رجعت رنين البيت زي الساعه10وكانت مبسوووطه شديد لانو الاجتماع كان ناجح..طلعت غرفتا وغيرت ملابسها.. ونزلت.. اسامه جاا داخل....
أسامه:مساء الخير
رنين:ي هلا مساء النور.. كيف كان يوومك..
أسامه:مشيت الجامعه... وكان عندي محاضره وااحده. وبعدين كالعاده مشيت لي حبوبهه ثريا.....
رنين:اها لقيتا كيف؟!
أسامه:صحتها كويسه... بس.. بس هي تعبانه نفسيا نفسها تجوو انتي وخالتو ريناد.. وعمار وإينار وتكونوا حولينها...
رنين:ااي فعلا حتى نحنا محتاجين نتلمى عندها.. بس زي م شايف.. المشااغل..
أسامه:بس الاسره اولى واهم... ع العموم انا عارف مهما اتكلمتا في الموضوع دا مافي شي ح يتغير... يلا تصبحي ع خيير...
رنين:وانت من اهل الخيير...
وكذلك هناك ريناد رجعت البيت....
إينار:ماما
ريناد:ي قلبها كيف كان يومك...
إينار:عادي....زي كل يووم انتي مشغوله في شغلك.. وعمار في الجامعه.. او مع اصحابو.... وانا هنا براي...ماما نفسي امشي لي حبوبهه ثريا...
ريناد:امممم....طيب.. نمشي ليها بس م اسي امم.. يلا تصبحي ع خير....
(( ريناد ام لي عمار وإينار.. بتحب السلطه شدييد.. مصممه ازياء وعندها معرض سيارات.. زوجها علاء الدين اتوفى من قبل 5سنوات))
إينار:وانتي من اهل الخير....
الصبااااح صحت فاطمه بعد اذان الصبح وصلت.. وصحت إيلاف. عشان تصلي وتجهز للمدرسه......ومشت المطبخ جهزت ليهم الشاي.....وادت امها الدواء
فاطمه:يلا ي إيلاف... اطلعي بتقفي ساعه في المرايه التقوول عروس...يلا ي بت اطلعي..
إيلاف:طلعتا.....
فاطمه:اتفضلي.. ادتها 10جنيه بتكفيك صااح؟!
إيلاف:امم..م تفكري فيني كتير.. ح تكفيني.. يلاا سلاام..
فاطمه:م تتأخري
إيلاف:طيب..
ومشت فاطمه رتبت الغرفه.. واخدت الملابس الوسخانه ولمت العده ........أما إيلاف كانت ماشه في الشارع مساافه بعدين وقفت ليها عربيه....
أسامه:إتأخرتا عليك
إيلاف:يعني...
أسامه:طيب يلا اطلعي..
وطلعت إيلاف مع أساامه...طبعا بحبو بعض ليهم 6شهور..ومتعلقين ببعض شدييد...وصلها في الشارع الوراء المدرسه.. دايما بنزلا هناك لانو م عاوز يعمل ليها مشاكل
أسامه:انتبهي في الحصص وخلي بالك من نفسك... تمام..
إيلاف:تماام...وانت كمان انتبه ع نفسك.. يلا سلام..
أسامه:سلاام حبيبتي....
وهنااك فاطمه خلصت نضافه البيت.. وختت لي امها الفطور وطلعت على شغلها........وكالعاده عملت الشاي والكيك.. وصحت رنين...نزلت رنين وشربت الشاي وفاطمه جابت ليها الجريده..... رنين:أمبارح الاجتماع كان ممتاز....بس لانك بتجيبي لي الحظ...
فاطمه:ههههه لالا بس دا ربنا سهلها عليك لانك زوول طيووبه.....
رنين:طيب انا ح اطلع اخد دووش.. وطالعه ع الشركه.. انتي نضفي ورتبي البيت بعدين شيلي القروش.. وشيلي زياده من الخزنه بتاعت الدولاب..في حوالي500جنيه..شيلي.. 200جنيه كزياده... تمام..
فاطمه:طيب تمام....
))في بيت ريناد((
إينار:صباحووو ماما..
ريناد:يسعد صباحك😊... وين عمار..
إينار:لسسه نايم😴....
