طفولة ضائعة بقلم #ام_مصطفى

٢٣

#طفولة_ضائعة
البارت 23
#ام_مصطفى
بده كريم يتغير شويه شويه
اول شي كام يتأخر بالليل يله يرجع
ومن يرجع مايسأل شنو محتاجه شنو رايده
من اسئله ليش تتاخر يكول شغل
وصار عصبي ميتحاجه أبد
وكل كلمه والثانيه بس يغلط ويصيح
ويكسر بالغراض
وره فتره عرفت بي يشرب كام يجيني سكران
هملني كلش
وكلما اعاتبه تصير عركه شكبرها ويبقى يغلط ويعيرني بعيشتي
وي سعاد
تحول شخص ثاني غير كريم الي أعرفه
فترة حملي كلها خلصتها بمشاكل وياه
وصلت مرحله بي يبات بره ويعوفني وحدي
فديوم جان هو بايت بره
وصارت عندي ولاده بالليل
اخابر عليه مغلق
ضليت ابجي واتوجع
رحت دكيت الباب ع جارتي اللبنانية
واخذتني للمستشفى هي وزوجها
جبت علاوي
تمنيت أحد من اهلي يوكف ع راسي
حتى كريم مابين بقيت بالمستشفى للضهر يله اجه كريم
وهو كالب خلقته علي
كمل اجرائات وطلعنا
اهنا عاتبته وعاركته
انت فهمني وين تروح
يعني هم تتاخر وهم تبات وهم تسكر
وفوكاها ساد مبايلك
يعني مدكول هاي مره حامل
بغربه يصير عليها شي
تحتاج شي ع وجه ولاده
خلف الله ع الناس الغربه تاخذني للمستشفى
شتعرف بيه اني اندل اعرف وين اروح
ولل حتى اللغة مالتهم مااعرفها
فهمني شبيك شجاك
سمع منا وطلع منا
حتى مارد علي هالمره
يمكن استخطاني لأن نفسه
وهستوني طالعه من المستشفى
حتى فرحتي بابني احسها تبخرت

ثاني يوم كالعاده عافني وطلع
لا كال محتاجه شي
خطيه نفسه
متكدر تكوم تكعد تريد اكل
مااعرف شجاه تغير 190درجه علي
خابرت ماريا اجتي يمي خطيه
ضلت تحجي علي ميصير هيج
شوفي شبيه
لازم اكو عنده شغلة نسوان
كتلها اصلا اني شاكه
بس خايفه اتاكد
لأن حتى لو اتاكد مراح اغير شي
اني بغربه هنا ولازم اسامحه واسكت
كالت شوفي مبايله فتشيه دوري شبي مابيه
كتلها مااعرف لغه مالتهم
كالت دصوري الرسائل ودزيهن الي اقراهن الج
وصدك ثاني يوم اجه شارب
ومايدري بالدنيا
راح نام وإني
كمت فتحت مبايله
مجان مسوي رمز لأن مأمن مااعرف أقره
كمت صورت ودزيتهم ع مبايلي
ومسحتهم منه
وراها دزيتهم لماريا
الي  عرفته طلع  ا يحب وحده سويديه
وعنده علاقه بيها
ويسهر عدها
لا وجماله مزوجه
وزوجها يصير المدير مالته بالدوام
وعلى علاقه غير شرعيه وياها
انصدمت
وكعدت اندب حضي المصخم
عود ارتاح جذب
هو الماله اول ماله تالي
خرب حضي المصخب
شلون بيه وين اطي وجهي
لا أهل ولا عرف هنا
مجبوره كلشي يسوي ابقى وياه
كعد من النوم شافني
كالبه وجهي عليه
كال ها خير
بس لا هم تطيني محاظره وليش
تتاخر وإني بغربه ومن هاي السوالف
من كال هيج انهديت عليه
وتعاركت وياه كام يغلط ويصيح علي بس ميضربني أبد
وكال شتردين سوي خوش عاجبج ما عاجبج عوفي ابني وروحي سافري
كتله مااعوف ابني لو تموت
واشتكي عليك هنا
من سمع هيج لم غراضه وطلع من البيت
عافني وطلع وإني هسوتني جايبه مصار لي أسبوع
ومخله لافلس ولا كال تحتاج شي
خلف الله ع اللبنانيه
اختفى ونكطعت اخباره وحرت اسئل منو عنه ماريا وزوجها ساعدوني هواي خطيه
باول شهر العافني طلع راتب ابني
لأن هناك كول طفل ينولد يصير عنده راتب
من طلع راتب ابني يله شويه
كدرت اسيطر
لأن صارت فواتير علي
لازم ادفعها مال كهرباء ومي
وأكل وشرب وحاجيات الطفل
كل هاي سدها الراتب الف الحمد لله والشكر
مر شهر وشهرين وكريم مابين ولا سمعت خبر منه
اعتمدت ع نفسي
بكل شي بس المشكله مااعرف لغه مالتهم
ماريا اقترحت علي ادرس واتعلم
بس احتاريت بابني كولش متعلق بيه
اجلتها كتلها خلي شويه يكبر واخليه بحضانه
وره 3اشهر اجه كريم مطرود من شغله المدير طارده بعد ماكاشف علاقته بزوجته
كام يتوسل بيه ويعتذر
ويريدني اسامحه ويرجع يعيش وياينه
وللحكايه بقيه
#ام_مصطفى