طفولة ضائعة بقلم #ام_مصطفى

٨

#طفولة_ضائعة
البارت الثامن
#ام_مصطفى

وين اصعد
شبيج بالسياره اصعدي بس أريد أتعرف عليج
مدري شلون تلاحكت نفسي
كتله شني اعرفك تعرفني واصعد وياك بعدين انت شرايد كلي هنا
مو ميصير اوكف احجي وياج هنا
اكو عرف هواي يعرفون ويعرفونج
وإني ماريد اسبب مشاكل الج
مبين عليج بنت ناس
اي بت ناس جا شني طالعه من فطر الحايط
اكلك تريد شي كولة هنا
أنه مااصعد وي غرب
وعفته ورحت بس تمنيت ابقى واكفة يمه
يماااي شلون حلو وشعره يلمع
وزي الشرطة يخبل علي
والمسدس ع خصره
صاح وراي باجر ضروري الكاج هنا
أريد اشوفج
مادرت وجهي علي كلت نفسي
ثكل شويه ثكل
امشي يااميره لاتلفتين وراج
رحت طبيت للمدرسه
من طلعت هم ماشفته
عرفت بس الصبح يجي
يجوز عده شغل
من رجعت للبيت تبربدت كلش
ولا اشتغلت شغله
لفيت راسي ونمت
الليل كله مانايمتة
سمعت سعاد تصيح وتغلط
ابوي يكلها ع كيفج خاف مريضه البت جا شني ماتستراح يوم
ماهتميت لحجيهم غطيت راسي
ورديت ع فراشي
زينب كالت اميره شني شبيج مو من عوايدج
خايبة تعبانه ميصير واحد يتعب
جا شني ماخذتها كاله انه كبالة  هسه اكوم اجلف الماعين طارت الدنيه شني
كمت وسعاد تلكتني هله
كعدت الاميره
ولج أم الوسخ نايمة وعايفة الاماعين ادودي الذبان عليهن
جا ماغسلتيهن مدامج نضيفه
اي مو اشتغل خدامة الج انه أم الوصخ
والله اله اشيشه عليج واخلي يبطلج من المدرسه
عفتها ادردم وحدها طبيت اغسل الاماعين السنك متروس ترس
والمطبخ مكلوب كلاب
استغفر الله
شني عزيمة عدنه
وهيج صاير بي
كمت أعزل والم الزبايل واذب بيها
وكمت اغسل اجت زينب وياي
نص ساعه وخلصنا كام يبرج برج
انوب تعاونه ع ال هدوم وخلصناهن بساع
ثاني يوم هم شفته اجه
وكمنا نتبادل النضرات بينا
وراها انطاني مبايل جان توه طاب
اطاني مبايل طابوكه
وحطلي سيم كارت ورقمه بي
جنت مااعرفلة بس هو كال ضمي
وبالليل اخابرج وانت بس من سمعينه يدك
دوسي هاي الدكمه
كتله خوش
رديت للبيت مكيفة بي
اشوفه عدها خواني وعد رجل سوسن
وحتى ابوي عده بس مانتفرب اله
باليل خابرني
كال الو كتله الو ياهو
شنو ياهو اني  سامي الي انطيتج المبايل
هاا
اييي
شلونج
من الله زينه
خليني أتعرف عليج
احجيلي ع حياتج
كتله احجي انت بالأول
كال اني الحمد لله ضابط
عمري 28 سنه ومتمكن وعندي سياره
وكاعد وي اهلي
اول مشفتج عجبتيني وكلت هاي الي ادور عليها
لفتي نضري من أول نظره وأول كلمه عجبتيني
هااااااااااااا
شنو ها  احجي
شحجي شكول
شسمج
كتلك اميره
يا صف انت
انه ثالث متوسط
عمري 17 سنه
شاطره لو كسولة
شني كسوله انه كله درجاتي عالية
جا شكالولك علي ودكول كسوله
ضحك
ههههههههههههه أحلى شي بيج انت ع نيتج
شني يعني ع نيتج
يعني فطيره
ها لا مو فطيره انه ليش هيج دكول
انت حجيك يختلف علينا
انت جنك من بغداد
اي صح احنه بغداد بس
اجينه هنا اهلي اجوي ورأيه
لأن تعييني وشغلي صار هنا
بس شلون عرفتي
من لهجتك جا انه غير امي بغداديه
الله يرحمها.
وحتى أنه رايحه لبغداد
نوبتين ونوبه الأخيره
ماتت امي
شلون
اي
حجيتله ع امي شلون ماتت
وضلينا لل 2 باليل نسولف
زينب كاعده تسنط علينا
تالي نامت
اطورت علاقتي بسامي
وتعلقت كلش بي
حتى علمني احجي بغدادي مثله
وبدت الامتحانات
جان يشجعني اقره ودارس حتى أنجح
ومن احجيله ع سعاد
يبقى يصبر بيه ويكلي نجحي
واقري مالج شغل بيها
واحكريها الحكران يكطع المصران
وصدك كمت احكرها
سامي كلش مؤدب وياي
أحس الله عوضني بي
ومرهاقه اني وعندي نقص حب وحنان كلش
حبيته وتعلقت بي
خلصت امتحانات
وجبت شهادتي ونجحت
الف الحمدلله ماضاع تعبي
فديوم كاعده اخابر بسامي
ومااحس اله سعاد فوكاي
ها ولج منهو هذا
التحجين وياه
ولج أم الولد جيبي التليفون
اليوم اشهرج وافضحج
وللحكايه بقيه
#ام_مصطفى