ريناد:امم.طيب صحيهو لي ضروري عاوزاهو يمشي بيت خالتك رنين... عندي شنطه قروش لازم يمشي يجيبها...
إينار:خالتو رنين؟!ماما لينا منها زمن هي وولدا أسامه....
ريناد:امم مشغوليات عشان كدا... يلاا قومي اسمعي الكلام وصحي اخووك..
إينار:طيب تمام
وطلعت إينار عشان تصحي اخوها.. كان بتكلم مع لمار..... عمار:طيب ي لمار.. ااي وعد.. ح نطلع... طيب بتصل عليك...صباح الخير🌸
إينار:يسعد صباحك🌸...ماما عاوزاك تحت...
عمار استهتارواستغراب :منوو؟!
إينار:ماما..
عمار:اووووو...طيب ح اخد دورش وانزل ليها...
رنين كانت طالعه جاها اتصال من ريناد
رنين:الو ي ريري😍...
ريناد:ي هلا صباح الخير🌸
رنين:يسعد صباحك🌸....
ريناد:بالنسبه لي شنطه القروش...انا ح ارسل عمار يجي ويشيلا..
رنين:طيب ..بس انا طالعه.. لاكين م مشكله بلقى فاطمه بتديها ليهو..
ريناد:فاطمه منو؟!
رنين)بي صوت منخفض(:الشغاله...
ريناد:رنين..انتي جاده ح تسلمي شنطه فيها 86مليون لي شغاله😳...
رنين:ي ريناد انا واثقه فيها عشان كدا 😇بس رسلي عمار وهي ح تديها ليهو.. تمام..
ريناد:طيب تمام.....
نزل عمار....
عمار:صباح الخير🌸..
ريناد:امم صباح النور... اقعد افطر...
عمار:بفطر براا م عندي نفس اسي... خير أينار قالت انك عاوزاني....
ريناد:اممم..عندي شنطه قروش عند بيت خالتك رنين.. ح تطلع ع هناك تجيب الشنطه وتحصلني ع المعرض... مفهووم
عمار:امم..طيب مفهوم بس ممكن توصفي لي البيت لانو لي زمن منهم نسيتو بي وين...
ريناد:في امدرمان المهندسين.....أول م تصل هنا اتصل علي وبوصف ليك تنزل وين وتعرف البيت كيف..
عمار:طيب....
في بيت رنين
رنين:ي توتا.. توتا..
فاطمه:نعم ي مدام...
رنين:امسكي الشنطه دي بعد ساعه من اسي ح يجيك شاب طويل كدا... لونو اسمر ...دا عمار ود أختي اول م يجي ضيفيهو واديهو الشنطه دي مفهووم..
فاطمه:طيب..... مفهووم😇
رنين:ولووو تعبتي من النضافه ارتاحي شويه وبعدين كملي😊.. تمام..
فاطمه:طيب حااضر🌸..
وطلعت رنين ع شغلها.. وفاطمه شالت الشنطه وطلعتا غرفه رنين....ونزلت كملت شغلها..........
اما عمار طلع ع غرفتو وطلعليهو قميص كبدي وبنطلون أسود...وساعه كبديه وجزمه كبديه❤..واتعطر وطلع❤.........
اما لمار كل دقيقتين تتصل عليهو..
عمار:ي لمار اسمعيني عندي شغله مهمه ح اقضيها وبتصل عليك عشان نتلاقى....
لمار:كل مره كدا.. بس تمام خلص شغلتك دي واتصل علي باي😘
عمار:باي😘......اووف ثقيله بي شكل😒......
وصل عمار المهندسين واتصل ع امو....
ريناد:اها وصلتا؟!
عمار:ااي اسي تقريبا في ال28
ريناد:ايواا طيب اسمع.....
ووصفت ليهو البيت.......امافاطمه كانت بترتب وبتمر في الاثاث بتاع البيت.. انتبهت لقت جلبابها اتغبر واتوسخ...
فاطمه:لالا ياااا...دا وقت الجلباب يتوسخ... بما اني خلاص قربتااخلص.. اتمر البيانو دا.. واطلع اشووف شي من الملابس الادتني ليهم مدام رنين...
