طفولة ضائعة بقلم #ام_مصطفى

٦

#طفولة_ضائعة
البارت السادس
#ام_مصطفى
كمنا انة وياهه نبشنه البيت نبش
ماخلينة مجان يعتب علينه مادورنة بي
كلنا بلكت شامرتهن بمكان منا منا
تعبنا ومامش فايده
سوسن اعاعين عليها عيونها صارن جمر وجها صار جنه طماطه
وجفن عينها ورم
وانوب سعاد أكلت وجها خراميش
ورم وجها كله
لاتغدينه ولا كعدنه بس ندور
العصر اجت مرت عمي أم سعد
عود جاي تأخذ سوسن
تحفها  من شافت وجه سوسن لطمت
ياع ولج شصاير بيج
ليش خارطه خدودج وعيونج مورمة بجي
سولفنالها السالفة
كامت من عدنا وراحت لسعاد صاحت عليها خايبة انت ماتخافين الله
كلش تراتج مصختيها جا عليش هيج مسوية بوجه البت
كالت سعاد طبها مرض
هاي خاف عبالج فقيره هاي تسوي مصايب
وأنه متسترة عليها
لا تخليني احجي واطلع زواع بطني
خليني ساكته احسن
اخاف احجي ويخرب العرس
خيبة ماتحجين شني جا احنه مانعرف بنيتنه شني
تره نعرفها ونعرفج جذابة ومتخافين الله
الذهب وين وديتي
يا ذهب هذا
تعرفين كلش زين عليمن احجي
والله مااعرف
وتلكينها سويسن اطته لصاحبها
حتى تسد حلكه
بعد ما جسحت اخوي وملت منه
شافتلها صاحب
واطتة الذهب
خيبة اكلي وحل ترحين فدوه الها
هاي اليتيمة تحركج بنار جهنم
شوفي سعيدة باجر حضري نفسج
اخذج احلفج بالعباس أبو راس الحار
وانت تعرفين شارتة شني
وتعرفين التحلف جذب بي
وحلال الذهب عليج
وانة باجر مشترية ذهب غيره الها
وراح اخلي الزلم يتصرفون
خوش
يله سوسن البسي عباتج
اخذج احفج ولا تبجين خير الله جثير عدنه اشتريلج ذهب بكد وزنج
عمتي أم سعد تصير بت عم امي يعني خالتي وماخذة عمي بس احنه نكللها عمة مثل كل نسوان عمنا
جانت كلش تحبنة
طلعت عمتي أم سعد أخذت سوسن
ضلت سعاد تعد وتسب وتفشر
ماتت من الحركة والقهر
تصيح حضها شكبره بت حسنة
أم الولد بسيطة انه اعلمجن
خلت لبست عبايتها وراحت لهلها
اجت عمتي وسوسن
وهي هم ردت
كالت عمتي الها حضري روحج الفجر نطلع لكربلاء اخلي سعد ياخذنه بسيارتة
هي انخطف لونها وضلت اطكطك بصابعها
بس طب ابوي من الشغل كامت تبجي الحكلي بناتك بوكني مدري وين شمر الذهب
ويكولن بكتي وهاي كريمة تريد تحلفني تقصد ع عمتي أم سعد
تريد تاخذني للعباس احلف
ترضاها يحلفون مرتك
ابوي كالها عليش تبجين وخايفه
مادام موش انت البايكتهن
روحي احلفي وزوري وتونسي وتعاي
هي نطت منها
ابوي جنه عرف هي ماخذتهن
وكالها هيج
نمنا باليل للفجر دك الهورن مال سعد
ابوي فتح الباب الهم
كعدت سوسن وكعدتني
كالت أميرة أميرة كومي
اضنهم اجو وراح يأخذون سعاد للعباس يحلفونها
كعدت شغلت الكلوب
وسوسن فتحت كنتورها اطلع ربطتها وي فك الكنتور كام الذهب يتطايح منه
كالت اميره تعاي شوفي خيبة الذهب لكيته
كتلها جا شعبالج العباس شوية كامت ترجف سعاد وطاحت وردته تلكينها قبل لا تروح تحلف
عمتي طبت قبل لا نكللها
كالت ها رجعت الذهب
كنالها اي شون عرفتي
كالت اسم أبو فاضل يرعب
انة ادري بيها هسه تردة
وين لكيتنة
بالكنتور مشمور
خوش
دكومي يم سلمي ع رجلج وسويلنه ريوك
كامت سوسن سلمت ع سعد
كالها شني شبي وجهج
استحت ماحجت شي اله
كالتلة نورة اختي الصغيره خرمشتني
هز رأسه

وصارت الحنة  عمتي الله يطيها اشترتلي بدلة تسودن ولبستها
ورحت انة وزينب وي سوسن للصالون واجن كل كرابتنه
حتى خالتي الي طرده ابوي اجت وي بيت عمي
وشافتنه وكامت تبجي علينة
وتحضن بينه
وبدت الهوسات أهلا يال منه وبينة وغيرج مانهواه  ....
البت لابن العم بسمار بلوحه البت لابن العم ....💃💃💃💃
وبت عمنا واختنا تصير جنتنا ومانرضى الغريبة ادوس عتبتنة 💃💃💃💃💃
وشايبج عمج ياسوسن
والبخت لمج ياسوسن
💃💃💃💃💃💃💃💃💃
والزلم بالشارع هم تهوس
طببوه سعد لبسها الذهب
وكصوا صور
وسعاد تعاين عليهم معطبة تعطب
حنو العروس وراحوا
ثاني يوم كعدتنا من غبشه سعاد
كومن يله نظفن
جابت كوم هدوم مدري منين
وحطت طشت وكالت لسوسن
اكعدي اغسليهن يله
كتلها انه اغسلهن
راح تجي عمتي تأخذها للصالون
كالت لا اله هي غصبن عليها مااروح
اذا ماتغسلهن
كعدت سوسن كالت أميرة هذا آخر يوم
خلي يخلص بله طلايب انه اغسلهن لاتعانديها اخاف عليجن منها
خاف من اروح تعاركجن ويضل فكري كله يمجن
كعدت سوسن خلت طابوكة وكامت تفرك بالملابس
وانة نضفت البيت
اجت مرت عمي لكت هدومها منكعه تنكع وتوها مخلصه
كالت الها شني
شبيج منكعه هيج
عمه غسلت اهدوم أخواتي خطيه
مارضت تحجي سوسن خاف تصير مشاكل
وطبت سبحت وطلعت
وأنه زينب هم رحنه وياها
وردينه للبيت
طلعت سوسن تسودن شني كمر كمر جنها
واجت الزفه واخذوها وصعدنا سيارات
ورحنه لبيت عمي أبو سعد
صارنة سنين ماشيفينه
وشفت بنات عمي
وبنات خالتي
وكل كرابته شكد حلوه لمت الكرايب
واجو زفو العرسان
وزفينا بصاية حيدر زفينا
وكللللللوووش
الفرحة شكبرها وأيام الفرح كصيره كلش
كمنا نبجي ع سوسن الي سدت مجان امي جانت مثل أمنا وتحملت كلشي عمودنا
وردينا لسعاد ردود ومجان سوسن
فارغ بالبيت
وسعاد اسفردت بينا كلش
وللحكايه بقيه
#ام_مصطفى