طفولة ضائعة بقلم #ام_مصطفى

الثاني

#طفولة_ضائعة
البارت الثاني
#ام_مصطفى
التمت الوادم ع صريخ ابوي
اني حطيت زينب اختي بحضني وكعدت بزويه والوادم كامت
تطب تصرخ
شالوه بيبي خلوها بسيارة بيكم
وصعدوا بيها الزلم وابوي وراحوا
وضلت النسوان يمنا تصرخ وتلطم
واجن عماتي هم يتصارخن
والنسوان نصهن يصيحن فكر
تف ع وجوهجن جسحتن امجن وانوب العجوز
احنه بس نبجي حتى اختي سوسن اجت كعدت يمي
وخلت رأسها بين رجليها وكامت تصرخ وتبجي
يمه حسنه وينج يمه تعاي
لاتعوفينه يمه
انه ع بجي سوسن وحجيها كمت ابجي
وزينب تبجي
بحضني فرفحت
لشويه واجو جايبين بيبيتي بتابوت خاليها طببوها شويه
ادوره شالوها
خلوها فوك كوستر وصعدت النسوان والزلم بالكوستر وراحوا
ضلينه وحيدنه
بس النسوان الغربه يمنا
شوي واجت خالتي
جانت مزوجه هم بالديره يمنا
سامعه من الناس واجت
تصرخ
ركضنه عليها تلكيناها خاله خاله
هي شافتنه وحضنتنه وضلت تنوح وتنعى علينه
خايبات الزمن لعب بيجن وضليتن يتامه
خيبه حسنه خيه بنياتج محد الهن ليش عفتيهن
خيبه كومي خيه حتى عجوزج ماتت وضلن البنيات
واحنه كلما نسمعها تذكر اسم امي
نصرخ وياها
لحد ما كالن كافي خطيه البنيات
دكومي وكليهن شربيهن
كامت خالتي
طببتنه بغرفت امي وريكتنا وبدلت لزينب وغسلت الها وضعتها مميه
ونومتها
وكالت لاتطلع من الغرفه ضلن يم اختجن
نصبوا جادر من جديد واجت كرابتنه كلها التمت عدنه
لليل اجه ابوي بس بيبي ماوياه همه
خالتي نومتنه ونمت يمنا
وضلت أسبوع يمنا خالتي
وراها راحت لبيتها
كام ابوي مايطلع للشغل
يودي خواني مكانه
واذا راح يكعد محمد يمنا
ضلينا ع ها لحاله لحد ما
الناس كالت لابوي أتزوج تضل هيج انت شوفلك مره
لخاطر جهالك تبهذلو
كامن عماتي دورن وحده لابوي
من الولاية
خطبنها اله ووره الأربعين مال بيبي عرس ابوي
يعني وره موتت امي بشهرين تقريبا
ومن هنا بدت معاناتنه وي مرت ابوي
من أول يوم جابها ابوي
تباوع علينه بطرف عينها وعاوجه حلكها
انت شسمج كتلها اميره
خوش وهاي  هاي سوسن
ولج سويسن حمليلي مي خوش
طبت هي وابوي للغرفه
وضحكهم لسابع جار
وطلعت ولج حميتي مي
كالت الها اي خاله
لادكولين خاله خلخاله الخللخلة عضامج
جا شكول
كولي سعاد باسمي خوش اي صار
يله انكلعي لذيج الغرفه ونامي انت وخواتج خوش
اي خوش
سمعها اخوي محمد تصيح
اجه لزم سوسن من اذانها
ها ولج شسويتي الها
بعدها ماطابه
لا والله خويه كلشي ممسويه
جيفن كلت الها خاله كامت تصيح علينه
ها جا شتريد نكول الها
دكول كولوا سعاد باسمي
ها جا ماتريد نكبرها عود
ماادري خويه
ها جايه حمايه علينه من هسه
اي هيج اضنها
دروحي أرشيف النه وصير خير مدام هيج
راحت سوسن فرشت الهم وفرشت النه بغرفة بيبي
ونومت زينب بصفها
وإني نمت من الصفحه الثانيه
وختلت باللحاف وياها
للصبح صبحت سعاد علينه
كومن مسعدات
سون ريوك
خاف عبالجن اخدمجن اني كومن يله
ابوي سمعها كالها ع كيفج وياهن عيني سعاد
تره صغار بعدهن
كالتله اسكت مالك شغل انه جاي اعلمهن
هذن بنات باجر يتزوجن والناس تسبك دكول ماعلمهن
وتالي يردوهن عليك
من هسه اكلك لا تدخل بينا
خلي اعلمهن
ها جا خوش اذا هيج
بكيفج بعد بس هم ع كيفج وياهن يتامة تره
اي اعرف يتامة جا اشفتني لزمت عصتي عليهن ......

