ايهما قلبي

البارت الاول

كعدت الصبح والجو جان حلو يعني جان بي نسمة هوا بارده لان بداية الشتا 2013/12/14 وطبعا مو من عادتي اكعد هيج وكت واليوم عندي مدرسه كمت من فراشي شفت الساعةب6:30معقوله اني اكعد هيج وكت امي بالكوه يله دكعدني أتذكر فد موقف
..مريم..مريم دكومي يابنتي شوكت دكعدين
ماما عليج الله بس5دقايق حبابه
ولج با5دقايق الساعةب7:15 راح ييجي الخط يمعوده
مااكوم مابيه حيل نعسانه. ...ماما طلعت من الغرفة
شعجب ...خلي اكمل نومتي
...عاااااااا هاي شنو
هاي حتى دكومين يالغبره
....ماما ليش هيج اكو واحد يذب مي بارد من الصبح والجو بارد
لعد شلون تردين اكعدج هو انتي اله بالجلاليق
يادوب دكعدين
.... كعدت من صفنتي ...رحت يم الشباك. .اوففف شكد احب الصبح وهيج وقت بالضبط
طلعت من غرفتي ونزلت رحت للحمام غسلت وفرشت اسناني..افتريت بالبيت محد كاعد
اخوانني احمد وقاسم وهدى نايمين
خلي اروح اخبث على هدى😈
..هدى ولج هدى اكعدي عزاا بعينج هدى
..ها شكو منو مات لا ياربي منو مات
ههههههه اخ يمه بطني ههههه خرب يومج هدى
كبر لفج مريم هو هذا هم شقة.. عزااا باع الساعة بيش
شعندج كاعده..ها
وانتي شكو هيج نزل عليه الوحي وكعدت
مريم الدثو تكعد هيج وكت مستحيل
لج ماكو غيرج دثو
لا وفوكاها تغلط اطلعي براا لا ابتلي بيج
شنو تستقوين عليه لان اكبر مني
اوففف مريم اطلعي منا لان ورايه كليه ومحاضرات بكد شعر راسي
اكلج عيني مو دخلتي كليه وتتكبرين تره كلج مرحله أولى
غير تكعد ليسمعج يكول متخرجه ودكتوره عود ادخلي كلي وخلي نشوف منو اليتكبر
لا ليش اتكبر على شنو تره هي كلها كليه انتوا مكبريها زياده الحمد لله بعدني رابع إعدادي
بعدلي سنتين ...شعندي بالكليه
....طلعت من غرفتها شفت الساعةب7:10بعد وكت خلي شويه انام وبعدين اكعد رحت اتمددت
....ولج مريم ولج يالغبيه كعدي
شكو
ولج يالتنبل كعدي الخط اجه وانتي بعدج نايمه
واني النومه جرتني ونسيت اكعدج
....يمه عزا راح يعوفني الخط واليوم امتحان
ولج شتلحكين
يوم حبابه كوليله خمس دقايق وتجي
...اي اي دكومي بدلي
كمت عالسريع بدلته وعفت شعري مخربط وهو طويل ياخذله بالساعات
ولج يله الولد منتضرج
طلعت للخط وقيطان الحذاء مفتوح. ...وشعري مخربط
صعدت للكيه وكعدت وتنهدت وكمت اتنفس سريع
..صح النوم
باوعتله صفح. ....
حسين:تره اخرتينه عيني
اسفة اخذتني النومه
حسين:ميهم بس عدلي شعرج...حجاها وهو يضحك
لا اني عاجبني موديله هيج حلو
سرى:هههههه خرب يومج مريم ياحلو يمعوده عبالك جنتي تحررين الموصل
همستلهة اننجبي لا الزكج بالجام واخربط شعرج حجيتهة وبضحكه استفزاز
سرى:لايمعوده ام الغيره احلا موديل اصلا
هههههه متجين اله بالعين الحمره
سرى:فديت
انجبي بله لواكه😂😂
سرى:اكلج مريم قاريه الاحياء؟
اي قريته بس كلش صعب
سرى:اني اصلا مقريت بس فتحت اول صفحة تعوذت من الشيطان وسديته
لعد شلون تريدين تنجحين وانتي كلشي ماكو
يمعوده ماالي خلك دراسه والعلمي صعب
لعد ليش دخلتي علمي
.....وصلنه للمدرسه نزلت من واحد
.......خلص الدوام وطلعنه وبقينه اني وسرى واكفات
ننتضر حسين ..
سرى:ليش اتاخر
ماادري
حسين:بنات بنات
سرى:مريم هذا حسين ديصيح
يله امشي
سرى:ليش واكف هناك
ماادري امشي
سرى:حسين ليش وكفت هنانه عبالنه بعدك مجاي
حسين:لا مو بعد الخطوط يوكفون هنا لان الحراس ميقبلون نوكف يم الباب
...صعدنه..كمت اباوع من الجام وصافنه...رفعت راسي. .لكيت حسين يباوع عليه من مراية من شافني شال عينه
وصلت البيت...
شفت ماما كاعد تطبخ
ماما.يوم.مام
وجع شبيج
شطابخه اليوم ميته جوع
دوامه
عااا كولي والله..
والله شبيج.
اي شوكت تستوي
هسة5دقايق تعالي ساعديني حتى اكمل
هسة بس ابدل واجي
...صعدت فوك شفت غرفة قاسم مفتوحه ..هاي شنو ماعنده دوام يمكن بعده نايم
...بدلت ونزلت رحت ساعدت مااما
...مريم روحي كعدي قاسم خلي يتغده
..ماما ليش قاسم مو للدوام
..تعبان خطيه واليوم ماعنده محاضرات هوايه
...بس حرامات هواي كاعد يغيب هي اخر سنه اله بالكليه خلي يشد حيله
...هسه دروحي كعدي يله
قاسم.قاسم.قاسم
هامريم.شنو
كوم تغده
مااريد تعبان
ولك غده يفوتك
شنو
دووولمه
جذابه دكولين هيج علمود اكوم
لا والله..بس نام بعد احسن بس اني اكل
انجبي دولمه وابقى نايم
كعد قاسم ونزلنه دغدينه وبعدين اجوا هدى واحمد
..دكيت الباب على غرفة هدى
منو
اني مريومه
عشتوا شلون تدلع أسمها
شكاعد تسوين
كلشي مدااسوي
اكلج ليش منكول لاحمد يطلعنه تره والله ضوجه
اي صدك مريم انتي روحي كوليله وباجر جمعه يعني عطلة كلشي ماعدنه
لا عيني انتي كوليله
يمه اخاف
اوووي عيني تخاف وليش بالله شنو حمودي يعض
ها هسة صار حمودي...اكول اطلعي مامنج فايده
اووف راح اكله بس ياهدى اذا صيح عليه اكتلج
هسة ورينه همتج وبعدين نتناقش
.........