حفصه:ي فاطمه فاطمه....
(( في بيت بسيط جدا... بتعيش بطلتنا..فاطمه.... فاطمه بنوتهه عمرها18سنه..قصيره.. شعرها طويل عيونا عسليه وواسعه.. لونها قمحي. وجسمها منسق تنسيق مبالغه وعندها وجناات لو ابتسمت بتظهر...يعني جميله بمعنى الكلمه بس اتحرمت من نعمه التعليم... طلعت من المدرسه من الصف الثامن....عايشه مع امها حفصه واختها الصغيره إيلاف ابوهم متوفي من سنتين وما خلى ليهم حاجه......))
فاطمه:نعم ي أمي...
حفصه:ي بتي لي ساعه بكورك ليك..
فاطمه:معليش انا اسفه.. بس م سمعتك... اها دايره شنو؟!
حفصه:حاسه ضغطي ارتفع اديني علبه الدواء دييك.
وأشرت ع التربيزه....مشت فاطمه ع التربيزه..بس للاسف لقت الدواء مخلص..وقفت مسافه بتعاين وسرحت بعييد....
حفصه:ي بتي.. اديني الدواء سرحتي وين
فاطمه:يمه..الدواء خلص...انا عندي قريشات بشووف لو بجيبو علبه الدواء.
حفصه:احي ي بتي... عارفه نفسي متعبااك... بس استحمليني قربت ايامي..
فاطمه:ي يمه م تقوولي كدا...الله يديك الصحه والعافيه....
حفصه:الله يحفظك ي بتي....السجمانه ديك م صحت...
فاطمه:هههه ..بصحيها قبل م اطلع...
مشت فاطمه ولبست ليها تووب... وشبشب.... وشالت القرووش...وبقت تصحي في إيلاف...
فاطمه:إيلاف...إيلاف... ي بت..
إيلاف:هاا..مالكي توتا..
فاطمه:قومي ي بت.....انا طالعه اجيب الدواء لي أمي.. قومي نضفي البيت... يلاا..
إيلاف:طيب..حاضر...
(( إيلاف... بنوتهه عمرها16سنه..بتدرس في تانيه ثانوي...مربوعه القامه.. شعرها لي نص ضهرها... عيونا بنيه وواسعهه... طموووحه شدييد... ونفسها الوضع العايشنوا اهلها...
فاطمه:ما آجي القاك ناميه مفهووم...
إيلاف:طيب....
وطلعت فاطمه.. وفي بالا ميه حلم عشان تعملوا.. بس كيف والقرش م متوووفر.......
مشت الصيدليه
فاطمه:السلام عليكم....
الدكتور:وعليكم السلام....
فاطمه:عاوزه الدواء داا...
الدكتور:طيب...
واداها الدواء... ووراها السعر
فاطمه:دا كلووو...
الدكتور:ايواا..بس م مشكله ي فاطمه... شيليهو... وو جيبي لي باقي القروش متى ماعاوزه...
فاطمه:تسلم ي دكتور...
وطلعت فاطمه... وبتفكر ح تعمل شنو لي قداام عشان توفر لي امها واختها العاوزنوا....... واثناء م هي ماشه.. جاات عربيه سايقها شاب طايش.....كان ح يضرب فاطمه بس قبض فرمل.. ومع الفرمل فاطمه اتخلعت والدواء طار من يدها.......نزل الشاب من العربيه... وبقى بهدل في فاطمه....
الشاب:إنتي م بتشووفي.... الناس الزيك ديل سبب الحوادث...... ساارحه وين وقاطعه الشارع....
فاطمه رفعت عينها.. وعاينت لي الشاب.... شاب طوويل معضل... عندو لحيه سكسووكه كدا رهييبه...شعرو مفلفل. ونااعم.... لابس خواتم كتيره في يدو... ولد نضييف بمعنى الكلمه..وهو زاتو سرح في عيونا بس قطع تفكيروا صوت فاطمه.....
فاطمه:الدواء...الدواء مشى وين..
مؤيد:ي عمار البت دي شكلها مسكينه انساها ورانا مشاوير كتييره...
