#طفولة_ضائعة
البارت 12
#ام_مصطفى
كتلها وانت شلون عرفتي ولج
هااااااااااااا
اي احجي كمت وكفت وكابلتها
وكضيتها من ثوبها احجييييي ولج
هديني واحجي
يله احجي
انة اخابره يوميه جنت
شلووووون
ياهو كلج وشلون وليش تخابرينه
احجييييي
انة اسمعج تبجين بالليل واشوف دموعج
ردت اساعدج كلت اخابره اتوسل بيه مايعوفج
طحت وخابرتة
وهو كيف من خابرته
وحلف ميت أمام يحبج
وطلع مودي أمة لبيت سعاد
وسعاد مسفطة حجي علينة اشكال اللون
وكايله الها عليهن نهوة من عمامهن
اوكفي اوكفي شويه شويه فهميني
شني مسفطة حجي شكايله
والله يكول حجي ماينحجي
وشني هو صدك
لا هو يعرف حيل سعاد
بس أمه مصدكة وضالة تحجي عليه
اي وبعد
ماكو شي
زنيبة احجي ولج هاي انه جنت مامنه بيج هيج تسوين بيه
ولج ليش خابرتي
مو ماصدكت أنساه
جذابه انتي مانسيتي واشوفج شلون انسليتي عليه
وتبجين عليه
ولج مو ابجي عليه ابجي ع حضنا المصخم
ابجي ع قسمتنا العوجه
اميره وحك علي سامي يحبج
ويوميه بالليل ماينام اله يسمع صوتج
ياااا جا شلون يسمع صوتي ولج
انه يوميه يخابرني
وعوفه مفتوح ويضل يسمع
الحجي مالتنه وراها اروح أسده
يااا ولج ليش هيج تسوين
ليش كمت ادك وابجي
انت شبيج عبالج هسه خليتيني افرح بحجيج هذا
انتي هسه موتيني ورديتيني ردود
وأنه ماعولت اكدر اعوفه
خايبه الف مره كتلج احنه مو مال حب وسوالف
اميره بي هو رايح يخطبج
وسعاد طاردتهم
اي هاي هيه مادام طردته
شعدي ضاله وياه
سكتت ماحجت
احجي بعد شعدج شضامه
هااا ماكو شي
بس سامي يريد يحاجيج
جيبي المبايل
راحت جابته لكيت مكالمات هواي وأرقام
ولج هاي المن هذا الرقم هاا
مال صاحبه نوبات ماعده رصيد يخابر منه
ها اي
دكيت ع سامي
سده ورجع خابر
ها زينب شصار
انه مو زينب
انه اميره
حجيتها بعصبية
مدري ليش حاسه اكو شي صاير
ضامته علي زنيبة
زينب حلوه كلش تشبه سوسن عيونها زرك وبيضه وطويله ومربربة
بس بيها ضربة بكصتها أثر السحكه
لمن امي انسحكت هي انضربت بكصتها وضلت محد بحالها
والتهبت وبقت أثر
زينب دوم تلبس عصابه تغطي الظربه
وحده ثوله وفقيره كلش وع نيتها وبسع تتقشمر
وعاطفيه كلش
كلبي كام يلعب من منها مدري ليش احسها مسويه شي .....
