زهراء : بقينه اني وضرغام نتخابر... وعلاقتنه حلوة ونظيفة هو ميفتح وياي مواضيع موزينه... ويوصيني اهتم بدراستي واطلع من السادس.. وانشالله يدز اهله يخطبوني اله جنت افرح من اسمع هيج 😍❤.... وجان صدك يحبني... يقسملي يحبني ويريدني..... وحبه صادق ماعندة نيه موزينه.... كلامنه عادي... جنت بين شغل البيت والدراسة وضرغام...
بيوم صادف جمعه... بابا كال انروح لبيت جدكم جدج مريض نروح نشوف...
اني طرت من الفرح 😍😍😍😍 بدلت لبست بنطرون وبليرة فوكه وبدي طويل فوك الركبه... وشال وخليت كحل وكريم واقي شمس ورحت.... واني اتخيل شكل ضرغام كدامي.... وصلنه 😍... وجانت اول مرة ادخل لبيت جدو واحس احساس غريب كلش.... 😍 سلمت عليهم ضرغام موجود... ويبتسم لي 😘
واني حيل استحيت ☺ امل : شفت زهراء مستحية صحتلها.... هااا شكو اشلونها علاقتكم ؟؟ 😉
زهراء : اوووو كاااافي استحي ترا...
ضرغام : اجتنه زهراء وتخبل صدك حلوة... 😍 احبها ياناس اموت عليها بت عمي.... والنوب ملابسها حلوة.. ونادرة... اذا تجينه للبيت تخلي يلمع من النظافة 💖 احبها صح شفت اشكال بنات وياي بالكلية......بس محد عجبتني كزواج... مجرد كلام وونسة.... بس اني بطبعي ماحب البنات التكعد وي شباب وتسولف تضحك احسها مو مال زواج هذا رايي.... 😁
زهراء : طول مااحنه عدهم هو مكابلني وكاعد خفت لاحد يحس... خدودي صارن حمر من الخجل..... ضلينه نسولف اني وامل..... وشويه اجت عمتي ام فارس وبناتها مها واسراء... مها جانت مخطوبة لابن عمتي الثانيه... بس اسراء وكحه شافت ضرغام ضلت تضحك وتسولف واني اغلي بداخلي..... كلش ضجت... وامل تهدىء بيه....
ضرغام : شفت وجه زهراء دم صاير يااااابه هاي عصبية تغار يمكن..... اي والله غارت من اسراء... طبعا اني ماارتاح للاسراء احسها تشمر نفسها على هذا وعلى ذاك 🙄... من شافتني حارت شتحجي وشتسال..... طبعا حسيت بملل وضجت على زهراء 😒 لان غارت وضاجت من اسراء..... اووووف احسن شي اكسر الشر واطلع يم جماعتي.. 😕
طلعت......
زهراء: اااااي اكيد يسولف وياها اشو جنها نعال يربي المن اجت... خرب بحظي 😡 امل : خفففي العصبية زهورة شبيج صدك عود ؟؟ 😧 حبيبتي ضرغام الج مخبلة انتي ياخذ اسراء وماادراك مااسراء 😏.... دخلت اسراء..
زهراء : جبتي سيرة القط ونط لاهلا ولامرحبا... 😑 اسراء : شنو شو كاعدات هنا لججحج زهراء شصايرة خرب.🤗
زهراء : شكووو شصايرة ؟؟؟
اسراء : حلوة 🤔
زهراء : اني حلوة بالاساس 😏
امل : ولج هو انتي اكو احلا منج 😚
اسراء : شدعوة ؟؟؟ خوماكوشي
احنه : لااااا ماكو...
اسراء : ضرغام وين راح ؟؟؟ 😑
امل : ليش ؟
اسراء : اريد يوصلني للبيت ضجت 😒
امل : بمكر 👿.... والله ضرغام مو سايق للرايح والجاي... 😌😏
اسراء : يمممممه يمه يلا نروح.... تاخرنه.... طلعووو
واحنه ارتاحينه.... زهراء : امي صاحتلي يلا خلي نروح احنه.... ضجت لان ضرغام ماموجود.... 😥
رحنه وطول الطريق اتذكر ملامحه.... وابتسم..
ضرغام : رجعت للبيت... وماشفت زهراء.. صحت لامل... وين زهراء ؟
امل : راحووو 😐
ضرغام : ضجت حيل.. 😑😪
امل : وانت شنو هاي شسويت بله ؟ ضوجتها بتصرفك السخيف... 😕 انت شنو تحجي وي هاي اسراء وانت تعرفها شنو... ميحتاج احجي...
ضرغام : ضجت منها.... للللج حقيرة واني شعندي وياها ؟ هي اجت وضلت تلغي... شسوي بله ؟
امل : اااي وتكوم تزعل زهراء علمود هاي الكلبه 😕😡 يمعود كافي...
ضرغام : درت وجهي ودخلت غرفتي وتمددت وفكر بزهراء.... ممكن تكون زوجتي وحلالي.... لو راح اتغير بيوم ؟.... لا ااااا شنو هذا الحجي... 😡اني احب زهراء وهي تحبني واقتل لو صارت لغيري اني ابن عمها واريدها 😒
زهراء : وصلنه ودخلت للبيت... وتمددت وافكر بضرغام معقولة ابو بنات ؟ وعندة علاقات بالكلية ؟؟؟ ياربي اشلون اتاكد ؟
وليش يحجي وي اسراء النذلة السخيفة ؟؟؟ اووووف خلي انام وراي ادرس امتحان باجر..ٌ 😧
أنت تقرأ
الحب يبقى رغم الفراق
Romanceاحداث القصة تدور حول فتاة احبت ابن عمها وبعد فترة من الزمن افترقا بتخطيط من البشر والقدر ومن بعدها يعودا لبعضهما بتخطيط القدر فهل سوف تحبه مثل قبل ؟ ام سيفترقا القصة واقعية وحقيقية سوى اختلاف بسيط بالاسماء