وفعلا بدت تتمر البيانو.. وخلصت.. طوالي طلعت غرفه الضيووف.. وبدت تفتش لقت ليها فستان لونو جواافي كدا رهييب😍.. بس قصيير.😢..يعني حد الركبه....
فاطمه:دا حللو 😍بس قصير😯....م مشكله ح البسو وامسح الارضيه.. واعمل الغداء الوقت دااك فستاني بكون نشف ارجع البسو تاني.... اصلا. مافي زوول ح يجي... غير ود اخت مدام رنين... بس ماا ح يلاحظ لي...
دخلت فاطمه الحمام وغسلت شعرا لانو كان مغبر ولبست الفستاان وكان مع جسمها رهيب بس تقوول فصلو ليها تفصيل... طلعت من الحمام..... بس سمعت صوت الجرس نزلت سرييع وشعرتاا كانت لاماها بالطرف ومنزلاها😍 وطبعا شعرا وهو مبلوول شكلو رهييب😘....
فاطمه:طيب طيب.....
عمار:ساعه عشان...
وعمار بقى بعاين لي فاطمه من تحت وهو ماشي لي فوق😍....طبعا خاتا الشعر بي طريقه رهييبه😍.. والمويه نازله من وشها زي الندى🙈❤لانها م نشفتو....... اما فاطمه مما شافتو اتذكرت شخصيتو😯😯
فاطمه:انت😲عمار:انتي😒......بتسوي شنو هنا..
فاطمه:انت بتسألني انا.. انت البتسوي شنو هناا...
عمار:سؤال م منطقي نهائي....وين مدام رنين..
فاطمه:وكمان بتعرف مدام رنيين😳....
عمار:ابعدي كدا بالله..... ودخل البيت
ي خالتو🗣ي خالتو رنين وينك...
فاطمه:م موجوده😏....
عمار:اممم طيب...فاطمه:عاين لو سمحتا اطلع براا..
عمار:نعم
فاطمه:اطلع براااا...
عمار:ههههه..عايني انا م ناقصك نهائي وبذاات الليله..
فاطمه:يعني انا الناقصااك جااي.. وبي كل وقااحه مقتحم البيت وعينك قويه وكمان م عاوز تطلع براا😒
عمار:اووف....اسمعيني انا جاي عندي حاجه مهمة عاوز اعملا وطالع..زيتون
فاطمه:ز..دا شنو الاسلوب دا😒... ع العموم م بقدر اكتر كلام معاك اكتر من كدا. اتفضل اطلع براا...
عمار:طيب دقيقه.... بتعرفي مصممه الازياء الاسمها ريناد..
فاطمه:امم بعرفا الدخلا في نص الموضوع شنو😒
عمار:اسي ح تعرفي )وطلع موبايلو واتصل ع ريناد.. وحكى ليها بالحاصل
ريناد:دي منو دي.. اديني ليها
عمار:اتفضلي...
فاطمه:ألو..
ريناد:معاك ريناد البحريني... انت انسانه ما عندك زووق كيف تعاملي ضيووفك بالطريقه دي.. ع العموم ادي عمار الشنطه..
فاطمه:اي شنطه
ريناد:شنطه القروش الخلتا ليك رنين. ..انا اختها.. والقدامك دا ولدي...
فاطمه:😳😳..ط.. طيب.. بس شنو الضمني انتي ريناد احتمال تكوني واحده تانيه وناويه تنهبي الشنطه دي انتي والمحتال دا...
ريناد:ي بت ألزمي حدودك.... طيب مدام م مصدقه اتصلي ع رنين.. وخليها تتكلم مع عمار... بعدين سلميهو الشنطه كدا تمام
فاطمه:تمام.....
وقفلت الخط ورجعت لي عمار التلفون....ومشت على التلفون الثابت واتصلت ع رنين...ووصفت ليهاعمار بالتفصيل الممل😂
رنين:ههههه اي دي مواصفاتو... اديهو الشنطه😌....
فاطمه:حااضر.......ثواني واجيب ليك الشنطه
عمار:صدقتيني...
