طلعوا فاطمه وعمار من البيت..... وكانوا ساكتين فجأه عمار اتكلم
عمار:اووف...بقيت سواقك انا..
فاطمه:لو عاوز ممكن ترجع عادي...
عمار:والله..
فاطمه:اي انا جاده... عادي ممكن امشي براي..
عمار:بس المشكله انو ما بقدر ارجع عشان حبوبه موصايني م ارجع الا اوصلك....
فاطمه)بي صوت منخفض(:ع اساس بتسمع الكلام.....
عمار:نعم؟!فاطمه:ولا حاجه....
فضلو ماشين..... عمار جاتو مكالمه من لمار....
عمار:آلو...
لمار:حبيبي...سلامتك..
عمار:سلامتي..?!
لمار:مؤيد قال لي انك وقعتا في الحمام.. الف سلامه..
عمار:تسلمي ي عمري انا
فاطمه عاينت لي عمار كدا واتقدمت
لمار:المره الجايه انتبه ع نفسك ي روحي..
عمار:حاضر حياتي...
لمار:مشتاقه ليك...
عمار:وانا كمان ي عمري... بس اسي مشغول بتصل عليك بعدين تمام....
لمار:تمام...
فاطمه ماشه وبتتكلم براها....
فاطمه)بي نرفزه(:ماعارفه حاباهو على شنو المايعه ديك... الله يهديها بس... دا بحبو فيهو شنو
فاطمه ماشه وبتتكلم...وباين عليها زعلااانه.. وكانوا في شابين في الشارع...
الاول:الجميل زعلان مالو...
التاني:لاكين صراااحه مزه مزه.....
فاطمه:اووف احترم نفسك انت وهو...
الاول:لي كدا المزعلك منوو.
التاني مسك يدها من المعصم........
وفى اللحظه دي جاا عمار.... التقول من قبيل ماشي بي نمله.......
فاطمه:فكني ي متخلف....
عمار:كدا دقيقه دقيقه.....فك يدها...
الاول:وانت منو كمان..
عمار:اسمعني فك يدها بعدين بتعرف انا منو..
الاول:عاين م بفكها وداير تعملوا اعملوا..
عمار:كدا..
فاطمه:عمار..خلينا نمشي..
عمار:انتي اسكتي.. واقيفي بعيد
فاطمه:اسمع كلامي وارح..
عمار مسك فاطمه من يدها... ووقفا جمب شجره..... وعاين ليها في عيونا
عمار:استنيني هنا وما تخافي.. امم..
فاطمه:اممم..
ومشى عمار ع الشباب👊🏻....
عمار:انت كنت ماسك يدها لي😠?!
الاول:الدخلك شنو.... حبيبتك هي😅..
عمار:اسي ح تعرف لو حبيبتي ولا لا😠👊🏻..
وضرب الشاب الاول ضرب نضييييف شدييد👊🏻👊🏻😠...بس جرحو في يدو بالمطوه💔😢.. والتاني جراا...فاطمه جات جاريه ع عمار😢.. وشافت الدم في يدو...مسكت يدو❤...
فاطمه)بي خوف ودموع(:دا شنو....
عمار:م تخافي مافي شي..
فاطمه:انت مجنون.. يدك بتنزف😢💔...
وقامت طلعت الخمار اللفي راسا... وربطت لي عمار يدو
عمار: م تخافي جرحه بسيطه.... وبعدين الحصل دا كلو بي سببك😠.... لي واصلتي الطريق برااك.. مابتقدري تصبري اخلص مكالمتي حتى نمشي سواا😠...
فاطمه بتعاين لي عمار وعيونا كلها دمووع😢😢......
عمار:افترضي اسي الشباب ديل أذووك😠.... او عملو ليك اي شي.. انا كنت ح اعمل شنو😠)فاطمه عاينت ليهو بي استغراب(...قصدي. انا كنت ح اقول لي حبوبه شنو؟!
فاطمه:انا اسفه💔....
عمار:طيب جيبي يدك... عشان لمن اتكلم بالتلفون تاني م تمشي بعيد مني❤..
طوالي عمار مسك يد فاطمه❤🙈... طبعا قلبها عمل شححححححح😂💔.......وبقوا ماشين ...عمار بسأل نفسو هي بالجد كانت خايفه علي❤.... وفاطمه كذلك كانت بتفكر اذا هو خايف عليها ولالا❤..... ماشين وماسكين يدين بعض❤🙈.. وساكتين.. لحدي ما وصلا البيت
عمار:تصبحي ع خير
فاطمه:لمن ترجع البيت اعمل للجرحه معقم.. او مويه ملح💔😢.... وشكرا....
