فلك (مكتملة)

15. اخ

حدق بها بدهشة و صدمة مما تفوهت به ليصرخ بصوت عال

شهاب بذهول : نعععععم؟؟؟؟؟؟؟

اهتز جسدها اثر صراخه لتتراجع عدة خطوات الى الخلف اما هو فظل يحدق بها بأعين مندهشة

شهاب : انتي .... انتي بتقولى ايه ... خطيبك؟؟

اومأت بهدوء تنظر له بتعجب و كأن خطبتها له امر بديهي

فلك : أيوة يا حبيبي مالك بس فى ايه

مسح على وجهه بعصبية ليلتف بوقفته معطيها ظهره يفكر بموفقه الان

يشعر انه بدوامة

ماذا فعل و لمَ؟؟؟ و من تلك الفتاة لتجعله يمضي بكل تلك المخاطر و اخيرا تدعوه خطيبها و حبيبها

سمعها تهتف به

فلك بتساؤل : شهاب ... حبيبي

اغمض عينيه باستسلام ليلتف نحوها مرة اخرى فيجدها على وقفتها تلك تحدق به بإبتسامة بلهاء بادلها بأخرى و الله وحده يعلم ما يدفعه لتصرفاته تلك

تنهد بتعب و قد تنبه اخيرا لوقع المصيبة التى وضع نفسه بها فهي حقا مريضة و قد قام بخطفها و تحمل مسئوليتها بل و الاسوء انه يجهل فحوى خطوته التالية

*****************

بالمشفى

كريم بغضب : يعنى انت عايز تفهمني ان مريضة عندك اختفت كده فجأة من مستشفى المفروض انها محترمة لا و عندك حد بتشك انه ممكن يكون خاطفها و قاعد مكانك مخدتش اي موقف

عمار : افهمني يابني ادم انت ... اللى انت بتتكلم عنه ده رتبة محترمة يعنى اتهامنا له بدون دليل ممكن يودينا ورا الشمس خصوصا انه فى كاميرات المستشفى بتوضح انه خرج بعد عشر دقايق تقريبا و لوحده ..

كريم بجنون : و العشر دقايق دول يا دكتور يا محترم كافيين جدا لواحد زيه انه يهبب اى مصيبة هو عايزها و النتيجة خطف اختي و طبعا المفروض احط انا جزمة فى بوقى و اسكت عشان حضرته رتبة و الهبل ده
لا اسمحلى اذا كنت انت خايف و مش قد انك تحميها يبقى تبطل تنطيط انها مسئوليتك و زفت خطيبتك و تخرص خالص
و بعدين تعالى هنا انت مش كنت بتقول انها ممنوع عنها الزيارة و حتى امها مكنتش بتشوفها اخر فترة

عامر بتوتر و قد خفض صراخه : هو ... هو جه و عمل قلق فى المستشفى و هددني .... انت متعرفش هو مين ده شها.....

كريم مقاطعا : ااااه قولتلى ... هدد ... ماشي يا دكتور يا شجيع السيما ... ميهمنيش اعرف مين سيادته .... و من النهاردة و بمجرد ما فلك اختى ترجع و انت ملكش اى علاقة بيها .... لحد كده و كفاية اوى ... شاكرين افضالك