فلك (مكتملة)

5. غموض

ملك

شهاااااب

ابتلعت ريقها بخوف لتسير رعشة خفيفة بأطرافها ... اتتهيأ وجوده امامها ام انه حقيقة و واقع

هو بشحمه و لحمه يجلس امامها و كما يبدو مذهولا و مدهوشا من وجودها هي الاخرى

تحركت عدة خطوات للخلف فور شعورها به يتحرك نحوها .... يرفع كفه محاولا لمسها و التأكد من حقيقة وجودها ..... لحظات حتى سمعت همسه

شهاب : ملك

عقدت حاجبيها بدهشة " ملك " من تكون ؟ و لما يدعوها بهذا الاسم ثم ... اهو حقيقة ؟ ... اذن هى لم تكن تتخيل وجوده بل انه مازال حياً يرزق

............... : ملك مين ؟

شهاب بحب : انتي ... ملك ... ثم اردف بحنين و هيام .... حبيبتي

زاد انعقاد حاجبيها لتعدل من وقفتها بجمود و قد تشتتت من الاحداث حولها لتصحو على صوت عامر يدلف الى الغرفة فيرى الوضع المتوتر امامه و يردف بدهشة

عامر : دكتورة فلك .... ايه اللى بيحصل هنا ؟؟؟؟؟؟

بمكان مختلف تحديدا بمنزل فلك كانت تجلس و الدتها بهدوء برفقة احدى جيرانها تتحدث بشتى امور الحياة حتى جاءت على ذكر حال ابنتها و ما اصابها

الام (نوال) بحزن : نفسي يا ام عامر نفسي افرح بيها بعد كل اللى شافته ده دي هى اللى فاضلالي بعد المرحوم ...... امتي بقى

ام عامر بخبث : مانا سبق و قولتلك ناخد العيال لبعض و انتي تقوليلي دول اخوات .... عايزة افهم انا اخوات من انهى ناحية بالظبط ... دي اسمها فلك عماد الدين و ده اسمه عامر الحسيني .... اخوات ازاى بقى و لا يكونوش رضعو على بعض و انا معرفش

نوال : جرى ايه يا ام عامر مخليانى انا الشريرة يعنى و اللى مش راضية ابنك .... ده يعلم ربنا انى معتبراه ابني زيه زي فلك .. بس هنقول ايه اذا كان صاحب الشأن نفسه متكلمش

شهقت ام عامر بإستنكار لتردف

ام عامر : ابني و رايدها .... اقطع دراعي من هنا ان مكانش هيموت عليها بس خايف يفتح الموضوع و بنتك ترفضه ..... ايه يا نوال يا اختى عايزة تفهميني انك مش ملاحظة نظراته و حبه ولا ايه

تهربت الاخرى بنظراتها فهى تعرف حق المعرفة ان ابنتها لا تفكر بعامر صديق طفولتها بهذا الشكل على الاطلاق لذا حاولت تغيير الموضوع و التهرب من الحديث بهذا الامر رغم رغبتها المميتة فى رؤية قرة عينها عروس مثلها مثل سائر الفتيات ممن فى عمرها