الحب يبقى رغم الفراق

يبقى الحب رغم الفراق البارت ١

اعرفكم بنفسي : اني زهراء عمري حاليا ٣٣ سنه .... ارويلكم قصتي وي ابن عمي من جان عمري ١٩ صف سادس علمي....
صادف جنت توني طالعه من ازمة عاطفية نفسية تدمرت نفسيتي وتعبانه وقررت اواجه السادس علمي بشجاعه... بديت اداوم وادرس عندي صعوبة بالفيزياء والكيمياء لازم اتجاوزها.. المهم فترة شهر او اكثر صادف عيد... رحت لبيت جدي... عايدتهم وبوست بيبي وجدو وعمو ومرت عمو....
عمو اياد : عنده ٥ولد وبنية... البنية اصغر مني بسنه... ولد عمي ماعندي علاقة بيهم وميانه كد السلام... ومرات هم ماااسلم... حضرو الغدة اني من النوع احب اشتغل وياهم مو اضل مصفطة وكاعده وهم يخدموني عيب.... تغدينه طبعا النسوان والبنات وحد والزلم والولد وحد بغير مكان...طبعا اني ماكلتلكم عندي خوات ٢ وحدة مزوجه بغير محافظة قليل تجي عدها ولد ٣ وحامل ووحدة اصغر مني بس خبيثة حيل....
كملنه غدة جنت متونسة... غسلت المواعين وحضرت جاي نظفت وياي بت عمي واختي تفتر على روسنه تدور حجاية حتى تضل تعيد وتردد بيها ماكو شي.... كملنه وشربنه جااي... امي ومرت عمي كعدن يسولفن واختي نامت واني وبت عمي كعدنه نسولف عن الدراسة وعن البيت والملل والضوجه وووو.... جان هي تفاتحني بموضوع اخوها ضرغام.... كالتلي هو الجبير وهو احسن واحد ويفيدج بس انتي ترضين بي لو نخطبج اله ؟؟؟ اني فكرت... هو الولد اكبر مني بسنه وحلو ومرتب وخجول... كتلها يمعودة اني بيا حال السنة سادس بحال حب اسكتي وسدي الموضوع...
امل : خايبة شبيج فرصة واجتج احسن ما يروح لغيرج وياخذنه انتي بت عمي ومنه وبينه وجاي اكولج....
فكرت صدك حجيج ولج امل خاف يروح مني... باعي شوفي اهلج شيكولون وهو شنو رده... وانطيني خبر... اوك..
امل : اوك ان شالله.. صار العصر هي تحوص كالت راح احجي ويا واشوفه عنده وحده بكلبه لا ؟؟؟ واجي اكولج كلشي راحتله.... تاخرت... ورجعت فرحانه تركض...
امل : اني امل عمري ١٨ سنه صف خامس ادبي... احب بت عمي زهورة خوش بنيه ومؤدبه وتخبل حلوة احلى وحده بينه.... واهلي مخلين عيونهم عليها يردون يخطبوها لاخويه ضرغام... وحبيت اقرب بينهم خفت خاف هو يشوفله شوفه او هي تروح من ايده لان حلوة... والعين عليها.... رحت فاتحته بالموضوع ومااطول عليكم تسريع الاحداث)
امل : ااااااااخ واخيرا....
زهراء : هاا ولج شكو ؟ 🤔
امل : ولج ماعنده اي وحده ويكول الوياي بالكليه شو ماكو وحده عجبتني... ومن سولفت ويا عنج كيف وضل يسالني ويكلي يعني ولج تقبل بيه فدوة فدوة احجي وياها....
زهراء : فرحت حيل وخدودي صارن حمر.... شكله محبوب... واني مادري بنفسي هل حبيبته من هاي اللحظه لو شنو ؟.... طبعا تلفون ماكوووو... كتلها اشلون نتواصل ؟..... امل : اممممم تتواصلون ؟ خلي هو يدبرلج تلفون... ؟ زهراء: هااا 😕اخاف امي لو اختي هاي تلكفني ولج ونروح اني ويا وانتي بالرجلين ؟؟؟ 😳😱 لا لااااا ماكدر
امل : اهااا بكيفج 😌
ردنه نروح.... ودعناهم وهو موجود باوعلي وابتسم ابتسامه خفيفة كلش.... واني بس باوعتله..... رحت وعفت بالي وكلبي وكلشي يمه.... واني كلي يقين نهاية هذا الحب زواج.... 🙄..ٌ.. رجعت وبالي بقى هناك يم ضرغام..... وثاني يوم صادف دوام.. سولفت لصديقتي مروة... وكالت : عالخير اكيد ابن عمج مايخذلج مستحيل ومو مثل اي واحد مهما يكون راح يحافظ عليج ويصونج.... ومن هذا الحجي...... شويه طمنتني.. ☺ كتلها اني كاتبة رقمه.... بس يختي تلفون ماعندي...
كالت : ولايهمج تلفوني موجود شويه وخابري... دكيت رقمه اني استحي لان ماعندي ميانه ويا... دك.... دك.... دك...
ضرغام : كاعد بالكهوة وي صاحبي... وتلفوني دك رقم غريب... 😑 ماعرفه خلي اجاوب.... الووو...
زهراء ': توترت.. االووو
ضرغام : الووو منو ؟
زهراء ': اني... اني... زهراء بت عمك..... منير...
ضرغام : فرحت... بس بثكل... هلو اشلونج شخبارج... منيلج هذا الرقم ؟؟؟ 🤔
زهراء : رقم صديقتي من تكمل امسحه...
ضلينه نسولف.... لحدما خلص الرصيد...
مروة : وووولج كاااافي شنو نسيتي نفسج يمعودة رصيدد| 😯
زهراء :خلص كله 😏
!!
مروة : مومال..... اوووف شكول... 😕
زهراء : يمعودة شبيج هسة ادز الحارس يشتريلج رصيد ٥٠٠٠ بعد طالبتني ؟😒
مروة : يااااا فوكاها انوب مسويه فضل 😧ديلا... ديلا... كملنه دراسة... ورجعنه وبالي كلام ضرغام.... 😍😍...
تمددت واني اتخيل المستقبل وي ضرغام واهله.... 😌...