ودخلت فاطمه البيت وقلبها كان بدق شديد❤.... اما عمار طول الطريق وهو بفكر فيها ويعاين لي يدو ويبتسم😅.............
صباح اليوم التاني🌸🌸
صحت فاطمه كالعاده بدري وصلت وعملت الشاي....ايلاف جات عشان تشيل منها القروش
فاطمه:اتفضلي..وانتبهي في حصصك وما تتإخري😇..
إيلاف:حاضر..
فاطمه:انا عارفه انك منفسنه الايامات دي💔... بس الوقت كفيل بي انو ينسيك وجعك😢💔..
إيلاف:انا ما موجوعه....انا بس بحبو❤... يلا سلام..
فاطمه بقت مستغربه في ايلاف... يعني معقوله هي واسامه حبهم كبير للدرجه دي😢💔.... المهم طلعت ومشت ع شغلها......عملت لي ثريا العصير😇..... وكانت مستنيه ثريا تقول ليها طلعي العصير لي عمار😍..بس ما قالت ليها💔
فاطمه:ااا..اطلع العصير لي عمار❤?!
ثريا:عمار طلع قال ماشي يذاكر برا مع اصحابو..
فاطمه:اممم..
ورجعت فاطمه المطبخ وسرحت... واتذكرت تفاصيل امبارح وبقت تبتسم ساااي😂.........عمار طلع مشى مع ناس مؤيد البحر😍.....
عمار:البحر شكلو حلو❤..
مؤيد:اي شديد.. بس كفاره ي معلم.. يدك مالا🤔...
عمار:حاجه بسيطه..
آواب:مشكله بي سبب بت🤔..
بكري:في زول شاغل لمار ولاشنو😉..
عمار:بطلوا حركاتكم دي...
مؤيد:اها يدك ماالا..
عمار:اتشاكلتا مع شويه شباب😒👊🏻..
آواب:السبب..
عمار:مزاج..بطلوا تشغيلاتكم دي..... انا ماشي..
مؤيد:على وين..
عمار:ماشي البيت عندي شويه شيتات.. وغير كدا عاوز اشوف إينار اشتقتا ليها..
مؤيد:كويس والله نحن ماشين ناكل سمك😍😍..
عمار:حظكم يلا سلاام..
الشباب:سلاام...
اما رزان مشت بيت حبوبه ثريا عشان تودي العربيه... ومالقت عمار
ثريا:يعني الطلعه شباب بس؟!
رزان:اي تصدقي ي حبوبه طلعوا خاينين☹....م فرقت المره الجايه..
فاطمه:رزان ازيك..
رزان:ي اهلين😇...
فاطمه:اا عمار م جاا..
رزان:عمار...بس عمار ما كان معاي.... طلع مع ناس آواب.... اناماشه البيت ي حبوبه عندي مذاكره..ودي المفاتيح
ثريا:طيب ي بتي ربنا يوفقك....
رزان:امين ي سلام ي فطووم😊....)
عمار وصل بيتهم... فتحت ليهو الباب الحبشيه.. طلع لي إينار فوق في غرفتا.... ضرب الباب
إينار:ادخل
عمار:ما اشتقتي لي..
إينار:عمار😍)وجرت عليهو وحضنتو❤(والله والله اشتقتا ليك😍.... نسيتني مما مشيت لي حبوبه صاح
عمار:انا اقدر كمان😉.....بس ياهو مع الامتحانات وكدا... ودا السميستر الاخير عشان كدا..
إينار:ولا اتصال ساي☹..
عمار:طيب انتي ما تتصلي.. ي مستهبله.... امي لسه ما
جات.....
إينار:الليله ح تتأخر
عمار:هي طبيعي بتتأخر😤.... المهم انا ماشي غرفتي اشيل كم حاجه وطالع..
إينار:تمام..انابكره لو ماما خلتني بجي بقيل مع حبوبه..
عمار:تماام...
مشى عمار غرفتو وشال الحاجات الدايراا... وطلع..........اتصلت عليهو لمار.... وقالت عازماهو غداء....ووافق....وهناك فاطمه يوما ما كان حلو حست انو اليوم ناقص لانو عمار مافي البيت وما اتغالظ عليها..........
اما عمار طلع مع لمار حته راقيه وهاديه...وجابوا ليهم الغداء
لمار:رايك شنو في المكان😍...
