ريناد:عشان تاني م تثقي ليك في شغاله..... يلاا صحصحي عشان تمشي الشركه وانتي مروقه.. بتصل عليك بعدين... سلام
رنين:سلام....
قفلت ريناد الخط.. وابتسمت لي عمار ابتسامه خبيثه كدا.....
عمار:انا كدا شفيت غليلي منها...
ريناد:بس تاني اووعك تعيدها.....يلااامشي عشان تحصل محاضراتك...
وطلع عمار من غرفه المكتب.... ومشى ع غرفتو... بس مع الاسف الحوار الدار دا كلو من الالف للياء سمعتو إينار.............
وهناك رنين نزلت ومالقت شاي جاهز... عملت الشاي.. وعملت الكيك.... بعدين اسامه نزل
أسامه:صباح الخير ي أمي...
رنين:طلعت هي الاخدت القروش...
أسامه:نعم....
رنين:توتا...توتا هي الاخدت القروش..
وحكت ليهو الحديث الدار بينها وبين ريناد....
أسامه:برضو ي أمي انا مصر في شي غلط في الموضوع دا..
رنين:لالا م في شي غلط... بس نحنا وثقنا فيها زيادة ونسينا هي شنو
أسامه:بس ي أمي...
رنين:انا طالعه ادوووش...
أسامه خلص الشاي.. وطلع دور عربيتو.... وهو ماشي في الشارع كالعاده طبعا لقى إيلاف..... ركبت العربيه وصبحت عليهو....وسألها عن حاله فاطمه بعد الحصل....
إيلاف:ما كويسه.....خالتك اهانتا شديد.... وأمك طردتا من الشغل...
أسامه:انا ممكن اقنع أمي انها ترجعها الشغل..
إيلاف:حتى ولوو امك اقتنعت.... فاطمه تاني مستحيل ترجع... عارف لي.. لان كرامتا وكبرياء اهم ليها من كنوز الدنيا كلها....
أسامه:معاك حق......وصلنا..يلا انتبهي ع نفسك..
إيلاف:حاضر..وانت كمان....
ودخلت إيلاف المدرسه... قبل أسامه ما يتحرك جاهر اتصال من رقم غريب ....
أسامه:ألوو..
إينار:ي أسامه.. ازيك.. انا إينار..
أسامه:ي هلا إينار كيفك..
إينار:تمام..بس في موضوع ضروري لازم اناقشك فيهو..
أسامه:موضوع شنو؟!
إينار:موضوع بخصوص شغالتكم..
أسامه:توتا..
إينار:اااي..المهم انت في امدرمان ولا في الخرطوم..
أسامه:ماشي ع جامعتي..
إينار:طيب نتلاقى في كافتيريا).....(
أسامه:طيب تمام...
فاطمه قاامت ورتبت البيت...... ولبست عبايتا... لمن وصلت باب الشارع اتذكرت انو هي اطردت من الشغل.....رجعت وبدت تبكي.....شويه كدا وسمعت صوت الباب... فتحت الباب لقتا رنين ومعاها ريناد.
فاطمه:مدام رنين..
ريناد:خفتي من السجن عشان كدا رجعتي القروش صاح..
رنين:أاخر حاجهه كنت متوقعاها منك... انك تخوني ثقتي..
فاطمه:انتو بتتكلموا عن شنو
ريناد:خلاص بطلي استهبال... انا الليله الصبااح لقيت ال6مليوون في تربيزه المكتب.... انا م عارفه كيف قدرتي تدخلي البيت.. بس المهم انك جبتيهم..
فاطمه:لالا انا ما طلعتا من البيت...للمره الالف برجع وبقوول ليك انا م سرقتا شي....
ريناد:اصلا واحده زيك اكيد ح تحاول تبرئ روحا.. بس انتو دايما بتعاينوا للحاجات المابتخصكم...
فاطمه:كفاايه...بعد كدا انتي اتخطيتي حدودك....
رنين:انا طردتك الليله من الشغل.. ومستحيل ارجعك
فاطمه:وانا م عايزه ارجع.. ولا بشرفني أرجع بيت ناسو م بثقو فيني.... كرامتي فوق اي شي.... في داهيه الشغل والقروش اللْي لحست مخكم 😠...
وطاااخ قفلت الباب في وشهم
ريناد:شايفه فووق ما انها حراميه 😒وكمان لسانها طويل😠....
رنين:المهم...الحمد لله الخلصتا منها....
فاطمه بكت😭😭😭😭.. وبكت.. بعدين مسحت دموعا😪.... وطلعت عشان تفتش ليها شغل........
اما أسامه وإينار اتقابلوا في الكافتيريا وحكت ليهو الشي السمعتو....
أسامه:يعني عمار عمل كدا عشان يكسر فاطمه ويطلعا حراميه قدامنا😡
إينار:بالظبط كداااا... المهم خالتو رنين لازم تعرف الحاجه دي😥.... لانها لو طردت فاطمه ح تكون ظلمتا...
أسامه:لا بالاول فاطمه لازم تعرف بعدين نكلم أمي....أررح ليها في البيت..