عمار:طيب ي مؤيد... ارررح..
فاطمه:دقيقه هنا ماشي وين....كنت ح تضربني بي عربيتك.... واسي.. اسي الدواء طار بي سببك....
عمار:بي سببي.. ي بت انتي مجنونه...انتي طلعتي لي فجأه عاوزاني اعمل شنوو...
فاطمه:تعمل شنو.. انا م بعرف المهم عاوزه الدواء بتاعي..
عمار:اصنعوا ليك مثلا
مؤيد:ي عمار يووخ ارح...
عمار:طيي طيب.. ارح..وانتي
جدع ليها قروش في وشها....
خليهم معاك...
فاطمه:بس...
عمار ركب العربيه وخلى فاطمه واقفه وفاتحه خشمها.... فاطمه:متعجرف...
فاطمه لقطت القرورش.. كانت قروش كلها خمسينات.. حسبتها لقتا. 300
فاطمه:300😱.....الود دا مجنون... بس انا اسي لازم اجيب الدواء لي أمي...
وسحبت منهم حق الدواء.... ورجعت الصيدليه واشترت دواء تاني....وهي راجعه ع البيت...
فاطمه:انا ح احتفظ بالباقي ديل.. م ممكن اتصرف في قروش م قروشي.....
ورجعت البيت.... وادت أمها الدواء وعملت ليهم فطور.. كان عباره عن صحن فوول بس...
إيلاف:متين الله يرحمنا من أكل الفوول دا..
فاطمه:ي بت أحمدي ربك في ناس م لاقين ياكلوا..
حفصه:اسمعي كلام اختك وبطلي الافتراء الانتي فيهو دا...
إيلاف:طيب.....انا شبعتا... عندي مذاكره كتييره لازم اقعد اقرى عشان بكره عندنا تسميع...
حفصه:هو بكره اي يوم من ايام الله..
فاطمه:بكره الاحد ي أمي.....طيب انا ح اقووم امشي على شغلي الليله اتأخرتا...
إيلاف:الله يقويك..
حفصه:الله يسترك ي بتي...ويديك على قدر نيتك🙌🏻...
فاطمه:أمين ي رب
ومشت فاطمه سرحت شعرا ولبست عبايتا ولفت الطرحه وطلعت....
مؤيد:دا شنو ي عمار.. عاين لمار متصله عليك كم مكالمه..
عمار:م شفتهم خليهم بعد ارجع البيت بتصل عليها....
مؤيد:شكلك كدا مزاجك معكر....
عمار:البت الغبيه القبل شويه دي.... ضايقتني وقفلتا معاي😤....
مؤيد:بس بي صراااحه.. البت سمحه...
عمار:😒سمح اناا..دي غبيه ومتخلفه باين عليها من شكلها....
مؤيد:ع العموم دا رأي شخصي...
عمار:اسي نحنا ماشين ع وين....
مؤيد:ع شارع النيل... الشباب هنااك....ناس أواب وبكري...
عمار:اهاا كويس... نمشي ع هناك.
طبعا دااكي المحاضرات الليله😅
(( طبعا عمار من الطبقه العليه الراقيه..... بدرس هندسه مدنيه السنه الرابعة...ومؤيدكذلك.....))
وصلت فاطمه البيت البشتغل فيهو...طبعا بيت كبيير شدييد وجمييل خالص.. وطوالي فاطمه بتتمنى بيتها يبقى زيو بالظبط❤.....المهم🌸دخلت البيت. ومشت ع المطبخ وبدت فيهو نضاافه.... طبعا ناس البيت بصحو ع الساعه9ونص..عملت ليهم الشاي والكيك... وطلعت غرفه مدام رنين....ضربت الباب ودخلت
فاطمه:مدام رنين... ي مدام..
.رنين:صباح الخير ي توتا..
فاطمه:يسعد صباحك... اا الشاي جاهز..
رنين:طيب نازله امشي صحي أسامه الليله عندو جامعه ع الساعه11
فاطمه:طيب....
