عمار:أمي
ريناد:عمار ازيك..
عمار)توتر(:انا تمام... وانتي؟!
ريناد:تمام...بس م ح تخليني ادخل..
عمار:تدخلي وين..
ريناد:
عمار:ااا اتفضلي....
عمار في جواهو الله يستر.....طبعا دخلت كدا ثريا اتفاجأت
ثريا:اخيرا اتذكرتي انو عندك ام
ريناد:ماكدا ي امي بس مشغوله شويتين
ومشت ع امها وحضنتا......
إينار انتي لي م كلمتيني انك جايه... رجعتا البيت الحبشيه قالت لي انك هناا..
ثريا:يعني جاي عشان بتك كتر خيرك ي بتي...
ريناد:والله م كدا ي امي.. اكيد برضو جايه عشان اشوووفك...كيف صحتك؟!
ثريا:الحمد الله...
ريناد:ااا لمار كلمتني انك جبتي شغاله جديده..
ثريا وعمار واينار:...
عمار:اجازه..ااا.. الليله حبوبه ادتا اجازه..
ثريا:ااا..ااي اديتا اجازه.... وانتي مالك واقفه اقعدي ناكل.....
ريناد:طيب انا بمشي اجيب باقي الاكل
عمار لمح ليك فاطمه شايله الصحانه. طالعه من المطبخ....
عمار:ااا لالا ي امي.. انا.. انا بمشي بجيب باقي الاكل.. انتي ارتاحي...
ريناد:غريبه....طيب امشي..
فاطمه شايفه عمار جاي عليها وهي لسه مواصله في مشيها...... وهو بأشر لينا م فهمت منو شي....
فاطمه:في شنو..
عمار:هشششش..تعالي..
ودخلا المطبخ....
فاطمه:في شنو..
عمار:هشش..اتكلمي براحه....
فاطمه)بي صوت واطي(:لي
..عمار:امي جاات وقاعده برااا....
فاطمه:مدام ريناد..
عمار:ياها....المهم خليك هنا وماتطلعي لي اي سبب من الاسباب مفهووم... جيبي الصحانه ديل...
وشال منها الصحانه واخدهم للسفره.......
ريناد:بتصنع فيهو اتأخرتا كدا....
عمار:هههههههعهه......
المهم قعدوا يتغدوا.. وعمار وإينار وثريا بعاينوا لي بعض....... وكلهم خايفين انو ريناد تعرف انو فاطمه هناااا.... وفاطمه في المطبخ اتوترت.. وشغاله تدعي
فاطمه:ي رب.. ي رب انا عارفه حظي فقر... بس ي رب انقذني المره دي.... لانو لو المرأه القاعده برا دي عرفت بي وجودي هنا... اكيد ح تتسبب في طردي..... اوووف ي رب...
خلصوا غداء وإينار لمت السفره.......وريناد كانت ماشه ع جهه المطبخ عشان تغسل يديها......عمارجا وقف قداما
ريناد:مالك ي ولد..
عمار:عاوزه شنو من المطبخ؟!
ريناد:عاوزه اغسل يديني... زح...
عمار:ااا...ممكن تغسليهم في الحمام...... م ضروري في المطبخ....
ريناد:ي ود مافي حمام براا الحمامات كلها في الغرف.. وانا م عاوزه اطلع فوق...
ثريا:تعالي معاي ي ريناد.. خشي الحمام بتاع غرف الخدم..
ريناد:عاوزاني انااخش حمام الخدم..
ثريا:انتي عاوزه تغسلي يدينك بس.... وبعدين... الماسوره بتاعت المطبخ بايظه ومويتنا قاطعه.... بكره حتى اجيب السباااك... يلا تعالي...
ريناد:اووف طيب....
وطوالي عمار دخل المطبخ لي فاطمه... ومسكا من يدها
عمار:عايني لوبقيتي قاعده في المطبخ امي ح تكشفك.. تعالي معاي..
فاطمه:على وين..
عمار:يووخ تعالي😤..
ومشى عمار ودخلا غرفتوووو......
عمار:اقعدي هنا... اصلا امي م ح تفكر تجي هنا.. تمام...
فاطمه:طيب....
ونزل عمار تحت...... ولقى إينار جهزت العصير.... طبعا كلهم متوترين😂😂💔.... ريناد لاحظت ليهم متوترين.. قامت عحيلا.. كلهم قاموا😂😂😂👊🏻👊🏻
ريناد:مالكم🙄....
عمار:ااا..ولاشي...
ثريا:خههههه عادي بتحصل يلا اقعدو😄...
فاطمه كانت فوق ومضايقه.... ولانها بتحب القرايه شافت ليها دفتر صغيروني كدا في الدرج مشت عليهو... مكتوب عليهو من برا.. "أريد من تفهمني❤"...عجبها العنوان شديد طوالي فتحتو.. وبدت تقرى فيهو....
(("ليتني اجد من تفهمني❤... اجد من تحتويني💞...وتغمرني بالعشق💓... اجد من تجد الحياه بي💖.... ليتني اجد انثى سعادتها ابتسامتي💕💕.. وحزنها تكشيرتي💔... ليتني اجد انثى تعتني بي اكثر من ادوات مكياجها🖤.... انثى تحبني حد الجنون❤.... واعدها انني سأغرم بيها حد الابتلاء❤......الخ"))فاطمه كانت بتقرى في الدفتر ومبسووطه شدييد😍... بس رجعت ختتو.. واتكلمت مع روحا👊🏻😂😂
فاطمه:مستحيل يكون المتعجرف دا كاتب الكلام دا😒.... دا عندوجفاف كيف يكتب كلام زي دا😒....
طبعا اصحابنا قاعدين ع اعصابهم وفي حاله قلق👊🏻😂😂💔
