طلعت رنين من شركتها.. واخدت العربيه.. وبأقصى سررعه مشت لي ريناد في المعرض..... وفعلا قعدوا وحسبو القروش مره ومرتين....وفعلا لقوها ناقصه6مليوون....
رنين:ي ربي يكونوا ال6مليون ديل مشوا وين...
ريناد:م محتاجه تفكيير....اكيد الشغاله العندك هي الاخدتهم...
رنين:فاطمه لالا مستحيل.. البت دي ليها سنه معاي.. م حصل مدت يدها ع شي م بخصها... لالا...
ريناد:طيب منو... انت اديتي الشنطه دي لي زول غيرا..
رنين:لا...بس
ريناد:مافي بس... انا متأكده انها الشالتا... انا ح افتح بلاغ...اصلا اسلوبا ما كان حلو في الكلام معاي..... انا متأكده هي البتكون شالتا..
رنين:طيب ي ريناد م تستعجلي.. احتمال تكون مظلومه..
ريناد:الشغالات ديل اسأليني منهم انا....رنين انا ح افتح بلاغ ودا اخركلام عندي....
وفعلا ريناد اتصلت بالشرطه.. وقدمت بلاغ.. بتتهم فيهو فاطمه بالسرقه....
ريناد:يلا ي رنين.. قومي معاي.. اسي المقدم حسن ح يجي ومعاهو كم شرطي عشان يمسكوا الحراميه دي.... فاا انا وصفتا لي حسن بيتك.. ومن هناك انتي توصفي لينا بيت الحراميه... يلاا...))طبعا رنين م قدرت تفتح خشمها بي كلمه مع ريناد.. لأنها كانت عصبيه شدييد..........وصلت فاطمه البيت... ومعاها الاكل.... لقت إيلاف جات من المدرسه ونامت...وامها كانت بتصلي العصر..... حفصه:السلام عليكم ورحمه... السلام عليكم ورحمه الله..... فاطمه.... مالك الليله ي بتي جيتي بدري كدا..
فاطمه:الساعه 4ونص ي يمه....اي جيت بدري شديد لانو الليله م كان في شغل زي حق امس.... المهم انا ح امشي اخت الغداء... واصحي إيلاف....
حفصه:طيب ي بتي....
مشت فاطمه طلعت عبايتا ..ورصت الغداء وصحت إيلاف...... فاطمه:طبعا الليله مدام رنين اددتني قررش زياده..
حفصه:كويس والله..
فاطمه:المره دي طيبه طيبه مبالغه فيها.... عمرها ماحسستني اني خدامه.. بالعكس يتعاملني زي م اكون واحده من البيت... والعجب أسامه ولدا..
إيلاف مما سمعت اسمو بقت تتبسم ساااي....
حفصه:مالو كمان
فاطمه:بعاملني زي اختو الصغيره... شاب محترم بمعنى الكلمه.. وظريف دايما بتونس معااي....
إيلاف:الله يحفظوا.لي..
فاطمه:نعم
إيلاف:ااا الله يحفظوا لي امو....
فاطمه:اهاا اميين...
وصل المقدم وريناد ورنين بيت فاطمه وكان بيت عادي شدييد.... ريناد:انتي عاوزه واحده ساكنه في بيت زي دا.. وما تسرق....
رنين:ي ريناد.. م معرووف اشي احتمال م نلقى عندها شي....
ريناد:كدا بالله... انتي بس خليك ساكته وانا بتكلم
وخبطت الباب خبطه قوويه...
حفصه:بسم الله.. دا منو الضرب الباب دا كدا..
فاطمه:دقيقه اشوووف
ومشت فاطمه ع جهه الباب وكان الضرب لسه قوي
نحنا نايمين في اضنينا.. دقيقه....
وفتحت الباب....
ريناد:انتي فاطمه؟!
فاطمه:ايوا نعم... خير بتضربي الباب كدا لي...
ريناد:بطلي لماضه..... انا ريناد البحريني....
فاطمه:..))وشويه كدا فاطمه لمحت رنين
ريناد:ح تفضلي متنحه كدا..... ع العموم ما عندي زمن ليك.. جيبي القروش...
فاطمه بي استغراب:ااي قروش؟!
ريناد:بطلي استهبال... ال6مليون الاخدتيهم من الشنطه قبيل..
