بعد مرور يومان من اعلان زواج شهاب وفلك
و بأحد القصور فاحشة الثراء
هب من مكانه بجنون يصرخ بغضب هادرا بوجه شريكته بأفعاله الاجرامية
.................. : يعني ايه اتجوزو هو لعب عيال ولا ايه .... ايه اللى لم الشامي على المغربي .. بقولك ايه انتي لازم تشوفيلك حل في الموضوع ده ... البنت و مريضه نفسيه وهو خطيبته لسه ميته ايه ياختي ... حب من اول نظره ولا ايه
الفتاة : بقولك ايه انا تعبت من الحوار ده وجبت اخرى خلاص .. ايه عايز تلبسني في مصيبه ده الولا ظابط وبعدين ايه المشكله يعني لما يتجوزو
.............. : بت انتي ما تجننيش .. ما ينفعش الاثنين دول يتجمعو مع بعض يا اما هنتفضح و ساعتها حبل المشنقه هيستناكي يا حلوة
هنا انتفضت بغضب هى الاخرى لتهتف بغيظ
الفتاة : لا وغلاوتك عندي هيستناني و هيستناك انت كمان ولا تكونش ناسي ملك و اللي عملته فيها ... و اذا كنت انا اذيت فلك فهو كان تنفيذ لاوامرك انت وساعتها كمان هقول انه كان تحت تهديد منك .... لكن انت بقى فكرني كده ملك كان ذنبها ايه
و اخيرا حاول تمالك اعصابه و الهدوء ليفكر بشكل سليم فى كيفية القضاء على هذا الثنائي و تلك التى تعلم عنه اسرار لم يبوح لها بها بعد
...........بحذر : انتي ازاي عرفتي بموضوع ملك ده
جلست بغرور تضع قدما على أخرى هاتفة بتريث
الفتاة : طبعا لازم اعرف ولا فاكر انت بس اللي هتمسك عليا حاجات وانا ما اعرفش امسك عليك حاجه توقفك عند حدك لما تفكر تقلب عليا و تخوني ...ثم اكملت بسخرية ... اه اصلي عارفة الخيانة بتجري فى دمك ازاى .. احنا عجينة واحدة يا باشا ولا ايه ..... المهم اتمنى انك تسمعني قد ما بتتكلم و تاخذ بالك كويس قوي مني و من اللى اقدر اعمله بعد كده
اما بقى حكاية الاثنين دول اتجمعو ازاي وليه ... فدي عندي انا .. هحكيلك ازاى رغم انها حاجة متخطرش على بال اي حد بس هقول ايه ... واضح اننا فقريين فعلا ... المهم دلوقتى نفكر ازاي نقدر نفرق بينهم
***************
بمنزل شهاب و فلك
يجلس بهدوء بغرفة المعيشة يفكر بردة فعل والدته و شقيقته بعد معرفتهم بأمر زواجه بالتأكيد وصلهم الخبر و الدليل هاتفه الذي لم ينتهي رنينه منذ الامس و هاهو الان لا يعلم كيف يبرر الامر ليقرر اخيرا تجاهل مكالماتهم
شعر بالحركة حوله ليلتف نحو الصوت فيجدها مُقبلة عليه بابتسامة .. احيانا تشعره بالقلق
جلست بجانبه بهدوء تطالعه بحب جعله يبتلع رمقه بصعوبة
فلك : تليفونك بيرن من امبارح وانت ما بتردش هو في حاجه
شهاب بتنهيدة : دول اهلي بيستفسرو عن خبر جوازنا ... انا لسه بحاول افكر في حاجه اقولهالهم يعني عشان احنا اتجوزنا من غير ما حد يبقى موجود و مش حابب حد يعرف باتفاقنا ... المهم دلوقتي انا كنت طلبت من مصطفى يشوف لي دكتور مناسب يعني عشان يشوف حالتك و كده ... هو تقريبا على وصول ... ثم اكمل بحذر ... فلك احنا لسه علي اتفاقنا ولا ايه
أنت تقرأ
فلك (مكتملة)
Romanceقفزت فجأة لتتخصر بيديها ترفع احدى حاجبيها بعدم رضى ... وضع اخر و تصرف مفاجيء سيودي به الى الهلاك .... حقا لا يدري ما يحدث له فلك : لا بقى مانا مش هفضل على عمايا كده ... اقولك الدكتور قالك ايه ... الدكتور قال انى كويسة و عقلي ده اللى بتتريق عليه يوز...