كال اميره مشتاقتلج
شلونج زين وذكرتيني
كتله سامي انه موكتلك كلمن
يروح بدربه ليش رديت
كال اني مااكدر اعوفج
وبعدين شسوي دزيت اهلي عليكم
ومرت ابوج طردتهم
بعد شسوي أكثر هاي هي جا ماطول ماتكدر
شني فايدت سوالفنا بعد
سامي رحمه لهلك جوز مني ومن اختي وامسح ارقامنا
امييييييره
انت شبيج تخبلتي ولج انت ماعدج إحساس متحسين بيه
ولج ما تعرفين أنه احبج
كليلي شتردين اسويلج بعد
دزيت ع اهلج ومارضوا
اطيني فرصة ارجع أقنع امي
ترجع شبيج انت
صدك كرهتيني هيج
سامي مو كرهتك
بس انت ماتعرف شلون عيشتنه
والله اذا اخواني دروا مايرحمونة
بالاخص احميد اخوي الجبير
ماعده رحمه بهاي السوالف
ولج هسه انه شسويلج قابل
راح انهبج سويتيها كلش علي
كولي اني مااريدك ومااحبيتك
جنت اضحك عليك
شنو باقي اجدي منج حب
من خره بهيج حب
طاح وسد الخط بوجهي يااا
شجاه هذا
والله بطران ماشايف عيشتنه
بس صدك انه مصختها
فوك ما ضال يحبني
هسه انه ياهو معاين ع جهرتي
زينب كالت شني شصار
كتلها انت اسكتي أم المصايب كله منج
كمت اروح وارد امشي بالغرفه
كلش انقهرت عليه وكلبي ضل يوجعني
واحجي وي روحي والله انه أحبك أكثر وحك الحسين ماعدي غيرك
ليل نهار ادعي
تصير من نصييبي
بس شسوي العين بصيره والإيد كصيره
رديت دكيت عليه ماجاوب
احترك دمي
دكيت مره ثانيه وثالثه
تالي قفل الجهاز
كمت ادك كل شويه مغلق يطلع
لنص الليل دكيت عليه كام يدك
اي يا الله
فتح خط
سامي الو
ها شكو تخابرين موتدردين كلمن يروح بدربه
كمت ابجي واشهك
ليش تبجين احجي
أحد وياج
بس ابجي مااكدر احجي
مختنكة كلش شسوي ماادري
حايرة بزماني ليش هيج
من دون البنات هيج تعذبنا
لا طفوله عشناها زينة
ولا مراهقه ولا بعز شبابي مرتاحه
احجي اميره كليلي الترديه وأنه اسوي قسم بالله شتردين اسوي
لا تعوفني سامي انه أحبك
ليش انه اكدر اعوفج
لو اكدر جان عفتج
من ساعة السودة يوم شفتج كام يجر حصرات وإني ابجي
روحي نامي اميره
لاتبجين اخاف الله بيج انت يتيمه خاف باجر الله يحاسبني عليج
خاف دمعتج تحركني يوم القيامه
يصير خير ان شاء الله
اني اصرف هالايام
بلكت أقنع امي وابوي يردون لبوج يحاجونه
من كال هيج ارتاحيت مي بارد نزل ع كلبي
كتله تصبح ع خير اروحلك فدوه انه
ها هسه ترحيلي فدوه
ولج انت محيله
اووف منج ....
نمت كعدت الصبح نشطه كلش من الصبح وي الفجر خلصت كل شغلي
وسويت ريوك وكعدت زينب ورحنا للمدرسه
من ردينا لكينه سوسن جايه يمنا
سلمنا عليها وكيفنا بيها وبجهالها
رحاب كالبه وجها
كامت تسمع حجي النه
فوك ما كاعدات عدي ومتحملتهن انوب خططايرهن علي
مو بيت صاير مضيف
كلت لزينب لاتحاجينها عوفيها
كمنا نسوي غده بهدوم المدرسه
بسع ركبنا وصبينا غده
سوسن تباوع علينه طلعت رحاب من غرفتها
كعدت ع السفره هذا مالح وذاك
محترك وتعيب ع الأكل
كالت سوسن الها ماطول مايعجبج جا ماكمتي طبختي
موش شفتيني اجيكم من الصبح وهنه موهنا
عوجت حلكها شني ترديني اخدمجن أمهات الوصخ فوك ماملفيتجن عدي
كالت سوسن والله كاعدين ابيت اخوي مو ابيتج خوش
غصبن ماعليج بيتي واذا ماعاجبج
اخذي هذن وياج وولي منا
كامن يتصايحن واحنه نسكت بهاي وبهاي
تالي رحاب سبت امي
كامت سوسن وجرتها من شعرها
وتمالخن طب اخوي احميد
هي كامت تبجي وتصرخ الحكلي
كتلني موتني فوك ما مكعدتهن عدي
جابن سويسن عليه
بوياااي ماشيه لهلي انه مااضل بعد هنا شني فصليه انه عدكم
كام حميد وموتنه اتلثتنه وطاح وطردنه بالشارع يله ولن شني ابتليت بيجن انه
وللحكايه بقيه
#ام_مصطفى
توقعاتكم بنات للقصه
