الفهد والطبيبة ( مكتملة )

الفصل١٣

احمد: انت ازاى... انت اللى كنت سايق!!
اسر: اه انا مش عارف جبت القوة دى منان بس محستشى بحاجة وهى معايا .... شباب انا بحب اية وعاوز اتجوزها ممكن تساعدونى.
محمد: جواز!! تعالى معانا الشركة ونقول لعمى وهو بيحبك وبيعتبرك زى ابنه وانت كلم البشمهندس وهيكلم والدها ويطلب ايدها وتتجوزوا معانا....
اسر: بس انا مش عارف اذا كانت موافقة ولا لأ.
احمد: انا هسأل مى ولو عارفة هقولك تكلمها.
محمد: وانا هسال روفيدا.
احمد: وانت مالك بروفيدا!!..دى اختى
محمد: وخطيبتى
اسر: خلاص شباب بس متنسوش... انا ماشى وهعدى علاكو بلال سلام.
ترك اسر احمد ومحمد وتوجه الى منزله بينما احمد ومحمد ذهبا الى الشركة للاهتمام بها

منزل اسر
دخل اسر الى منزله وهو فى قمه حزنه فهو اليوم تذكر ماحدث له وعائلته قبل اربع سنوات حيث اصطحب والده ووالدته فى سيارته الى النادى ولكنه شرد ولم يرى سيارة النقل امامه وانقلبت السيارة وظل فى العناية المشددة وهو فى غيبوبة لمدة شهر كامل ووالده فى العناية المشددة وحدث له شلل نصفى ولكن والدته ماتت فى نفس اليوم ..
ظل اسر ينظر الى صورته التى تجمعه مع والدته ووالده وبدا بالبكاء الشديد حتى قطع لحظاته صوت والده المهندس جلال ...
جلال: اسر ...يااسر
اسر: نعم يا بابا انا جاى حالا.
قام اسر بمسح دموعه وذهب الى غرفة والده المجاورة له. وقام بدق الباب طق طق
اسر: بابا ممكن ادخل.
جلال: اتفضل يا حبيبى
دخل اسر الى غرفة والده وجلس على الارض بعد ان قبل يده وجلس بجوار كرسى والده المتحرك واسند راسه على قدمه..
جلال: انت جات امتى انا عارف انك اتغدات برا ولكن انا احسن منك ومكلتش ومستنيك.
اسر بعتاب: لكن يا بابا كان لازم تاكل علشان تاخد دواك... ينفع كداا.
جلال: خلاص يا دكتور .. انت بتعيط ليه بقى... احنا اتفقنا على ايه خلاص يا حبيبى اللى حصل حصل متعملشى فى نفسك كدا وبطل تلوم وتقنب ضميرك الاعمار بيد الله ...
اسر ببكاء: انا آسف ولكن انا افتكرت كل اللى حصل لما سقت النهاردة.
جلال بعتاب: طيب..وسقت ليه انت مش معاك السواق. سقت انت ليه.
اسر: خلاته يجيب عربية اية و..
جلال: اية!!!
اسر: انت عارف وسبق وحكتلك فمتمسلشى ..انا اتغدات معاها النهاردة وكنت ناوى اقولها زى ما اتفقنا.. بس لقات الكل فى المطعم احمد ومى ومحمد وروفيدا ف..
جلال: فطبعا مقولتش حاجة ...
اسر: احمد هيعرف من مى فهى بنت عمها ولو كانت بتعرف حاجة هتقول لاحمد وهو هيقولى.
جلال: اكيد بتحبك وهى هتلاقى احسن منك فان ولو طلعت بتحبك هجوزهالك ولو مش موافقة لسمح الله هخطفها واجوزهالك برده بس لازم اشوف ضحكتك انا مستعد اعمل اى حاجة علشان ارجعها .
اسر بابتسامة: ماشى بس يلا علشان تاكل وتاخد دواك انا مش ناسى يلا وهاكل معاك.
نزل اسر ووالده الى غرفة السفرة وتناولوا الغداء واعطاه الدواء واخذه الى غرفة المعيشة لمشاهدة التلفاز وجلب فيلم كوميدى...

ف

ى شركة احمد
وصل احمد ومحمد الى الشركة ودخلوا الى مكتب اللواء عبد الله الذى سبقهم منذ ساعة وتحدثوا فى بعض امور الشركة وعاد احمد ومحمد كل واحد الى مكتبه ليطلب من سكرتيرته ان تجلب له قهوته.
احمد: سارة هتيلى قهوتى
سارة: حاضر يا فندم.
دخل احمد الى مكتبه لمراجعة بعض الاوراق ثم دخلت سارة معها القهوة واعطتها لاحمد وكتبت بعض الملاحظات ثم عادت الى مكتبها..

فى منزل مى...
وصلت مع واية وصعدا كل واحدة منها الى غرفتها لتغير هدومها وتذاكر للمادة القادمة.

فى منزل اللواء عبد الله
فى المساء......
عاد احمد ومحمد واللواء عبد الله الى المنزل لتناول العشاء ثم توجهوا الى غرفة المكتب لمناقشة قضية رعد او عدى اى ان كان اسمه حاليا.
احمد: هى دى كل الاجراءات اللى خدناها.
محمد: كمان يا عمى الراجل بتاعنا هيبلغنا بشكله وهيدخل مصر ازاى وكل المعلومات اللى عوزانها يوم العودة وساعتها هنقبض عليه ...
عبد الله: عظيم كملوا اللى بتعملوه... اتفضلوا ارتاحوا
ذهب احمد الى غرفته واتصل بمى
احمد: الو ... وحشتينى
مى: بالسرعة دى انا كنت معاك فى الغدا
احمد: انت بتوحشينى وانت معايا مبالك بقى من الغدا حرام عليكى انا موحشتكيك.
مى: لأ وحشتنى طبعا..
احمد: مأنا عارف..
مى: والله!
احمد: والله! مى كنت عاوز اسألك سؤال.
مى: خير فى جاحة اتفضل.
احمد: هى اية بتحب اسر.
مى: مش عارفة بس النهاردة فى الجامعة كانت نظراتهم غريبة وكمان اما سألتها قالت انها مش عرفة هى بتحس بحاجة واول ما روفيدا قالتلها انت بتحبيه غيرت الموضوع واتحججت بالامتحان.
احمد: مممم... يعنى افهم من كدا انها بتحبه.
مى: اه انا عارفة اية هى بنت عمى وانا حفظاها.. كنت عاوزة اقولك على حاجة قبل ما انسى..
احمد: خير حبيبتى
مى: ندى بنت عمى راجعة من لندن بكرا هى خلصت امتحانات وهترجع بعد الفرح.
احمد: تمام انت يعنى عاوزة تروحى تستقبليها
مى: اه بصراحة عاوزة اروح المطار اجبها بس حبات انى اخبرك قبل ما اروح يعنى انت خطيبى فلازم تعرف انا هروح فان.
احمد بخبث: خطيبك بس.
مى: لأ طبعا انت حبيبى وقلبى وعقلى كمان... ويلا بقى علشان ورايا مذاكرة وامتحان وانا لو نقصت هتعلق فى السقف ..good night
احمد: good night
قفلت مى مع احمد وذاكرت حوالى ساعة ثم توجهت الى الفراش لتنام وترتاح فاليوم كان متعب للغاية.