عمار:حلووو❤...
لمار:عمار..دا شنو الفي يدك دا😢..
عمار:مافي شي. بس ضربتا يدي في الباب..
لمار:المره الجايه انتبه.....
عمار:تمام....انا اتأخرتا... لازم امشي..
لمار:طيب..بس اوعدني تتصل علي بعدين..
عمار:تمام...يلاسلاام....
عمار طلع من المحل...... واخد ليهو امجاد للبيت.... فاطمه كانت مضايقه شديد.........عمار وصل البيت...... لقى فاطمه بترص الغداء....
عمار:حبوبه وين؟!
فاطمه:فوق...ح امشي اناديها..
عمار:امشي😒....اا بس دقيقه..
فاطمه)بي لهفه(:هاااا😇...
عمار:انا طالع ليها...
وطلع لي حبوبتو.... ونزل معاها....وقعدت في السفره وبدت تأكل.... ثريا:انت لي ما بتأكل..
عمار:لمار عزمتني غداء😊..
طبعا فاطمه اضايقت اكتر.. وقالت جواها.. يعني هو الوقت دا كلو كان معاها😒👊🏻.......
ثريا:ايوااا...فاطمه اعملي لي قهوه ممكن..
فاطمه:حاضر😇..
ودخلت فاطمه المطبخ وبدت تسوي في القهوه... عمار جا داخل المطبخ عشان يشرب عصير.. سامع فاطمه بتتكلم مع روحااا
عمار:انتي كويسه....
فاطمه)بي نرفزه(:اي كويسه شايفني بنكش في شعري😒...
عمار:ههههه اهدي شويه....بس حبيت اطمن عليك م اكتر.... اوو اصلا ايامك قربت💔..
فاطمه:هههه وانا مصره اني ما طالعه من هنا... بييس...
مرر اليوم وفاطمه كانت مضايقه... وعمار م اشتغل بيها الشغله😢😂...........
بعد العشاء زي كل يوم عمار بوصلا البيت...... وهم في الطريق اتصلت لمار...
عمار:الو....
لمار:حبيبي..م اتصلتا قلتا اتصل انا❤..
عمار:خير ماعملتي ي حبي❤..
فاطمه كانت عاوزه تمشي بس عمار مسك يدها😍.......وضغط عليها🙈
لمار:حبيبي مشيت وين
عمار:معاك ي حياتي❤... رجعتي البيت؟!..
لمار:اااي...وانت في البيت..
عمار:اا لالا انا ماشي مع واحد صحبي...
طبعا فاطمه عاينت ليهو كدا😒.......وفكت يدها منو
عمار:اا لمار بتصل عليك تمام..
لمار:اوكي❤..
قفل من لمار ولحق فاطمه....
عمار:فكيتي يدي لي😒..
فاطمه:عشان انا ما صحبك😒👊🏻..
عمار:ههههه...عاوزاني اقول ليها شنو... ماشي مع الغبيه😒..
فاطمه:ههه متعجررف😒....
عمار:عايني الشوارع دي كعبةة.. عشان كدا احسن ليك جيبي يدك..
فاطمه:ابيت...
عمار مسك يد فاطمه غصبا عنها🙈❤.........وهي بتحاول تجرها.. بس هو حلف لو يفكها😂😂💔.......المهم بقوا ماشين في الشارع.. عمار من جواهو مبسوط انو ماسك يدها❤.. بس ماعاوز يظهر لي فاطمه الحاجه دي💔... اما فاطمه كذلك كانت مبسوطه❤ بس ما عاوزاهو يشوف الحاجه دي💔.........وصلا البيت
عمار:تصبحي ع خير ي غبيه😒.....
فاطمه:وانت من اهلو ي متعجرررف💔....وكان لسه ماسك يدها🙈❤🙊.... احم
عمار:مالك
فاطمه:يدي😅...
عمار:اووو..نسيت..))فاطمه ابتسمت ليهو ودخلت كان قلبها عايز يطلع من الفرح💔❤😂... في حاجه جواها هي مافاهماها.. بس فاهمه انو الحاجه دي حلوه... ونامت وهي مبسوووطه😍😍😴😴..... ......
محمد كان بفضي في الخزنه....... لقى شويه ورق موقعاهو نور.... ورق تنازل بي نص املاكها... بس الطرف التاني اسمو ما كان ظاهر......
محمد:تنازل؟!ي ربي نور اتنازلت عن نص املاكها لي منو🤔
يتبع