صارت سعاد الكل بالكل بالبيت
وأختي سوسن وأنه نخدمها
خلت كل شغل البيت علينه
وتضربنه ضرب ماصاير
واذا اشتكينه لابوي
يكول حيل وياجن ثول
وحسنه ماعلمتجن النظافة شلون
وثاني يوم هي تعاقبنه
تكعدنه بالشمس بله غده
دكول حتى أتوبن ما تشتكن لأحد بعد
اخواني كاموا يتعاركون وياها
ابوي طاح وطردهم من البيت
بقى بس حسين يمنا
راحوا يم عمامي كعدوا
حبلت سعاد
وانوب ابوي زاد دلال بيها سعاد جانت كلش حلوه تتماوع لبوي ونضيفة لنفسها نهار كله تصبغ وتلبخ بوجها
اختي زينب توه تمشي كامت صار عمرها بالسنة
اني اغسل مواعين عدنا حوض وبيه حنفيه
أكعد ع طابوكه وأكعد اغسل
وأختي سوسن تغسل هدوم مجابلتني
ماسمع اله وأختي زينب نطت بجي
كمن نتراكض اثنينه
لكينه سعاد لازمه اختي وتضرب بيها
ردنا انجرها منها مارضت ودفعتنه
ولج بكد النعال وتخربين حمري وتكسرين القلام مال الحمر
بت حسنه جا وين شايفة حمر
عد حسنه أم السرجين
تشيل بزينب وتركعها بالكاع
سوسن اتوسل بيها فدوه اروحلج بس هديها جاهل ماتفتهم
اني ركضت ولكطها عظه من ايدها يله هدت اختي
انوب كضتني ستوتني تستو ضرب
وكامت تغلط وتفشر وتسب بيه
انوب لزمتني من شعري
وسحلتني للمطبخ
وجوتني بيدي
وشمرتني بالحوش
وأنه اصرخ يمها يمه يمه الحكيلي
من حطت السجين نشغت روحي
وكمت ابوس برجليها فد عوفيني
جرتني من شعري كالت شوفي هاي مره سويتيها دورة الخره اذبحج بالسجين
طاحت وربطتنه بالحوش
لحد مااجه ابوي وشافنه
هي بساع كمت تبجبج
حمزه بناتك خلنك طلعت وهجمن علي جا انت شني جايبني هنا مدكى الهن
عاين عاين
شلون بتك عضتني جنها جلب مسعور
عليش هيج جا هذا فوك تعبي وياهن
ابوي دار وجهه علينه وتفل بوجوهنا ولجن برابيج تضربن سعده
عليش ولجن ها
انوب اطردجن بالشوارع مثل خوانجن العار
يله سولي غده ولن مني جبح هالشوف وبله
كوه امشي والجويه توجعني كلش
وكضيتلي كارتونه وكمت اهفي عليها
للعصر اجت خالتي تشوفنه
من طبت ركضنه عليها حضناها ونبجي
شافت آثار الطك بينا
ياا شني هاي ياهو هيج طاكجن
كتلها سعاد
سعاد من سعدها البين وطكها بعصتين
خايبة انت ماتخافين الله اطكين يتامه
كالت الها بكيفي انه بمزاجي وإلا ماعاجبج ولي من بيتي
خايبه بيتج شني هذا بيت اختي
بنته بجد ذراعها وانت جايه ع الحاظر
تطرديني
خيبه شوفي مرت الأخرى اذا تمدين ايدج ع بنات اختي اكسرهن الج سمعتي يا لا
كامت تصرخ سعاد بوياييي
هجمن الحكولي
راح اموت يمه موتني
اجه ابوي يركض
ها ولجن شسويتن للمره
كالت خالتي افه عليك أبو حميد
تصدك بيها
شني يمها حداها احنه
جا عود اعاتبه عليش هيج
حاركة البت اليتيمه ليش الله يرضاها
موش يتامة ذن ويحركنكم دنيا وآخره
كالها ابوي وانت شلج غرض
بناتي اطكهن اموتهن انت لاتدخلين
ويله اطلعي بره وبعد مااريد اشوف وجهج هنا
تطرديني أبو محمد هيج صارت
اي هيج ومرت الأخرى اذا اجيتي
اشتكي لرجلج يردج خوش
وللحكايه بقيه #ام_مصطفى