إينار:طيب ومحاضراتك..
أسامه:فاطمه أهم😇....
وطلعوا من الكافتيريا.. ورجعوا امدرمان..........أما عمار أخر وجااهه😍... ومبسووووط من نفسو شدييد😌.... بس م كان عاوز يفووت شوفت فاطمه والدموع في عيونها وهي منهاره💔....بس ح يشوفا وين....
عمار:اممم....زي م الصدف جمعتنا في الاول... كفيلا اسي تجمعني بيك ي غبيه 💔.... واشووف دموعك وكبرياءك الانكسروا من تحت راسي....
فاطمه لفت لمن كرعيها وجعوها...في الاخر لقت ليها عماره وسألت لو عاوزين شغاله او كدا..... البواب طلعا الدور الاول الشقه التانيه.....فتحليها الشقه... شاب طويل.... اسمر.. بس فاطمه مما شافتو م ارتاحت ليهو المهم دخلت..... ولقت معاهو مره كبيره.......
فاطمه:انا اسمي فاطمه عاوزه لي شغل... ومحتاجه ليهو ضروري😔...يعني انا مستعده انضف البيت كلو اغسل واكوي و اكنس وامسح.. بعمل اي شي☹...
سوزان:طيب ي بتي.. انا خالتك سوزان زي ماشايفه انا م بقدر اقوم من الكرسي دا😓... عشان كدا عاوزه لي واحده تساعدني في البيت..ودا ولدي ناجي😇...
ناجي:اها يا فاطمه...بتأخدي كم في الشهر..
فاطمه:في شغلي القديم كنت باخد700....
ناجي:طيب انا ح ادييك. 800تمام..
فاطمه:800😳....
ناجي:ايوا بس انتي اهتمي بالبيت وبي أمي....
فاطمه:طيب تمام... بس ممكن ابدا شغل بكره.. لانو م كلمتا ناس البيت..ناجي:طيب بس تعالي بدري..
فاطمه:حاضر....
فاطمه طلعت من البيت وحمدت ربها.... اما ناحي كان بعاين لي فاطمه بي نظرات كدا م كويسه👊🏻.......
وهنااك وصلوا إينار و أسامه البيت...وضربو الباب فتحت ليهم حفصه😇.....
أسامه:أزيك ي خاله☺..
حفصه:أهلا ي ولدي اتفضل😊..
ودخلوا قعدوا في البرندا..... إينار عجبها البت لانو بسيييط😀.......
وقعدت معاهم حفصه
حفصه:دي اختك ي ولدي؟!..
أسامه:ااي بت خالتي..
حفصه:كيفك ي بتي ان شاء الله طيبه🙂...
إينار:بخير الحمد لله😊
إينار لمن سمعت كلمه بتي منها.. حست بي حاجه غريبه شديد. بس كان احساس حلو لمن سمعتا😇....... بعد شويه جات داخله فاطمه
فاطمه:لي ي يمه خليتي باب الشارع فاتح... وو.. أسامه😳..
أسامه:توتا ازيك😇..
فاطمه:انا تمام😊....
ومشت ع اتجاه امها... باست راسها...بعدين سلمت عليهم....
أسامه:دي فاطمه.. ودي إينار بت خالتي..
فاطمه:ي هلا... اتشرفنا..
إينار:الشرف لي😀.....
فاطمه:ما شربتو مويه صااح..
إينار:لا ما عاوزين.. نحنا جاينك في موضوع مهم..
فاطمه:اكرمكم بالاول بعدين الموضوع😇.....
دخلت المطبخ.... جابت كبايتين نضااف..
ومشت ع الزير شالت منو مويه...
فاطمه:اتفضلواا......دقيقه ي يمه اجيب ليك الدواء مواعيدو جات..
مشت فاطمه جابت الدواء لي امها..... طبعا إينار مستغربه فيها.. وكيف باره امها بالشكل دا🙂...... اعجبت بي فاطمه شدييد💋
فاطمه:اطبعا جايين عشان موضوع السرقه صاح...صدقني ي أسامه انا.😥💔
أسامه:من غير ما تبرري انا متأكد انك م شلتي القروش😇.....
إينار:الشال القروش زوول تاني....
فاطمه:زول تاني؟!منو...
إينار:عمار ..
وبدت إينار تحكي لي فاطمه عن القصهه.........فاطمه دموعا جوا نازليين😭.....
إينار:عمار من النوع الما بحب زوول يغلط عليهو.... ولو غلط بدفعوا التمن.. زي م عمل معاك.....
أسامه:المهم اسي لازم امي تعرف عشان ترجعك الشغل..
فاطمه:لا...مدام رنين ما لازم تعرف.... انا مستحيل ارجع ع الشغل..... لانو فقدتا كرامتي😔.. ومدام رنين فقدت الثقه فيني😪...اساسا انا لقيت شغل تاني😀....
وقالت في قلبها..... بي سبب لماضتي مع الولد المتعجرف خسرتا شغلي😔😔...........
((يتبع
