طفولة ضائعة بقلم #ام_مصطفى

١٩

#طفولة_ضائعة
البارت 19
#ام_مصطفى
من سمعت هيج كالت من حركة كلبي كتلها روحي كلليهم موافقه بس
خلي اخابر اختي وزوجها وارد خبر الكم
البنيه كيفت صدك اميره عليج الله كتلها والله عناد ابمرت ابوي
تره اني حتى مماخذه رأيي
ولا جابت طاري النه بشي
يااا صدك
مره شكبرها اتجذب والله عيب
دخلي اروح أبشر كريم
خطيه انكسر خاطره وضاج
روحي خيه ومثل مكتلج
بس اخابر اختي وادز خبر
راحت لبيتهم
وأنه أحس نفسي مثل الورطت روحي
اعاين ع زينب وحصرتني العبره شلون اعوفها وازوج
وهي مريضه
هاي سعاد تستفرد بيها وحدها خاف
انوب كلت لا انه اوصي كاضم بيها
شحده اليدنالها
المهم رحت لنورا
كتلها اطيني مبايلج بس اخابر
سوسن
خابرت سوسن وحجيت وياها
كيفت كالت من يجي سعد اخلي يخابرج يفتهم منج
شويه وخابر
سولفتله السالفه كلها.
كال خويه شنعرف عليه إذا جان عايش بالسويد
شلون نعرف أخلاقه زين هناك لا
زين هناك شلون أمن بيه هناك
لا هاي واكفه مشوديج للسويد
كتله انت دتعال اسئل والله كريم
كال خوش
ثاني يوم اجه سعد لبوي كله
هذا الولد تعرفه
كاله ياولد هذا الجاي ع اميره.
كاله ياهو جاي عليها ماادري
كاله شلون جا مو رادين خبر للوادم
ماتصير

كله فهمني شني السالفه بله الغاز
كاله ذول الكبالكم بيت أبو كريم جايين ع اميره خاطبينها
وسعاد راده خبر الهم كايله
ابوها مايرضى والبت همه ماترضى
كام ابوي من سمع هيج أيا بت الجلب
ولج سعيده سعيده
اجت هي
احنه كاعدين يمهم بالديوانيه هااا شني شبيك تصيح خير
ولج هو اليشوف وجهج يشوف خير
بت الجلب شلون جايين بيت أبو كريم ع اميره وتردينهم
انه
اي انت جا ياهو ابوي
مشعولة للوالدين الف مره كتلج
عوفي البنات شتردين منهن
كام ابوي عليها ضربها
سمع اخوي كاضم
هم استلم أمه غلط وصياح
وهي ماسكتت
كامت تلاسن وياهم
طاح ابوي وطردها كالها روحي
اكعدي عد جويسم الأعور
خلي يصرف عليج
كالتله ها هسه جويسم صار موزين
مو جان يشتغل ويذب فلوس عليك
اي مو يشتغل بسيارة ابوج
فوك مافلش الكوستر وماخذت منه فصل ولي يله ولي
خلت وراحت لهلها
انوب صارت مشكله
شلون ياربي
ابوي دز خبر للناس قابلين بس خلي
ننشد ع الولد نشوف أخلاقه شغله شني
سعد مارضى بيهن أبد
بس كوه سوسن قنعته كالتله خلي تخلص يمعود
زين شين بس اسمه زلمه يستر عليها
ثاني يوم ابوي دز خبر الهم موفقين
وحددوا موعد الكعده الجمعه
وسعاد عد اهلها
كتله بويه روح ردها انه عيب من الناس شدكول
كال والله لوما الكعده مالتج وخاف الوادم تنشد عليها
اله اخليها شهر شهرين حتى اتوب
راح ابوي ردها
وجابها للبيت
نورا كالت الها يمه دجوزي منهن
خليهن يتزوجن يخلصن عليش
واكفه بقسمتهن
طاحت وغمتها خيبه جيره ابفركج. جا انه غير ع مودج
كلت الهم أخذوا بتي
يمه متوازيه ع الزواج انه غير ادرس. وبعدين همه جايين ع اختي مو علي
خيبه ولي منا ولي فوك ماادور قسمه زينه الها انه

ضلت سعاد مثل الجلب المحترك ذيله
ماتعرف شسوي بس كون تخرب القسمه
كل متجي المره علينا تذب حجايه علي
المره أم كريم عرفتها شني هي
كامت ماتهتم لحجيها
اجه يوم الجمعه
سوسن غبشت علي حفتني واشترتلي فستان طويل واردان بس ملمع حلو اصفر صار بلون عيوني
وسحبت شعري نزلته الي ومكيجتني
اجو الناس طبوا
الف دعاء وآيات قرانيه قرينه نخاف من سعاد لاتسوي سالفه
بس الحمد لله عدت ع خير
اتفقوا
وطب السيد يعقد النه
عقد النه وطلع
وضل كريم كاعد يمي
انه مدنكه استحي احجي وياه
كال ارفعي راسج اشوفج زين
رفعت راسي
كال ماشاء الله
ماتخيلتج لهاي الدرجه حلوه

ضل يسولف ع شغله ووضعه هناك
وسئلني ليش ماكملت
كتله ضروف صارت عدي
تعارفنه واحد عرف الثاني.
شويه راح الخجل مني كمت اسولف وياه
بس هواي يسئل
ضجت من اسئلته
فترة الخطبه بدأت ولازم تطلع الموافقه مالت الطلب مالته أسافر وياه
كمنا نمشي بالمعاملة والجوازات
وعقد المحكمه
كام ياخذني ويطلعني يوميه.
يخاف علي
اشترالي مبايل ويوميه يخابرني
الحمد لله خوش ولد
ارتاحيت اله وتعلقت بي
بهاي الفتره
سعاد أبد ما عافتنه بحالنه
كامت وطلعت إشاعة علي
اميره حبلت 😳
وللحكايه بقيه
#ام_مصطفى