الحب يبقى رغم الفراق

الحب يبقى رغم الفراق البارت ٢٤

#الكاتبة ت/ك#

زهراء : هم طلعو وامي استلمتني ضرب وغلط.... وكالتلي شوفي ولج تحلمين ولج حلم تصيرين بيوم لضرغام.... مادام اني موجودة......
اني مابيدي شي... بس ابجي تعبت من البجي ياربي خليت عيني بعينك واريدك تخلصني من الظلم.. 😰
ضرغام : متت قهر شبيها وياي مرت عمي وماتقبل تنطيني بتها ؟؟؟؟ شنو هل الحقد. 😠اني اعلمها...
الا اخذ زهراء غصبن على خشمها ومشلوعه عينها 😒
زهراء : اهلي شوفوني المر وبس البجي ماعندي غير شي 😔خايفة متوترة مادري وين تصفى 🤒...

كل ليلة اشبع بواجي واكعد من الصبح تنظيف وشغل وتعب وفوكها حجي امي مثل السم 😕... مرت على هاي حالتي شهرين . وعلى هذا الوضع.. ماشايفة احد ولااحد شايفني 😔بس قهر وضيم
اندك الباب امي راحت واسمعها خيرررر شعندك هنا ماعدنه بنات للزواج طالبنه كوة ؟
اباوع هذا ضرغام 😱شجابة اني عايزة يربي... امي ضلت تعدله وتصفله وهو يعيط.. واجو الجيران طلعو وصارت فضيحه 😰واني ميته خوف.. النوب رجعت عليه. رزايل وضرب تكلي كله بسببج ولج فضحتينه شمسوية للولد جايني كاتل روحه عليج الله ياخذج ويخلصني من عارج ولج 😡.....
ضرغام : عمتي لعبت بيه لعب ولمت العالم عليه وتفشلت كدام الناس 😡.وادري بيها راح تاذي زهراء...
شسوي يالله شسوي اريد بت عمي بالحلال ماكفرت 😒..
زهراء ؛': امي كالت للابوي على كلشي ولزمني اجرم بيه وهي تصيح حيل برد كلبي خلي يربيج حيل تستاهلين اكثر
اني دمي يصب بمنو احتمي منو الي ؟ اذا امي هذا حجيها 😓😒... كمل ابوي مني وراح لبيت عمي.. وضلت امي تنك على راسي خليتي الرجال بهل الليل يروح الله ينتقم منج ولا جنها هي تلكه وكالتله وخلته يفور ويروح شكول عليج ؟؟ امي 🤒😔😥..
ضرغام : كاعدين ودخل عمي يصيح ويهدد 😡ويصيح وينه هذا النذل السافل ابوي كاله خير شبيك ؟
عمي : منين الخير وابنك فضحنه كدام الناس والجيران.. 😠
ضرغام : مكدرت اسكت كتله عمي مرتك الفضحتك ضلت تصيح ولمت الدنية اني مسويت شي بس كتلها السلام عليكم ماكو داعي لهذا كله مرته غلطانه اني شبيدي روح حاسب مرتك لاتجيني هنا عمي مرتك سبب المصايب وبت عمي اخذها غصبن ع الكل مفهوووم 😡☝والله..