أني مُسفر،مُعلمكم المؤقت..

وبالعربي،وبصوت أخفت
-لان هذا الدرس مش فهماته الاستاذه ليال..

رفعت حاجبها وضحكت بينما كمل بالانجليزية ، باقي مُحاضرته،ولا خلت من تعليقات ليال،لكن فى النص انتبهت معاه،وكانت أسئلتها دقيقه جّداً،مش لغرض تعجيزه طبعاً.

تنهد وهو يلم فى كتاباته و أوراقه اللي كانت ملمومه من الأساس،وصفق بعض الطلاب بحراره لشجاعته على الالقاء.

-يستاهل درجة كامله ولالا ياشباب!
صيحت ليال وهي تضحك،فردو بالهمهمه والضحك والبعض قال لا بكل وقاحه.....

كان بيطلع لما جاه ولد اجنبي وقعد يستفسر منه لعند م فضت القاعه،جاوبه ع كل الأسئلة وطلعوا،مشي الولد فى طريقه ومُسفر فى طريقه،وسمع صوت آهات وبكاء،توجس،لكن رجولته خلاته يطلق رجليه للجري بسرعه ناحية مصدر الصوت،واللي شافه كانت ليال بين يدين ثلات أولاد،عضلاتهم مفتولات،واشكالهم كانهم طالعين من الحبس!.

محاصرينها ومعرين بطنها،وعلى جنب بطنها موس ،وفيه قطرات من دم نازله.
م باش يتصل بأمن الجامعة،حفاظاً على شرف هالانسة،وبدت المعركه بينهم،كانت غير عادله طبعاً،بس تفاجأ لما لقي ليال تحول كعبها العالي وتضرب بيه راس اللي كان فوقي ، وخشت المعركه بموسها الصغير وكان شكلها مضحك بشكل،بعد فترة جي الأمن وفض النزاع.

كانت تلهث بشكل،على الأغلب لانها بنت ومتتحملش،واللي صار قاعد مش مصدقه،ضحك بخفه لما اذكر منظرها وهي تضرب فيه بالكعب،مدامها شرسه هكي علاش م دافعتش على نفسها من البداية؟؟كانت خائفه منهم لأنهم ثلاته؟.