طفولة ضائعة بقلم #ام_مصطفى

٥

#طفولة_ضائعة
البارت الخامس
#ام_مصطفى
ابوي سيارته تفلشت وراحت
وهو ذب الأول والتالي عليها
كل فليساته الجان لامهن من الزرع
ذبهن بالسياره الكوستر
وره مابيعته سعاد البيت والكاع
حتى تشتري بيت بالولاية يم اهلها
ماضل عد ابوي شي غير الكوستر
جان معتمد ع شغل الكوستر
وتالي صارت الكوستر تنكه
تفلشت تفلش
وضل ابوي يلوم بسعاد كله منج ساعة السودة يوم أخذت شورتج ورايج
سعاد ترد علينا كلما يلومها ابوي تطلع حيفها بينا
كامت لما تشوف سوسن تكلها جبح هالشوفه الغراب
انت غراب جسحتي اخوي
وضلت تحجي للجوارين هاي غراب بيوم كعدتها اخوي
انكلبت السياره بي وتكسر تكسر
ابوي كام و رد صالح عمامي بله مايحجي شني السالفه وشصار
كال الهم انه تندمت
وهاي البت الكم
وأنه مااطيتها لأحد أبد هي الكم
ردت العلاقة بين ابوي وعمامي
ورد ابوي يشتغل فلاح بس برض عمامي
وتالي يله عرفوا بسالفه الكوستر
وضلو يلومون بي
بهاي الفتره سجلت بالمدرسه انه
بعد مافاتتني سنتين
لحيت ع ابوي وقبل أسجل
اشترالي ابوي صدرية وقميص وجنطة وقندرة
جان يوم عيد عدي فرحت بيهن كلش
وسوسن أخذت شغلي بالبيت
بعد ماعارضت سعاد وكالت المن حاطها بالمدرسة وين الحك ع شغل البيت
سوسن كالت انه اشتغل شغلها
بس خلوها اتعلم القرايه والكتابة
وداومت بالمدرسه جانت قريبة ع بيتنه كلش بصفها حتى دورات زينب تصعد من بالسطح واشوفها وأنه بالساحة

معلمتي كلش حبتني جيفن انة شاطره وحبتني أكثر من كلت الها امي ميته تعاطفت كلش وياي
وكامت كله بالدفتر تحطلي وردة
واجي مكيفة بيها
اشوفها لبوي يكول عفية بالشاطره
بس سعاد يحترك كلبها
ماتخليني اكتب ولا اقره دوم ذابه أحمد علي شيلي غسلي
واذا شافتني كاضه الجنطة
تضربني وتاخذها مني وتضمها عدها
وتالي اروح ماكاتبة ولا قاريه
بس المعلمة تعذرني من اسولف الها
ودكلي ادري بيج شاطره انه عمامي دزوا ع ابوي ع مود يخطبون سوسن لسعد ابن عمي الجبير  ابوي كالهم ماعدي مانع
البت الكم يمتة ماتردوها اخذوها
سعاد تسودنت من سمعت هيج
كالت لبوي شني تزوجها وانة ياهو الي هاي حطيتها بالمدرسة
وذيج تريد تزوجها وشغل البيت
وين اكدرلة وحدي
ضلت تزن وتون برأس ابوي
بس هلمره عمامي ماطوها مجال
بنفس الاسبوع
سوو كعدة مالت اختي وعقد سيد الهم
وكالوا من يخلص شغلات العرس
نعرس الهم
كلش فرحت  لأن اختي أخذت ابن عمي
وما خذت جويسم الي كمنا من نشوفة نشرد ونخاف منه ومن شوفتة
صاير جنه طنطل يخوف
تك عين وجهه مشوه
من يشوفنة نشرد منه يضل
يفشر ويغلط علينا
ويتعصب لحد ما جاز كام مايطب ابيتنه سعاد خلفت بت نوره  صارت عدها ثنين ولد وابنيه
الولد يحبونه كلش ومتعلقين بينه
اخوتي التحقوا بالجيش
وكدرو كل واحد يكون نفسه من شغلهم وي عمامي
كلمن اخذلة كاع وبناها
وعمتي اطتهم بناتها اثنينهن
مشوا عليهن وخطبوهن الهم  لحد ما يخلصون جيش ويعرسون
بهاي الفتره عمي أبو سعد حدد يوم العرس كال بعد عشرة أيام
سعاد احتارت شسوي
من طلايب وياها يوميه كامت تطلع شغل من جوه الكاع الها
وكل شوية عركة شكبرها تسويها
تالي سوت روحها مريضة
وكامت تشوف ابوي يجي واتخربط رادت بي تأخر العرس
لاكن ابوي مارضى
أبد
قبل العرس بجم يوم اجت مرت عمي واخذت اختي تشتريلها ذهب
وهدوم وراحن جابن ذهب وهدوم
وحتى الي جابت عمتي أم سعد
ولزينب وجابت قطعة قماش لسعاد
سوسن طارة فرح بغراضها
ضلت يومين كل شوي اطلعهن
وتعاين بيهن
وهذيج سعاد تنط من يمها
وكل شوية دكلها أم الوصخ حضج شكبره
اخذتيلج واحد موضف ودارس
جا مثل حضي
أخذت حمزة أبو ست جهال
وتضل ادردم علينا
وتدعي ع اختى عساج ماتهنين أبد
وماتشوفين العرس
وعسى سعد ايدة بيد جويسم اخوي
انت راح تعرسين وأخي يضل محروم
أن شاء الله ماتخليني ياسويسن
اختي احترك كلبها كلش
تعاركت ويها وكالت الها كافي جوزي مني بيش طالبتني تدعين علي خاف الله
لو انت ماعدج مخافة الله
سعاد كالت ها ولج طالعه عينج
وكمتي تراددين مصدكة انت عروس
خايبة شو تعاي
طاحن وتكافشن وأنه هم ماسكتت
من شفتها أكلت وجه اختي
وطلعت دم لكطتها عظة من زرها
عافت سوسن وركضت طلعت النيشان وكامت تشكك بالهدوم
واحنه نتصارخ وسوسن تدفع بيها
اجه ابوي وشافنه
كام وكتلنة بصونده كلنة حتى سعاد كتلها ويانة
وتخربط ابوي ووكع
واخذه حسين للمضمد طلع صاعد ضغط عده.
ضرب ابره و رد للبيت
ونام
بس سعاد ضلت اتوعد النة بسيطة شوفن شسوي بيجن
صبح الصبح
انة رحت للمدرسة اهنا صرت صف ثاني اني
رجعت من المدرسة لكيت سوسن  ادك وتلطم
ها خايبة شبيج كالت الذهب مالتي ماكو لكيت قوطية الذهب فارغة
وسئلت سعاد دكلي ماشايفتة
وللحكايه بقيه
#ام_مصطفى