(( رنين ام أسامه عمرها 39سنهه مديره اعمال.. زوجها في بريطانيا... وهي مستقره مع ولدا في السودان عشان ظرووف شغلها واهلها وكدا....مشت فاطمه ع غرفه أسامه... عشان تصحيهو...... .))
فاطمه:ي أسامه.. اسامه... ي يلا قووم عشان جامعتك....
أسامه:طيب ي توتا قاايم...
(( أسامه شاب طوويل معضل لونو فااتح شعرو منفووش😂....بدرس هندسه طيران السنه الاخيره شاب محترم ....... وبحب إيلاف اخت فاطمه🙊((
نزلت فاطمه... وبدت تنضف الصاله..... نزلت رنين وشربت الشااي.. وفاطمه جابت ليها الجريده....
رنين:تسلمي ي توتا... الليله عندي اجتماع لوو نجح ح يكوون عندك الحلاوه😉.. لانو انتي فاتحة خيير علي.... كل م اشووفك بتحصل معاي حاجات كويسه شديد ويومي بكون حللو.... مرت سنهه مما اشتغلتي معاي وللان م واجهتني مشكله.. بالجد انتي فاتحه خير علي..
فاطمه:كفايه معاملتك لي... ربنا يفتحا عليك كمان وكمان..
أسامه:صبااح الخيير....
رنين:صباح النور ي منفوش😅. شعرك دا م ناوي تخفضوا...
أسامه:لا..عاجبني كدا....صحي اليووم انا ماشي لي حبوبهه...طبعا كالعاده انتي م فاضيه صاح..
رنين:أسامه صدقني لوو لقيت وقت ح امشي..انا طالعه اغير ملابسي.. وماشه الشركه الليله عندي اجتماع مهم.. ادعو لي.....
أسامه:شايفه ي توتا.... عيلتنا دي م مرتبطه خالص.. بتعرفي واحده اسمها ريناد..
فاطمه:ايواا سمعتا بيها... مصممه تقريبا🤔..
أسامه:بالظبط كدا... دي خالتي... عمرك شفتيها هنا..
فاطمه:خالتك😳.....
أسامه:امم..وعندها ولد وبنت.. بس لينا سنين.. لا جونا ولا مشينا ليهم.. انا عن نفسي كل ما القى وقت بمشي ليهم.. وبمشي لي حبوبهه. بس هم عمرهم م جونا.... تخيلي بنشووفهم بس في التلفزيوون.واحيانا المناسبات
فاطمه:لي في بيناتكم مشاكل....
أسامه:لا بس مشاغل الدنيا..انتو مرتاحين صدقيني....انا طالع بعد اذنك...
فاطمه:طيب......معقووله في ناس جافين للدرجه دي🤔🤷🏻♀..
طلعت رنين ع شغلها واسامه غير ملابسو طبعا شاب انيق شدييد💕... طلع عن جامعتو........
أما عمار مشى مع مؤيد للشباب.. واتونسوا لحدي الساعه7....وهناااك أسامه. مشى لي حبوبتو.. ام رنين.. طبعا عايشه برااها في البيت البيت شبه القصر رهييييب😍....عندها شويه خدم قاعدين معاها جابتهم ليها ريناد بس م ارتاح ليهم...قعد اسامه واتونس مع حبوبتو.. واستاذنها انو يمشي ..
ثريا:ي ولدي م تقعد حبه.. انا م قاعده اشبع منك بس بشوفك من سبت لي سبت أسامه:والله ي حبوبه ثريا مضغوط دا اليوم الوحيد البكون فاضي فيهو عشان كدا بجيك..
ثريا:كتر خيرك ي سمسم... ع الاقل انت احسن من عمار وإينار... انت عارف لي 6شهور م شفتهم خاالص.... وريناد من 3شهور تاني م جاتني..
أسامه:والله ي حبوبه انتي عارفه انو كلهم مشغوولين بس بجوووك.. م تخافي.. يلاا انا طالع
ثريا:طيب ي ولدي الله معاك
وطلع اسامه من بيت حبوبتو...... وهنااك عمار رجع البيت.... عمار:مساء الخير...
