زهراء : كعدت العصر نظفت البيت ولكيت امي كاعده تسوي فطائر... هااا شو تسوين فطائر منو جاي ؟
ماما : اختج ميساء جاية بعد شويه هسة بالطريق اكعدي ساعديني.... اختي ذيج تنظف علياء..... كملت الفطائر وخلتهن امي بالفرن....
اني افكر بضرغام واريد اسمع صوته 🙄
علياء : شبيييج كومي خلي اكنس شبيج صافنه خير ؟؟
زهراء : عابت بوووومه وليييي 😒
دخلت لغرفتي وكعدت عود ادرس... ادرس شويه وشويه اصفن بضرغام وابتسم..... 😚...
دخلت اختي ميساء هي وجهالها وزوجها... سلمت عليها واخذت ابنها والباقين ضلو يلعبون..... البيت انكلب كلاب جهالها وكحين...... 😫... علياء وياهم..... اني حضرت العشا سويت زلاطه وشوربة وكليت كباب وكبه وفنكر بتيته.... هلكت رجلية متت كوة واكفة.. 🤒اوووف شوكت تزوج ضرغام وارتاح 😔 جاي اكلي وسارحه بضرغام... جان اخلي اصبعي بالدهن الحار طفرت وخليت اصبعي بالمي البارد... 😕😩 اووووف متت خرب بعد مافكر بي واني اكلي جان تشوهت والله... كمل الاكل وامي مكابلة ميساء وتحجي وميساء تشكي من عمتها ومن حمواتها ووووو يبوووو ماريد اكعد يمهن اوووي اتعقد.. 😒..... تعيشنه وجهال ميساء مفجوعين عبالك ماشايفين اكل سنه هجموو عالاكل.... ماخلو شي... شلت المواعين غسلتهن ونظفت.. 🤕 يااااابه رااااسي متت ضرغام الحكلي اووووف....
نامووو واني تمددت وبالي يم ضرغام... نمت كعدت من الصبح حضرت ريوك طكيت بيض وسلكت بيض وجبن ومربى وكيمر وبابا جاب كاهي.... جان يهجمون عالاكل هجوم.... اني اكلت شويه وطلعت للمدرسة لان تاخرت..... هم بدرس الثالث... اخذت التلفون من مروة واتصلت بضرغام..... من حجيت ويا نسيت كل تعبي... سوالف عادية... منو اجاكم اشلونكم امل شخبارها.... ونسولف... كملت مسحت رقمه ورجعت التلفون لمروة وشكرتها....
رجعت للبيت... لكيته مكلوب ضاربه زلزال 😱😳😵😩 يااااربي فوك التعب مال الدراسة النوب البيت علياء اجت من المدرسة سبحت وتغدت ونامت واكييد شمرت المواعين 😒
بدلت ملابسي وضليت انظف من ال ١٢ ونص لل ٣ كملت كوة امشي ضليت... اكلتلي لكمه ودخلت سبحت.... ميساء وامي راحن للطبيبة ومناك للسوك اخذن وياهن بس زيد والباقين وي ابوهم راحو..... تمددت نمت... فزيت على كفخه من زياد كوووووم عم... عم. شبيك ولك 😒 ماماكل شجاك عابت.... صبيتله اكل وكلته وراح يلعب.... ابوي كال : لاتسوين عشا اني اجيب دجاج وكباب...
اني حضرت زلاطه وكليت فطاير وبيذنجان ادري بيهم جوعية مايكتفون ميساء تربيتها محلوة 😤 جهالها مامؤدبين.... تعشينه وكملت غسل وتنظيف تمددت ونمت ومافتحت كتاب.... راحو ثاني يوم شويه البيت هدء... وضليت اقرة براحتي...
مرت الايام.... واني اتصل على ضرغام ونسولف ومدري شنو.... واقرة وهو يشجعني.... ونضحك...
قررت ادخل دورة كيمياء لان صعبة كلش.... وبابا اجرلي خط ابن خالي مو غريب.... ضل يوصلني ويرجعني وبابا خله عندي تلفونه.... ضليت اتصل ع ضرغام من تلفونه.... وهو يوصيني اديربالي ع نفسي....
ضرغام : من النوع يغار كارثة... ويشك بنسبه قليلة... 😜
أنت تقرأ
الحب يبقى رغم الفراق
Romanceاحداث القصة تدور حول فتاة احبت ابن عمها وبعد فترة من الزمن افترقا بتخطيط من البشر والقدر ومن بعدها يعودا لبعضهما بتخطيط القدر فهل سوف تحبه مثل قبل ؟ ام سيفترقا القصة واقعية وحقيقية سوى اختلاف بسيط بالاسماء