فاطمه:6مليون....
ريناد:ااي..افتكرتي ح تهربي بي عملتك... ابعدي... سادتك لو سمحتا ادخل فتش البيت... ههه بيت.. م بيت اقصد القفص العايشين فيهو دا....
فاطمه:انتي بتتكلمي عن شنو.. قروش شنو.. واي بيت الح تفتشوهو....
رنين:ي توتا... الشنطه القبيل انا اديتك ليها عشان تديها لي عمار.... عمار وصلا المعرض بس ريناد لقت المبلغ ناقص بي 6مليوون....وو..
ريناد:ومافي غيرك اخدهم...
فاطمه:لا طبعا مستحيل.. انا م مديت يدي على الشنطه دي.. ولا حتى حاولتا افتحا.. وو. واديتا لي الولد دااك زي م قلتي....
ريناد:ع العموم لمن نفتش البيت ح نعرف اذا انتي اخدتيها ولالا.....
فاطمه:بس.. ))ودخل المقدم ومعاهو شرطين.. وبدوا يقلبوا في البيت.... ويجدعوا الملابس اللفي الدولاب.. ورموا نص عده المطبخ..... طبعا حفصه وإيلاف اتخلعوا......وقلبوا المراتب الموجوده كلها.. فاطمه كان عندها مكتبه صغيره كدا.. بعد م خلت المدرسه بقت بتلم ليها قروش.. وكل فتره بتشتري كتاب عشان م تنسى القرايه... بس للاسف حتى المكتبه الصغيره دي م رحموها....
المقدم:مافي شي..
ريناد:كيف يعني.... انتو فتشتو كويس...
المقدم:اايواا فتشنا كويس.... م لقيناها..
طبعا فاطمه دموعا نازله وبتعاين لي ريناد بي كل حقاره..... ورنين كانت واقفه بس وبتعاين.. م عرفت تدافع عن فاطمه.. ولا تقيف مع أختها
فاطمه:اها..ما لقيتي حاجه.... انتي بتتهمي الناس بدون ما يكون عندك دليل....
ريناد:عايني انا حركات البنات الزيك ديل م بتنفع معاي...عندك لحدي بكره الصباح الساعه8القروش دي ظهرت. ظهرت.. م ظهرت ح يكوون لي تصرف تاني معاك... ومن بكره اعتبري نفسك مرفوده من الشغل..
فاطمه:بس...مدام رنين صدقيني انا م شيلتا اي قروش... انتي.. انتي عارفه انو انا مستحيل اعمل كدا.. وخاصة معاك....وبعدين ميمكن ولدك هو النقص المبلغ....
ريناد: ولدي.... هههههه ي بت انتي مجنونه... ال6مليون دي ولدي بيأخدا كمصروف اسبوعي... الدموع ما ح تفيدك😊.......يلا ي رنين...
رنين:دقيقه...فاطمه بعد الليله انا م بقدر اشغلك معاي😔... اتفضلي دا مبلغ بسيط مشي بي حالك😔
فاطمه:😳😭😢..لالا.. انا.. انا م عايزه صدقه منك😭.. اناعاوزه اشتغل...انا مظلوم
هريناد:بكره ح نشووف لو انتي مظلومه ولا مذنبه..دا عنوان بيتي.. بكره القى القروش في المكتب مفهوم
وجدعت ليها الكرت في وشها.... وطلعوا....
فاطمه وقعت من طولا.. وبقت بتبكي.. وتبكي😭😭😭😭إيلاف:خلاص ي فاطمه م تبكي😢..
فاطمه:إيلاف..انا.... انا م سرقتا حاجه صدقيني والله م سرقتا😭😭
إيلاف:مصدقااك..ومتأكده انك مستحيل تعملي كدا.... بس اسي اهدي😥💔..
حفصه:معلييش ي بتي.. دا حال الاغنياء😔.... دايما بشكوا في الخدم..... معليش😔.....))
رجعت رنين البيت....ولقت أسامه وحكت ليهو بالحاصل
أسامه:لالا مستحيل.. انتي كيف ي امي تصدقي انو توتا ممكن تعمل كدا🤔... دا شي مستحيل😤....
