طفولة ضائعة بقلم #ام_مصطفى

٩

#طفولة_ضائعة
البارت التاسع
#ام_مصطفى
اليوم اشهرج وافضحج
حمزه خايب حمزه.
دفعتها حيل وسديت الباب ركض
ضميت المبايل
اجه ابوي شكو
يا شكو خايب نايم ورجليك يالشمس اميره عدها مبايل وكاعده تخابر صوحبها
جا مو كلت كعدها من المدرسه
كعدها عرفتها تكود هناك
ابوي شني ياهو كالج هذا الحجي
خايب هسه شفتها بعيني وسمعتها بإذني تواعده 
اضنها بالليل اطفره يمها بالغرفة
وهذيج زنيبة تكواد وياها
دفر الباب ابوي وفتحه وكضني من شعري ولج صدك هذا الحجي
لا بويه جذابه هاي جا انت ماتعرف سعاد اتحايل علينه
سعاد صاحت يمه يمه منج
دهر فرج ولج مو شفتج بعيني
شوكت ليش اجذبين
ولج امييييييره
عبالج جاهل تقشمرين علي
ويين المبايل طلعي بساع
ماعدي بويه جذابه هاي
ولج ك.... لادكولين جذابه ولج طلعي
لزمني ابوي موتني خلاااص كطع شعري تكطع
وجانت عده توثيه ركض جابها
كسرني تكسر بيها
طلعي بسع
وبعد مدرسه ماكو بت حسنه تردين تشهريني يم العربان
رد ع زينب دك وضرب ودك وضرب
لحد ما ضلت ترافس
هسه اطلعن المبايل
بويه جذابة دخيلك
من اكول هيج اثنينهم يزيدون ضرب بيها
نام كاضم فوكي ميلو منها
شني طايحين عليها دك
وحك العباس إلى ما تميلون هسه اخابر عمي أبو سعد
شني هوش وداكون عليهن
طاح ابوي وضربه ودفعه سعاد كامت تصرخ
ليش تضربة
خايبة ماشوفينه شلون يحايز الهن
اي غير أمهات السحوره ساحرات ابني
جا موش بوعيه هو
طلع كاضم
وكام يتوعد انه الكم بسيطه رد ابوي طبكنا اثنينه
وين المبايل طلعنا بويه جذابه سعاد ماعدنه.
جنت اخاف اطلعه لأن بي رسايل وحجي خفت ع سامي خاف يسوله شي
سعاد كامت تصيح مايضلن بالبيت بعد مااريدهن
باجر يكودن ع بتي
طاح ابوي وطردنه نص الليل يله امشن
روحن أكعدن يم عليوي حميد
شني موش خوانجن
جا تبروا منجن شني
يله بساع لمن اهدومجن وروحن عسماه بشارع تنام مااريدجن
كام يفشر ويسب ويغلط علينا
لميت اغريضاتنا واخذت المبايل وياي ضميته
طلعنا من البيت الساعه ب9 بالليل
كوه نمشي
ودمايين تدمي ونبجي ونون
كعدنه ع رصيف وين نروح مانعرف
مانندل بيت أحد وابوي طردنه
كام يشمر بهدومنه هو وسعاد بالدرب ولن مااريدجن
ابتليت بيجن
روحن يم خوانجن
مشينا مشينا ونسحل بهدمنه سحل
كعدنه بالشارع ونبجي ماعدي رقم أحد المبايل بي بس رقم سامي
واستحيت اخابره مااريده يشوفني هيج مدمايه خشمه يصب دم
وراسي
وجهي كله يوجعني
وضهري تكسر تكسر
مروا ولد منه ها محاتجات شي
ها لا خويه مشكور هسه ابوي يجي
بالسياره متانينه
راحو
زينب كالت اميره جا شني نضل بالشارع
خايبه جا وين اروح مانندل أحد أنه
جا شلون.
اي تذكرت اندلاع خالتي بيتها
اي
خلي نصعد تكسي واروح الها
يله امشي
كمنا اشرنه تكسي
أبو تكسي وكف ها يحلوات وين اخذجن يمي لو عدجن مكان
شني يمك ول منا ول
دصعدن اصعدن لا تستشرفن علي
واطيجن لا تخافن
كتله وخر منا لا الم الوادم عليك واصرخ.
خله ومشه
خفنة ناجر غير سياره
ضلينه كاعدين ع الرصيف مال الشارع
شويه ووطبكت سياره ونزلت مره وشايب
محاتجات شي كولن
اي خاله فدوه احنه مرت ابونة طردتنه ونريد نروح لخالتي
وين خالتكم  بالماجديه
تندلين اي اندل بس انتم ودوني هناك وأنه اندلهم خوش
صعدنه ليوره والمره ليكدام
ضلت تسئل بينه ونجاوب
نقهروا كلش علينا
الزلمه كال اكو واحد عاقل يشمر بناته نص الليل بالشارع
لاحول ولا قوه الا بالله العلي العظيم
وصلنا ودليتهم بالبيت نزلنه وتشكرنه منهم هوايه
دكينه الباب
وطلعت خالتي شافتنه وكامت تبجي يمه شجابجن شبيجن
شصاير بيجن
طببتنه جوه
شافتنه مدماااين تدمي
وجن ياهو وياجن
كتلها سعاد وابوي كتلونه وطردونه
يمه يمه هيج مسووين بيجن
يمه كامت ادك ع صدرها
حاطه العباس وياج سعاد حاطه الحسين وياج
ليش هيج مو يتيمات
الله وأكبر عليكم
خالتي انسحنت روحها
انوب بناتها ولدها ضلوا يتصارخون عليها
كاموا خذوها للمستشفى
واحنه ضلينه نبجي عليها
بس لا يصير بالمره شي
من ورانه
ياربي دخيلك بجاه الحسين عليك
كون مابيها شي
كمت ألوم بروحي ساعة السودة يوم أخذت المبايل ويوم شفت سامي
بس والله أحبه مو بيدي شفت منه حب وحنان ماشايفته وسمعت منه حجي عمري ماسامعته
كلش حنين علي ويخاف عليه خابروا علينا من المستشفى طلعت خالتي مضروبة جلطة خفيفه
وكالوا تبقى أسبوع بالمستشفى
استحينا نبقى هناك طلبنا منهم يخابرون سعد ويجينا
خابروه واجه ومن سمع ابوي طاردنة نص الليل صار عصبي
وخابر ابوي وضل يتصايح وياه
كمت ارجف لا ابوي يكله ع سالفة المبايل
الطريق كله نتراجف انه وزينب
ودمايين وجسمنا يون من الطك
وصلنا البيت عمي
وسعد ذبنه بالباب تلكتنا سوسن وهو أخذ عمي وراحوا يهدون ع ابوي
كالوا شلون يشمرجن بالشارع
وللحكايه بقيه
#ام_مصطفى