وطلعت فاطمه في السلم.وماشه بي كل انوثه ورقه وهدوء🙈❤.طبعا عمار بعاين ليها..وعجبتو المشيه.. والشعر المبلول والوش المندي🙈❤.......طلعت جابت ليهو الشنطه وجات
فاطمه:اتفضل.....
عمار:يعني عرفتي انا منو....طيب انتي منو؟!فاطمه:انا....الشغاله
وقالتا ليهو بدون تردد...... وعمار عشان طايش ومستهتر.. بقى بيضضحك....
عمار:يعني في الاخر.. وبعد دا كلو طلعتي الخداامه😒.....
فاطمه:وفيها شنو لوو طلعتا الخدامه...
عمار:ههه لالا م فيها حاجه.. بس. هههههههه..م مصدق انو انا اتناقشتا مع خداامه....
فاطمه:اممم..صدق.. لوو م مصدق صدق.... مش اختا العايزوا يلا لو سمحتا من هنا👋🏻😆
عمار:ههه اخرر الزمن انا اتكلم مع خداامه
فاطمه:عاين لو سمحتا.. عارفه انك بتحاول تستفزني بالكلام.. بس صدقني م مؤثر معاي.. لانو انا عارفه نفسي شنو... ويعني شنو خدامه... بأخد قرشي بي عرق جبيني.... م متكله على زوول والحمد لله......والشغل لاهو حراام ولاهو عيب....
عمار:اصلا لا حرام لا عيب بس انا م عارف كيف خالتو رنين قدرت توظفك عندها....
فاطمه:والله تقول شنو.. حظي واقف معاي.. ورب العالمين مساعدني.. اا اسفه زمني م بسمح لي اتناقش معاك اكتر من كدا.. وبالمناسبه القروش الجدعتهم في خلقتي امبارح موجودات ثواني اجيبهم ليك)وطلعت فاطمه فوق اخدت من القروش اللي في الخزنه. 200وجاات نازله
(كانوا 300صاح بس انا سحبتا تمن الدواء البي سببك ضيعتو.. وباقي ديل... )ورمتهم في وشو(ما بحب اكل حراام.وزي م قلتا ليك زمني م بسمح لي اتكلم معاك اكتر من كدا ي متعجرف
وقفلت الباب في وشو..
عمار:غبيه
طبعاعمار اضايق من حركتها دي... وحلف ينتقم منها...... فاطمه:اوووف..انا كدا شفيت غليلي منو... المتعجرف دا😒....
عمار طلع ع المعرض وادا الشنطه لي ريناد.. بعدين مشى وقابل لمار
لمار:انا مشتاقه ليك بطريقه خوراافيه😍...عارف امبارح الليل كلو م نمتا بفكر فيك❤...
لمار لاحظت انو عمار م معاها
لمار:عمار😠
عمار:نعم..كنتي بتقولي في حاجه...
لمار:انت سرحتا وين
عمار:ولافي حته معاك ي روحي😍
لمار:اي كدا طمنتني ي قلبي انا❤
وهناك ريناد فتحت الشنطه بس لقت المبلغ ناقص بي 6مليون😱
ريناد:لالا مستحيل... معقوبه رنين تكون حسبت غلط🤔.. وقالت لي 86مليون..
وطوالي اتصلت على رنين
رنين:ألو..
ريناد:ي رنين.. انتي قيمه المبلغ كم؟!
رنين:86مليوون..
ريناد:بس انا لقيتها80مليوون..
رنين:معقوله لا بتكوني حسبتي غلط..
ريناد:لا انا متأكده...
رنين:كيف يعني.... طيب طيب انا جاياك اسي.. نشووف المرضوع دا....
وهنااك فاطمه نزلت حله الغداء.. ومشت لقت جلبابها نشف... لبستو وسرحت شعرا كعكات.. وشالت القروش من غرفه رنين وطلعت.... اما عمار كان طوول قعدتو مع لمار سرحاان في الاخر اتغدا معاها واستأذنها انو يمشي..........
واثناء ما هو في الطريق فتح كيس اسود.. كان فيهو قروش كتييره....وابتسم ابتسامه خبيثه كدا
عمار:ح نشووف ي خدامه البيووت😒... الشغل الحلال والثقه الادتك ليها خالتو رنين ح ينفعوك ولا لا😈
يتبع
