طفولة ضائعة بقلم #ام_مصطفى

٢٤

#طفولة_ضائعة
البارت 24
#ام_مصطفى
مجبوره اسامحه واتعايش وياه
وكلت بلكت ينعدل
اجه يتوسل
وسامحيني ومدري شجاني
ومن هاي السوالف تالي طلع مطرود من شغله
ورجع حتى يعيش وياي بالبيت
وبراتب ابني
اتغاضيت عن الموضوع
واخذت عهد منه مايكررها
جر عدل رجع مثل الأول لا يطلع ولا يطب وضل يدور شغل ماكو
صعب هناك تلكين شغل
بقى كل اعتماده ع راتب ابني
بقينه نتعارك أسبوع ونصالح أسبوع
اني اعتمدت ع نفسي
والفضل يرجع لصديقتي اللبنانيه
وزوجها السويدي
كامت تعلمني اللغه مالتهم
واطلع وياهم
متنزه نونس الجهال
نطلع مطعم
مالي دخل بي
وهو هم مايدخل بطلعتي وبطبتي
مطيني حريه
طك كلبي ع اهلي وخصوصا ع زينب
بقيت اتمصلح اله
فتره بلكت نروح للعراق.
نشوفهم ونرجع
فدوه كريم طك كلبي ع اهلي
خلي نسافر
نشوفهم ونبقى هناك أسبوعين 3ونرجع
كال ماعدي ولا فلس دبري فلوس واخذج ماعدي مانع
ياربي شلون منين اجيب
بقيت اعصر بالراتب عصر
شهرين اني الملم تلملم
وداينة من ماريا
خطيه ماقصرت هم
كوه بالف ياعلي جمعنه بس
فلوس التذاكر والطياره
كلت من نرجع أخذ من اهلي
كتله كريم دبرت فلوس
كال منين كتله اداينت من ماريا
وعدي كم فلس ضامتهم
فدوه مو تغير علي
كال لا والله نروح
اني هم ضجت من كعدت البيت
واشتاقيت لهلي
كتله خوش
هسه شوكت نروح
كال باجر افيز
واحجز الطياره ونروح طرت فرح من كال هيج
راح اشوف خواتي واهلي
رغم كل الأذى الي شفته بالعراق. والمعاناة الي عشتها هناك
بس روحي معلكه بالعراق تبقى
يومين منايمه احلم واتخايل
شلون راح التقي بخواتي
شلون اشبكهن
احجيلهن كولشي
زينب أخ زينب أريد اشوف شصار بيها وراي
شلون عاشت وين راحت
يمكن مرتين سمعت صوتها من سافرت ولهسه
وطارت الطياره بينه للعراق
و طول الطريق ابجي واشهك راح اشوف اهلي وأخواتي
بعد فراق سنه ونص الله
رغم المناظر والطبيعه والهدوء
والاستقرار ابيتي
تبقى لمة الاهل والأقارب
برغم مرارة عشرتهم
بس تبقى أحلى شي بالوجود.

الإنسان بله أهله كلشي ميسوه
ويبقى يحتاج الهم لو مهما شاف منهم بالاخص اذا كان الشخص حنين ويحب أهله مثلي
والله باليوم يموت الف موته ع فراك أحبابه بالاخص
الأخت والاخو فراكهم يكسر الظهر
أكثر شي أذاني هناك فراك زينب
والمشكله من اتصل اسئل عليها
يكولون زينه عايشه
ومااعرف تفاصيل غيره
آخر مره قبل أربع أشهر خابرتها
شعبنا بجي اثنينا وسدينا
كولشي مفتهمت منها
أصبر روحي واكول هانت
ماضل ساعات واشوفها
كريم اتأثر علي
شبيج يمعوده كافي
مو حتى الطفل اخترع
كافي والله كطعتي كلبي

كوه سكتنني
وراها كال اميره اطلب منج طلب
كتله كول كال لاتجيبين طاري
الي صار بينه
احلفج بالحسين لادكولين
واوعدج بعد مااعيدها
وبس ارجع أحاول ادور شغل
كتله اصلا اني مانويه اكول لاتخاف
اني مو من هذن الي يطلعن أسرار بيوتهن
اوعدك مراح احجي شي
كال اشكرج هواي
ماكو داعي للشكر
بس خلي نوصل بسلامه
نزلت الطياره بمطار البصره
وراها أخذنا تكسي للعماره 
الله ياريحت هلي
بشوك وبلهفة دخلت لمنطقة اهلي
وصلت رأس الدربونه
وإني بعد ماسيطرة ع ادموعي وياهلي يامن ضيعوني كمت انوح وابجي
وللحكايه بقيه
#ام_مصطفى