(Unicode)
ဘာမှမထူးဆန်းသလို ပြုံးလိုက်သည့် သူမ၏အပြုအမူကြောင့် သတင်းစကားသယ်ယောင်လာသည့် သူငယ်ချင်းနှစ်ယောက်ပင် အူလည်လည်ဖြစ်သွားရသည်။ ပြောစရာရှိသည်ဟုဆိုသည့်အချိန်တွင် ဆိုရီက သူမနှင့်ဆိုင်သည့်အကြောင်းထက် ဂျီမင်နှင့်ပတ်သက်သည့်အကြောင်းကို အရင်သိလိုကြောင်းတောင်းဆိုခဲ့သည်လေ။ ဂျီမင်နှင့်ပတ်သက်၍ သူတို့ပြောလာသည်က 'နင့်ကလေးက အကသိပ်တော်တာပဲဆို' တဲ့။ ဒါ ဆိုရီ သိပြီးသားကိစ္စပဲ၊ ရှင်းရှင်းပြောရရင် သူတို့ပြောလာမယ့် ဂျီမင်အကြောင်းကို ဒီထက်ပိုပြီး ကြီးမားတဲ့၊ လျှို့ဝှက်ချက်တွေ ပြည့်နှက်နေမယ့်အကြောင်းအရာ တစ်ခုခုလို့တောင် သူမ ရင်ခုန်စွာနဲ့ မျှော်လင့်ထားခဲ့တာ။ တကူးတက လူရှင်းတဲ့အဆောင်ဘေးအထိ ဆွဲခေါ်လာပြီးမှ ထင်ထားသလောက်စိတ်၀င်စားစရာမကောင်းတဲ့အကြောင်းကို ကြားလိုက်ရတော့ ပြောစရာရှိတယ်ဆိုတာ ဒါပဲလားလို့လည်း မေး၍မကောင်းသည့်အတူတူ သိခဲ့ပြီးသားအကြောင်းအရာတစ်ခုဖြစ်သည့်အလျောက် ဆိုရီ ပေါ့ပေါ့တန်တန်သာတုံ့ပြန်လိုက်မိသည်။
"သူ ကတတ်တာ ငါသိသားပဲဟာ၊ အဲ့ဒါ ဘာထူးဆန်းလို့လဲ""နင့်ဂျီမင်အကြောင်းကို တွဲနေပြီဆိုတာကလွဲပြီး နင်ငါတို့ကို ဘာမှရေရေရာရာပြောပြထားတာမှမဟုတ်တာ၊ နင်မပြောဘဲ ငါတို့ သူ ကတတ်တာ ဘယ်လိုသိနေလဲဆိုတာက ထူးဆန်းတဲ့ကိစ္စမဟုတ်ဘူးလား ငအူမရယ်"
စိတ်မြန်သည့်ဂါအွန်းက ပြောနေရင်းတန်းလန်းဖြင့် ဆိုရီခေါင်းကို လှမ်းပုတ်လိုက်သည်။ ဒီလိုအူပုံနဲ့ ဆိုရီ သူ့မောင်လေးဖြင့် ဘယ်လိုစခန်းသွားမည်ကိုပင် ဂါအွန်း တွေးရင်း စိတ်ပူလာမိသည်။
"ဟုတ်သားပဲ... ငါနဲ့သူပဲသိတဲ့အကြောင်းကို နင်တို့က ဘယ်လိုသိတာလဲ""ကျောင်းက dance clubရဲ့ leaderက youtubeမှာ ဂျီမင် ကနေတဲ့videoကို သူများတင်ထားတာတွေ့လို့ဆိုပြီး သူ့accountမှာ shareလိုက်ရာကနေ အကုန်ပြန့်သွားတာပဲ၊ ခုဆို ငါတို့တင်မကဘူး၊ တကျောင်းလုံးသိနေပေါ့"