إينار:اهلا اهلا.... لينا كم يووم م شفنا بعض
عمار:اممم..اكترمن اربعه يووم..إناره البيت😍
إينار:تقريبا مع اننا في نفس البيت.... اخبارك شنو واخبار جامعتك😁
عمار:انا تمام التمام...وانتي...
إينار:اهوو عايشه معاكم😅.....
(( إينار بنوتهه عمرها 17سنهه بنوتهه قصيروونه😅عثووله شدييد لونها فااتح داخله ع الجامعه طب😍جاابت 78....))
عمار:أمك وين...
إينار:عندها مؤتمر صحفي الليله... ح تتأخر🙃...
عمار:امم طيب....انا طالع انووم شويتين...
إينار:طيب..دقيقه... ااا لمار اتصلت كذا مره وقلتا ليها انك مع اصحاابك...
عمار:كويس ..بنوم وبصحى بتصل عليها...
إينار:طيب....
وهنااك... فاطمه خلصت شغلها.. وعملت الغداء لي رنين و أسامه..وطلعت غرفه رنين فتحت الدولاب واخدت قروشا... اصلا متعوده لانو رنين بتقول ليها تطلع تشيل القروش..بعدين طلعت وقفلت البيت وطلعت..كانت الساعه ماشه ع 8....
عمار طلع غرفتو وي دااب بدا يغمض عيونو سمع صوت لمار تحت.........
لمار:امشي صحيهو لي
(( لمار شابه عمرها 20سنهه بتدرس طب السنه التالته.. طويله مفتريه جميله بس م اجمل من فاطمه طبعا 🙈.....بتحب عمار❤ بس هو عاامل نفسو بحبها... ))
إينار:بس هو ي دااب جاا من براا.....
لمار:م بخصني من الصباح انا بتصل عليهو المفروض يحس ع دمو ويرجع لي....
إينار:طيب طيب....
وطلعت إينار غرفه اخوها عمار... عمار..
عمار:امشي قولي ليها في سابع نوومه... م عاوز اصحى اناا
إينار:طيب....بس لوو قالت طالعه ليك..
عمار:إينار..اتصرفي....
نزلت إينار...
إينار:اا صرااحه لقيتو نايم وشكلو تعبان شدييد.. م هان علي اصحيهو....
لمار:اوووف...طيب انا ماشه بس اول م يصحى خليهو يتصل علي. تمام
إينار:طيب
وصلت فاطمه البيت ومعاها كيس عيش وشويه اكل جابتهم من بيت رنين...صحت امها ولقت إيلاف بتذاكر.
إيلاف:دي شنو الاكله الجاباها دي
فاطمه:ههه..اكلي وانتي ساكته..... دي اسمها مارتديلا..
إيلاف:مارتي..مارتديلا.. اا ايوا قبل مده صحبتي جابتا في المدرسه.. بكره ح اقوول ليهم اتعشيت بيها....
فاطمه:هعهه مجنونه.....
حفصه:المره الشغاله عندها دي شكلها كرييمه شدييد..
فاطمه:اي والله ي أمي.. بس ادعي لي استمر معاها..دعوات ي شيخه حفصه😅..
حفصه:إن شاء الله ي بتي تستمري معاها...
فاطمه:ح اقووم اغسل العده...
إيلاف:لالا انتي تعبتي الليله انا ح اغسلا ليك... امشي نومي انتي...
فاطمه:تسلمي لي... طيب انا ح انووم في الحوش لانو الليله الهواء باارد.....
دخلت الغرفه وفتحت الدولاب وطلعت القرووش بتاعت الشغل حق الليله وختتا تحت الملابس... ووقتها شافت قروش عمار... واتذكرت اسلوبو معاها...
فاطمه:متعجرف...ي رب لمني فيهو عشان اديهو قروشو دي واخلص😤......
وهنااك عمار كان نايم بس فجأه جاهتو عيون فاطمة...قاام مخلووع
عمار:بسم الله... خلاص جنيت ي عمار لمن ماشي تحلم بالغبيه ديك.. نكدت علي يوومي كلوو حتى في أحلامي م مريحاني😤.....يتبع
