ترك روح بداخلي ورحل

بارت __16

♦♪♥#ترك_روح_بداخلي_ورحل♦♪♥
      ''''''#بقلم_الكاتبه_علوشه''''''

بارت_16

گولولهم لا ماگضت ...✋
شده وبعدهه جبيره....!?
بس الهه رب وتنگضي......!
ماتبقه شده وحيره..😔

اسمع اصوات يمي بس ما كادر اركز
صوت م̷نو  بينهم???

سمعته يگول

يي يي لگيانه هذا وينه راح ناخذه...

كلشي فوضئ داير مدايري وضلام وغواش
عيوني افتحهن ورد اغمض ...حسيت شخص او ثنين شألوني ...

بس جسمي مثل التبنج لٱ گادر اتحرك ولا گادر احجي

احجي بكلمات متقاطعه وهلوسه واسم وهج ما نزل من الساني ...

مدري شگد مر وقت

نايم جسد ...بس داخلي كلشي واعي بي ويفز من شتاته ..

فتحت عيوني بس بثگل جفوني حاسها بلوكات نايمات عليهن ..

باوعت وركزت بنضري غرفه بحياطينها السراميك

بيها سريرين
بغطاهن الازرگ ...

ايديه مشكل بيها المغذي ودينقط ع كيف ..درت راسي ...

يمي منصور وبابا ورعد گاعدين ع سرير المقابيلي
يحجون بينهم بهمس ومتقاربين لبعض كلش ومندمجين  ...
ما انتبهو ألي

كلشي متسمر بلحياة ..وكلشي ديمشي  ..بس حياتي توقفت عن نبض ...

صفنت ع سگف وجريت حسره طويله وغرغرن عيوني بلدموع...!

حسيت شخص گعد يمي ولزم ايديه درت نضري اله
بابا هزلي راسه وگال
گول يالله حكم ربك لا اعتراض اله وكلشي مكتوب النه نشوفه بعيونه لْـۆ بعد حين
بس قوي روحك
وكلشي يهون وليدي
لكلشي اكو  حل
وما اتركك بحيره والله اعتمد عليه ...
اجيبها ليمك لْـۆ ٱڅڑ يوم بعمري.

حجيت بتعب وصوت همس ومرهق
أمنه بالله ...
ان شاء •اللّـہ̣̥ بويه
ما تقصر

اجئ رعد ومنصور وكفو فوگ راسي

منصور...سهلها تسهل ابو شباب انت النكول عليك قوي
وما يضعفك شي
ما اعتقد هيجي شي يهزك
يلا كوم ولؤي دنيا كلها بذراعك
واحنه وياك
بس اشر نحرگ الدنيا لعيونك والله حرگ

رعد _دگ ع كتاف منصور وگله
اسكت ه̷̷َـَْـُذآ وسام الذيب يطلع حگه من حلگ سبع
لٱ تخاف عليه
شده وتزول
مو صدگ وسيم ويغمزلي

اني مكتفي بصمت ...احس الكلام البداخلي ما يعبر عن وجع گلبي

شفافي تيبست اريد ابلع ريگي ماكو ناشف كلش
كتلهم ماي

ركض منصور صبلي بگلاص واجئ ساعدني عدلني خله ايده وره ضهري
وشربت

فاتت ماما وخاله وميعاد وزوجته يتحمدون الي بسلامه