رنين:ريناد اتهمتا.. وادتا مهله لحدي بكره عشان ترجع القروش.... والا ح تسجنا.. ولوو بكره القروش رجعت معناها فاطمه العملت كدا....
أسامه:لا ي أمي م اعتقد.... انتي بتعرفي توتا كويس.... مستحيل تخون الامانه... اكيد في شي غلط في الموضوع دا🤔....
رجعت ريناد البيت ولقت إينار سلمت عليها.... وجاا عمار من فوق سلم ع اموو...
ريناد:م شفتو الحصل معاي الليله شنو.. انا وخالتكم رنين...
إينار:خير ي ماما..
ريناد:طبعا زي م عارفين انا وهي عاملين مشرووع واي واحده داخله بي 43مليوون...انا قبل فتره اديتا ال43حقتي...وهي كان لسسهم جمعت حقتا.. المهم لمتا.. وانا اديتا حقتي وامبارح المستسمرين جوني في المعرض عشان نتفق... وانا رسلتك ي عمار عشان تجيب الشنطه... تخيل لقينا القروش ناقصه6مليوون..
إينار:معقوله....
عمار:كيف😳....
وحكت ليهم القصهه وانها شكت في فاطمه.. لا م شكت كانت متأكده... وانها ادتا مهله لي بكره لو رجعت القروش.. ما ح تسجنها...... عمار ابتسم ابتسامه خفيفه كدا.... وقال جواهو بكرهي أمي ح تتأكدي انتي وخالتو رنين.. انو البت دي حراميه😈....
إينار:طيب ي ماما.. يمكن.. تكون مظلومه...
ريناد:اسكتي ي إينار.. انتي م بتعرفي الاشكال دي...مستعدين يبيعوا نفسهم عشان القروش.... اووووف الليله اليوم كان متعب.. ع العموم انا داخله انووم.. م تصحوني العشاء..تصبحو على خير.
إينار وعمار:وانتي من اهل الخير.....
فاطمه كانت بتبكي الوقت كلووو😢💔.... سمعت اذان المغرب... طوالي مشت اتوضت وصلت
فاطمه:ي رب👐🏻.. ي رب تظهر برأتي.. ي رب انتي عارف انو انا م سرقتا شي... ي الله تساعدني.. ي رب😢😭😭......
عمار كان في غرفتو.. وماسك التلفوون بلعب بيهو....وفجأه سررح.... أتذكر فاطمه بالفستان القبيل😍..والشعرالمبلول🙈.. ووشها وعيونا الواسعهه❤...ومشيتها😍....
عمار:بكره ي غبيه ح تثبت عليك التهمه... ح تثبت.......))
الصباااح🌸صحت إيلاف لقت اختها نايمه م صحتا. شالت قروش من الدولاب10جنيه وطلعت.... فاطمه ما كانت نايمه... اصلا م نامت الليله كلوو بتفكر في الح يحصل ليها.... وهنااك عمار صحى بدري.. ونزل المكتب وكان شايل الكيس الاسود الفيهو القروش.... ودخلوا مكتب ريناد... كان طالع ومبسوط بس التفت لقى ريناد واقفه 😳
عمار:أمي😳
ريناد:انت السرقتا القروش😳.....انتي عمار... الناقصك شنو عشان تسرق.. اتكلم😠....
عمار:ي أمي انا... ))وحكى ليها القصهه من أول مره شاف فيها فاطمه. وكيف كانت طريقه كلاما معاهو.... وكيف استفزتو بالكلام في بيت رنين👊🏻..
عمار:عشان كدا قررتا اندما ع اليوم الاتكلمت فيهو معاي كدا😠....وانا قالت لي نفسي لو خسرت شغلا وكرامتا... كبرياء ح ينكسر💔..
ريناد:خهههه...فعلا انت ولدي..... احسن شي عملتو انك ورطها....... واسي انا ح اتصل ع رنين واقول ليها القروش رجعت.... وبي كدا ح تتأكد انو البت دي فعلا حراميه.....
وفعلا ريناد اتصلت بي رنين... وكلمتا انو القروش رجعت
ريناد:شفتيها..خافت من السجن... عشان كدا رجعت القروش.. وانا عند وعدي.. ح اتنازل عن البلاغ القدمتو... لانها رجعت القروش..
رنين:يعني طلعت فاطمه الاخدت القروش😢💔..
يتبع
